ಬಿಸಿಸಿಐ ಸಿಇಒ ರಾಹುಲ್ ಜೋಹ್ರಿಗೂ ತಟ್ಟಿದ '#ಮೀಟೂ' ಅಭಿಯಾನದ ಬಿಸಿ

ಟ್ವೀಟ್ ನಲ್ಲಿ..

ಹರ್ನಿಧ್ ಕೌರ್ ತನ್ನ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿರುವ ನಾಲ್ಕೈದು ಪುಟಗಳ ಬರವಣಿಗೆಯಿರುವ ಮೊಬೈಲ್ ಸ್ಕ್ರೀನ್ ಶಾಟ್ ಗಳಿವೆ. ಇದರಲ್ಲಿ ಸಂತ್ರಸ್ತೆಯೊಬ್ಬಳು ತನ್ನ ಮೇಲಾಗಿರುವ ಲೈಂಗಿಕ ದೌರ್ಜನ್ಯವನ್ನು ಎಳೆಎಳೆಯಾಗಿ ಬಿಡಿಸಿಟ್ಟಿದ್ದಾರೆ.

ಬರವಣಿಗೆಯೊಳಗೆ

ಟೈಪಿಸಲ್ಪಟ್ಟಿರುವ ಆ ಬರಹದ ಸ್ಕ್ರೀನ್ ಶಾಟ್ ಗಳಲ್ಲಿ ರಾಹುಲ್ ಜೋಹ್ರಿ ತನ್ನ ಕಾಮತೃಷೆ ತೀರಿಸಿಕೊಂಡ ಬಗೆಯನ್ನು ಅನಾಮಧೇಯ ಸಂತ್ರಸ್ತೆ (ಮಹಿಳಾ ಪತ್ರಕರ್ತೆ) ವಿವರಿಸಿದ್ದಾರೆ. ಹೆಂಡತಿ ಮನೆಯಲ್ಲಿಲ್ಲದಾಗ ಸಂದರ್ಶನಕ್ಕೆಂದು ತನ್ನನ್ನು ಆಹ್ವಾನಿಸಿದ ಜೋಹ್ರಿ ತನ್ನ ಮೇಲೆರಗಿದ್ದನ್ನು ಆಕೆ ವಿವರಿಸಿದ್ದಾರೆ.

ಲಸಿತ್ ಮಾಲಿಂಗ

ಈ ಮೊದಲು, ಶ್ರೀಲಂಕಾ ತಂಡದ ಏಕದಿನ ಕ್ರಿಕೆಟ್ ಮತ್ತು ಟಿ20ಯ ಮಾಜಿ ನಾಯಕ, ವೇಗಿ ಲಸಿತ್ ಮಾಲಿಂಗ ಅವರು ಮಹಿಳೆಯೊಬ್ಬರ ಮೇಲೆ ಮುಂಬೈಯ ಹೋಟೆಲ್ ನಲ್ಲಿ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಗಾಯಕಿ ಚಿನ್ಮಯಿ ಶ್ರೀಪಾದ ಆರೋಪಿಸಿದ್ದರು.

ರೊನಾಲ್ಡೋ ಮೇಲೂ ಆರೋಪ

ಪೋರ್ಚುಗಲ್ ಸ್ಟಾರ್ ಕ್ರಿಸ್ಚಿಯಾನೊ ರೋನಾಲ್ಡೋ ಕೂಡ ಇಂಥದ್ದೇ ಆರೋಪದಡಿಯಲ್ಲಿದ್ದಾರೆ. ರೊನಾಲ್ಡೋದ್ದು #metoo ಕೇಸ್ ಅಲ್ಲ, ಆದ್ರೆ ಅವರದ್ದೂ ಒಂಥರಾ ಇಂಧದ್ದೇ ಕತೆ. ಅಮೆರಿಕಾದ ನೆವಡಾದ ಕ್ಯಾಥರಿನ್ ಮಯೋರ್ಗಾ ಎನ್ನುವ 34ರ ಹರೆಯದ ಮಹಿಳೆ, 2009ರಲ್ಲಿ ಅಮೆರಿಕಾದ ಲಾಸ್ ವೇಗಸ್ ನ ಹೊಟೇಲ್ ರೂಮೊಂದರಲ್ಲಿ ರೊನಾಲ್ಡೋ ತನ್ನ ಮೇಲೆ ಅತ್ಯಾಚಾರವೆಸಗಿದ್ದರು ಎಂದು ಆರೋಪಿಸಿದ್ದರು. ಜರ್ಮನಿಯ ಮ್ಯಾಗಜಿನ್ 'ಡೆರ್ ಸ್ಪೀಗೆಲ್' ಈ ಬಗ್ಗೆ ವರದಿ ಪ್ರಕಟಿಸಿತ್ತು.