ಬೆಂಚ್ ಸ್ಟ್ರೆಂತ್ ಬಲಗೊಳಿಸಲು ಬಿಸಿಸಿಐ ಮಾಸ್ಟರ್ ಪ್ಲ್ಯಾನ್

ಟೀಮ್ ಇಂಡಿಯಾ ಸದ್ಯ ಉತ್ತಮ ಬೌಲಿಂಗ್ ಅಟ್ಯಾಕ್‌ನ್ನು ಹೊಂದಿದೆ. ಈ ಬಲವನ್ನು ಮತ್ತಷ್ಟು ಬಲ ಪಡಿಸಿಕೊಳ್ಳಲು ಆಟಗಾರರನ್ನು ಬಹು ದಿನಗಳಿಂದಿಂದ ಹುಡುಕಾಟ ನಡೆಸಿದೆ. ಈ ನಿಟ್ಟಿನಲ್ಲಿ ಟೀಮ್‌ ಇಂಡಿಯಾ ಪರ ಮಿಂಚುವ ಆಸೆಯನ್ನು ಚಿಗುರಿಸಿದ ಹಲವು ಆಟಗಾರರು ಕಾಣಿಸಿಕೊಂಡಿದ್ದಾರೆ. ಆದರೆ ಬಿಸಿಸಿಐ ಈ ಆಟಗಾರರ ಮೇಲೆ ತನ್ನ ಕಣ್ಣನ್ನು ನೆಟ್ಟಿದೆ.

ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ ಕಳೆದ ತಿಂಗಳ ಕೊನೆಯಲ್ಲಿ ತನ್ನ ಕೇಂದ್ರ ಒಪ್ಪಂದವನ್ನು ಘೋಷಿಸುವಾಗ ದೊಡ್ಡ ನಿರ್ಧಾರವನ್ನು ತೆಗೆದುಕೊಂಡಿತ್ತು. ಈ ನೂತನ ಒಪ್ಪಂದದ ಪ್ರಕಾರ ಬಿಸಿಸಿಐ ಭವಿಷ್ಯದಲ್ಲಿ ತನ್ನ ಬೌಲಿಂಗ್‌ ಸ್ಟ್ರೆಂತ್ ಬಲಿಷ್ಠಗೊಳಿಸುವ ನಿಟ್ಟಿನಲ್ಲಿ ಶ್ರಮಿಸುತ್ತಿದೆ. ಈ ಹೊಸ ಯೋಜನೆಯ ಅಡಿಯಲ್ಲಿ ಬಿಸಿಸಿಐ ಐದು ಆಟಗಾರರಿಗೆ ಗುತ್ತಿಗೆ ಆಟಗಾರರ ಅಡಿಯಲ್ಲಿ ಸ್ಥಾನ ನೀಡಿದೆ.

ಈ ಐವರು ಆಟಗಾರರ ಹೆಸರುಗಳಲ್ಲಿ ಆಕಾಶ್ ದೀಪ್, ವಿಜಯ್ ಕುಮಾರ್ ವೈಶಾಕ್, ಉಮ್ರಾನ್ ಮಲಿಕ್, ಯಶ್ ದಯಾಳ್ ಮತ್ತು ವಿದ್ವತ್ ಕಾವೇರಪ್ಪ ಸೇರಿದ್ದಾರೆ. ಈ ಆಟಗಾರರಿಗೆ ವಿಶೇಷ ಅವಕಾಶಗಳನ್ನು ನೀಡಲು ಬಿಸಿಸಿಐ ಮುಂದಾಗಿದೆ.

ಫೆಬ್ರವರಿ 28 ರಂದು ಬಿಸಿಸಿಐ ಅಂತಹ ಒಪ್ಪಂದವನ್ನು ಘೋಷಿಸಿದಾಗ, ಈ ವಿಷಯದ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀಡಲಿಲ್ಲ. ಬಿಸಿಸಿಐನಿಂದ ಈ ಆಟಗಾರರಿಗೆ ಏನು ಲಾಭವಾಗಲಿದೆ.ಚಕ್ರಿಕೆಟ್‌ಬಜ್‌ನ ವರದಿಯ ಪ್ರಕಾರ, ಈ ಐವರು ವೇಗದ ಬೌಲರ್‌ಗಳು ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಗೆ (ಎನ್‌ಸಿಎ) ಹೋಗಲು ಪ್ರವೇಶವನ್ನು ಪಡೆಯುತ್ತಾರೆ ಎಂದು ತಿಳಿದು ಬಂದಿದೆ.

ಈ ಹಕ್ಕು ಕೇಂದ್ರ ಒಪ್ಪಂದ ಹೊಂದಿರುವ ಆಟಗಾರರಿಗೆ ಮಾತ್ರ ಲಭ್ಯವಿದೆ. ಈಗ ಈ ಐವರು ಬೌಲರ್‌ಗಳು ಯಾವುದೇ ವೆಚ್ಚವಿಲ್ಲದೆ ಅಕಾಡೆಮಿಯಲ್ಲಿ ತರಬೇತಿ, ಪುನರ್ವಸತಿ ಮತ್ತು ಇತರ ಸೌಲಭ್ಯಗಳನ್ನು ಬಳಸಲು ಸಾಧ್ಯವಾಗುತ್ತದೆ. ಅವರು NCA ಯಿಂದ ವಿಮೆಗೆ ಒಳಪಡುತ್ತಾರೆ. NCA ನಿಯಮಗಳ ಪ್ರಕಾರ, ಗುತ್ತಿಗೆ ಪಡೆಯದ ಆಟಗಾರರು ಸಹ ಅದರ ಸೌಲಭ್ಯಗಳನ್ನು ಬಳಸಬಹುದು, ಆದರೆ ಅವರ ರಾಜ್ಯ ಮಂಡಳಿಗಳ ಶಿಫಾರಸಿನ ಮೇರೆಗೆ ಮಾತ್ರ. ಇದಲ್ಲದೆ, ರಾಜ್ಯ ಮಂಡಳಿಯು ಆ ಆಟಗಾರನ ವೆಚ್ಚವನ್ನು ಭರಿಸಬೇಕಾಗುತ್ತದೆ.

ಬಿಸಿಸಿಐನ ಈ ವಿಶೇಷ ನಿರ್ಧಾರದ ನಂತರ, ವೇಗದ ಬೌಲಿಂಗ್ ಒಪ್ಪಂದವನ್ನು ಹೊಂದಿರುವ ಬೌಲರ್‌ಗಳು ಇನ್ನು ಮುಂದೆ ಅವರ ರಾಜ್ಯ ಮಂಡಳಿಯನ್ನು ಅವಲಂಬಿಸಿರುವುದಿಲ್ಲ. ಉಮ್ರಾನ್ ಮಲಿಕ್, ಆಕಾಶ್ ದೀಪ್ ಸಿಂಗ್, ವಿಜಯ್‌ಕುಮಾರ್ ವೈಶಾಕ್, ಯಶ್ ದಯಾಳ್ ಮತ್ತು ಕಾವೇರಪ್ಪ ನೇರವಾಗಿ ಎನ್‌ಸಿಎಗೆ ಹೋಗಬಹುದು. ಭಾರತ ತಂಡಕ್ಕೆ ವೇಗದ ಬೌಲರ್‌ಗಳ ಬೆಂಚ್ ಬಲವನ್ನು ಸಿದ್ಧಪಡಿಸುವುದು ಈ ಹೊಸ ಒಪ್ಪಂದವನ್ನು ಪ್ರಾರಂಭಿಸುವ ಉದ್ದೇಶವಾಗಿದೆ.

ಭಾರೀ ಕ್ರಿಕೆಟ್ ಪಂದ್ಯಗಳಿಂದಾಗಿ ಬೌಲರ್‌ಗಳು ಆಗಾಗ್ಗೆ ಗಾಯಗಳನ್ನು ಎದುರಿಸುತ್ತಿರುವ ಕಾರಣ, ತಂಡದ ಆಯ್ಕೆಗಾರರು ಮತ್ತು BCCI ಯಾವುದೇ ಸಮಯದಲ್ಲಿ ರಾಷ್ಟ್ರೀಯ ತಂಡಕ್ಕೆ ಕಾಲಿಡಲು ಸುಲಭವಾಗಿ ಲಭ್ಯವಿರುವ ಆಟಗಾರರ ಗುಂಪನ್ನು ರಚಿಸುವ ತೀರ್ಮಾನವನ್ನು ಮಾಡಿದೆ. ಇದೇ ಕಾರಣಕ್ಕೆ ಬಿಸಿಸಿಐ ಈ ಬಾರಿ ಈ ಕ್ರಮಕ್ಕೆ ಮುಂದಾಗಿದೆ.

ಈ ಆಟಗಾರರಿಗೆ ಬಿಸಿಸಿಐ ಯಾವುದೇ ಸಂಭಾವನೆ ಘೋಷಿಸಿಲ್ಲ. ಆದರೆ, ಈ ಬೌಲರ್‌ಗಳ ರಿಟೈನರ್‌ಶಿಪ್ ಸಿ ದರ್ಜೆಯ ಆಟಗಾರರಿಗೆ ಸರಿಸಮಾನವಾಗಿರಬಹುದು. ಇದು ಕಳೆದ ವರ್ಷ ನೀಡಲಾದ ಒಪ್ಪಂದದ ಪ್ರಕಾರ 1 ಕೋಟಿ ರೂ.