2025ರ ಐಪಿಎಲ್ ಹರಾಜಿಗೂ ಮುನ್ನ ರಿಟೇನ್ ನಿಯಮದ ಬಗ್ಗೆ ಬಿಸಿಸಿಐ ದೊಡ್ಡ ಸುಳಿವು

2024ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಪಂದ್ಯಾವಳಿ ಮೇ 26ರಂದು ಮುಕ್ತಾಯಗೊಂಡಿತು. ಫೈನಲ್‌ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ತಂಡವು ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನು ಸೋಲಿಸಿ, ಲೀಗ್ ಇತಿಹಾಸದಲ್ಲಿ ಮೂರನೇ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.

2024ರ ಐಪಿಎಲ್ ಮುಗಿದಿದೆ ಮತ್ತು ಇದೀಗ ಅಭಿಮಾನಿಗಳ ಗಮನವು ಐಪಿಎಲ್ 2025ರ ಹರಾಜು ಕಡೆಗೆ ನೆಟ್ಟಿದೆ. ಭಾರೀ ನಿರೀಕ್ಷೆ ಏಕೆಂದರೆ, ಇದು ಮೆಗಾ ಹರಾಜಾಗಿದೆ. ಅಲ್ಲಿ ಎಲ್ಲಾ ತಂಡಗಳ ಆಟಗಾರರ ಜೆರ್ಸಿ ದೊಡ್ಡ ಪ್ರಮಾಣದಲ್ಲಿ ಬದಲಾಗುತ್ತದೆ.

ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಯಂತಹ ಸ್ಟಾರ್ ಆಟಗಾರರು ಇತರ ತಂಡಗಳಿಗೆ ಹೋಗುತ್ತಾರೆಯೇ? ಅಥವಾ ಫ್ರಾಂಚೈಸಿಗಳು ಯಾವ ಆಟಗಾರರನ್ನು ಉಳಿಸಿಕೊಳ್ಳುತ್ತಾರೆ ಎಂದು ಅಭಿಮಾನಿಗಳು ಮತ್ತು ಕ್ರಿಕೆಟ್ ತಜ್ಞರು ಕುತೂಹಲದಿಂದ ನೋಡಲು ಪ್ರಾರಂಭಿಸಿದ್ದಾರೆ.

ಇದೇ ವೇಳೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) 2025ರ ಐಪಿಎಲ್ ಹರಾಜಿಗೂ ಮುನ್ನ ಆಟಗಾರರ ಉಳಿಸಿಕೊಳ್ಳುವ ನಿಯಮದ ಬಗ್ಗೆ ದೊಡ್ಡ ಸುಳಿವು ನೀಡಿದೆ.

ಸದ್ಯ ಚಾಲ್ತಿಯಲ್ಲಿರುವ ಕನಿಷ್ಠ 3 ಮತ್ತು ಗರಿಷ್ಠ 4 (3+1) ಆಟಗಾರರ ರಿಟೇನ್ ನೀತಿಯನ್ನು ಅನುಸರಿಸಲು ಬಿಸಿಸಿಐ ಒಲವು ತೋರಿದೆ.

ಎಲ್ಲಾ 10 ಫ್ರಾಂಚೈಸಿಗಳು ರೈಟ್ ಟು ಮ್ಯಾಚ್ ಕಾರ್ಡ್ ಅನ್ನು ಹೆಚ್ಚಿಸುವುದಕ್ಕೆ ಅವಕಾಶ ನೀಡಲಾಗುತ್ತದೆ ಎಂದು ವರದಿಗಳು ತಿಳಿಸಿವೆ. ಆಗ ಎಂಟು ಆಟಗಾರರು ತಂಡದೊಂದಿಗೆ ಉಳಿಯಲು ಅನುಮತಿಸಬಹುದು. ಇದಲ್ಲದೆ, ಕೆಲವು ಫ್ರಾಂಚೈಸಿಗಳನ್ನು ಹೊರತುಪಡಿಸಿ, ಉಳಿದ ಫ್ರಾಂಚೈಸಿ ಯಾರೂ ಆರು ಅಥವಾ ಎಂಟು ಆಟಗಾರರನ್ನು ಉಳಿಸಿಕೊಳ್ಳಲು ಬಯಸುತ್ತಿಲ್ಲ ಎಂದು ಹೇಳಲಾಗುತ್ತಿದೆ.

ಇದರ ಪರಿಣಾಮವಾಗಿ, ಮುಂಬರುವ ಐಪಿಎಲ್ ಆವೃತ್ತಿಗೂ ಮುನ್ನ ಯಾವುದೇ ಇತರ ರಿಟೇನ್ ನೀತಿಗಳ ಕಡೆಗೆ ಅಪೆಕ್ಸ್ ಮಂಡಳಿ ಏನು ಯೋಚಿಸುತ್ತಿದೆ ಎಂದು ಕಾದು ನೋಡಬೇಕಿದೆ.

"6 ಅಥವಾ 8 ಆಟಗಾರರಿಗೆ ರಿಟೇನ್ ಹೆಚ್ಚಿಸುವುದು ಮತ್ತು ನಂತರ ರೈಟ್ ಟು ಮ್ಯಾಚ್‌ಗಳನ್ನು ಹೊಂದುವುದು ಮೆಗಾ ಹರಾಜು ಅನ್ನು ನಿಷ್ಪ್ರಯೋಜಕ ವ್ಯಾಯಾಮವನ್ನಾಗಿ ಮಾಡುತ್ತದೆ. ಹರಾಜು ಪ್ರಕ್ರಿಯೆ ಐಪಿಎಲ್‌ನ ಸೌಂದರ್ಯವನ್ನು ಹೆಚ್ಚಿಸಿದೆ ಮತ್ತು ಅದಕ್ಕೆ ಕಡಿಮೆ ಪ್ರಾಮುಖ್ಯತೆ ನೀಡುವುದರಿಂದ ಲೀಗ್ ಅನ್ನು ಉತ್ತಮ ಆರೋಗ್ಯದಲ್ಲಿಡಲು ಸಹಾಯ ಮಾಡುವುದಿಲ್ಲ," ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿನ ಕೆಲವು ತಂಡಗಳು ಮೂರರಿಂದ ನಾಲ್ಕು ಆಟಗಾರರನ್ನು ಉಳಿಸಿಕೊಳ್ಳಲು ತಮ್ಮ ಕಳವಳವನ್ನು ವ್ಯಕ್ತಪಡಿಸಿವೆ.

ನಿಷ್ಠಾವಂತ ಅಭಿಮಾನಿಗಳ ಸಮಸ್ಯೆ

3+1 ನಿಯಮ ಕೆಲವು ತಂಡಗಳ ಸಮಸ್ಯೆಗಳಲ್ಲಿ ಒಂದಾಗಿರಬಹುದು. ತಂಡಗಳು ಸ್ಟಾರ್ ಆಟಗಾರರನ್ನು ಉಳಿಸಿಕೊಳ್ಳಲು ಸಾಧ್ಯವಾಗದಿರಬಹುದು ಮತ್ತು ಆ ಆಟಗಾರರಿಂದಾಗಿ ಕೆಲವು ತಂಡಗಳು ದೊಡ್ಡ ಅಭಿಮಾನಿ ಬಳಗ ಹೊಂದಿರುತ್ತವೆ. ಐಪಿಎಲ್‌ನಲ್ಲಿ ಆರ್‌ಸಿಬಿ ಪರ ಮಾತ್ರ ಆಡಿರುವ ವಿರಾಟ್ ಕೊಹ್ಲಿ ಕ್ಲಾಸಿಸ್ ಉದಾಹರಣೆಯಾಗಿದ್ದಾರೆ.

ಶ್ರೀಮಂತ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ತಮ್ಮ ಫ್ರಾಂಚೈಸಿಯನ್ನು ಪ್ರತಿನಿಧಿಸಲು ಸ್ಟಾರ್ ಆಟಗಾರರನ್ನು ಆಗಾಗ್ಗೆ ಬದಲಾಯಿಸುವುದರಿಂದ ಲಾಯಲ್ ಅಭಿಮಾನಿಗಳ ಕೊರತೆಯನ್ನು ಕೆಲವು ತಂಡಗಳು ಅನುಭವಿಸುವ ಕಥೆಯಾಗಿದೆ.

ಇದೇ ವೇಳೆ, ಬಿಸಿಸಿಐನ ಐಪಿಎಲ್ ಮಂಡಳಿ ಮತ್ತು ಫ್ರಾಂಚೈಸಿಗಳ ಮಾಲೀಕರು ಐಪಿಎಲ್ 2024ರ ಸಮಯದಲ್ಲಿ ಇದರ ಬಗ್ಗೆ ಚರ್ಚಿಸಲು ಭೇಟಿಯಾಗಬೇಕಿತ್ತು. ಆದರೆ ಸಭೆಯನ್ನು ರದ್ದುಗೊಳಿಸಲಾಯಿತು. ಇದೀಗ, ಯಾವುದೇ ಹೊಸ ದಿನಾಂಕವನ್ನು ಅಂತಿಮಗೊಳಿಸಲಾಗಿಲ್ಲ ಮತ್ತು ಟಿ20 ವಿಶ್ವಕಪ್‌ನ ಸಂದರ್ಭದಲ್ಲಿ ಅದು ಆಗುವುದಿಲ್ಲ.

ಹರಾಜು ಪ್ರಕ್ರಿಯೆ ಐಪಿಎಲ್‌ಗೆ ಸೌಂದರ್ಯ ತರುತ್ತವೆ. ಯಾವುದೇ ಕಾರ್ಯಸಾಧ್ಯವಾದ ಪರಿಹಾರವನ್ನು ಮಾಡುವ ಮೊದಲು ಸ್ವಲ್ಪ ಸಮಯವನ್ನು ನೀಡುವುದು ನ್ಯಾಯಯುತವಾಗಿದೆ ಎಂದು ಬಿಸಿಸಿಐ ಅಧಿಕಾರಿ ಹೇಳಿದರು.

"ಹೌದು, ಇದು ಹಲವು ತಂಡಗಳಿಗೆ ಕಳವಳಕಾರಿಯಾಗಿದೆ. ಆದರೆ ನಾವು ಐಪಿಎಲ್‌ನಲ್ಲಿನ ಅಭಿಮಾನಿಗಳ ನೆಲೆಯನ್ನು ಐಪಿಎಲ್ ಫ್ರಾಂಚೈಸಿಗಳ ಅಭಿಮಾನಿಗಳಿಗೆ ಹೋಲಿಸಲು ಸಾಧ್ಯವಿಲ್ಲ. ಹೀಗಾಗಿ ಐಪಿಎಲ್‌ನಲ್ಲಿ ಬೆರಳೆಣಿಕೆಯಷ್ಟು ತಂಡಗಳಿಗೆ ಮಾತ್ರ ಇದು ಸಂಭವಿಸಿದೆ. ಇದು ಸಮಯ ತೆಗೆದುಕೊಳ್ಳುತ್ತದೆ," ಎಂದು ಹೇಳಿದ್ದಾರೆ.