ಐಪಿಎಲ್: ವೇಳಾಪಟ್ಟಿ ವಿಳಂಬಕ್ಕೆ ಕಾರಣ ಬಹಿರಂಗ: ಮಾಸ್ಟರ್‌ಪ್ಲ್ಯಾನ್ ಮಾಡಿಕೊಂಡ ಬಿಸಿಸಿಐ

ಪ್ರತಿ ಪಂದ್ಯಕ್ಕೂ ಪಾಲನೆ ಕಠಿಣ

ಈ ಕಠಿಣ ನಿಬಂಧನೆಗಳು ಪಂದ್ಯಗಳು ನಡೆಯುವ ದಿನ ಪಾಲಿಸುವುದು ತಂಡಗಳ ಪಾಲಿಗೆ ತುಂಬಾ ಕಠಿಣವಾಗಿದೆ. ಈ ಕಾರಣದಿಂದಾಗಿ ಬಿಸಿಸಿಐ ಇನ್ನೂ ಕೂಡ ಅಂತಿಮ ವೇಳಾಪಟ್ಟಿಯನ್ನು ಬಿಡುಗಡೆಗೊಳಿಸಿಲ್ಲ ಎಂಬ ಮಾಹಿತಿಗಳು ಈಗ ದೊರಕಿದೆ.

ಎರಡು ವಿಭಾಗದಲ್ಲಿ ನಡೆಸುವ ಚಿಂತನೆ

'ಇನ್‌ಸೈಡ್ ಸ್ಪೋರ್ಟ್' ವೆಬ್‌ಸೈಟ್ ವರದಿಯ ಪ್ರಕಾರ ಈ ನಿಯಮಗಳ ಕಾರಣದಿಂದಾಗಿ ಬಿಸಿಸಿಐ ಈ ಬಾರಿಯ ಐಪಿಎಲ್ ಅನ್ನು ಎರಡು ಹಂತದಲ್ಲಿ ನಡೆಸಲು ಬಿಸಿಸಿಐ ಚಿಂತೆ ನಡೆಸಿದೆ. ಇದರಿಂದಾಗಿ ಎರಡು ನಗರಗಳ ನಡುವೆ ಪ್ರಯಾಣ ಭಾರೀ ಕಡಿತವಾಗಲಿದೆ.

ಮೊದಲ ಹಂತ ಶಾರ್ಜಾ ಹಾಗೂ ದುಬೈನಲ್ಲಿ

ಈ ಬಾರಿಯ ಐಪಿಎಲ್ ಶಾರ್ಜಾ, ದುಬೈ ಹಾಗೂ ಅಬುದಾಬಿಯಲ್ಲಿ ನಡೆಯಲಿದೆ. ಇಲ್ಲಿ ಶಾರ್ಜಾ ಹಾಗೂ ದುಬೈ ನಡುವಿನ ಪ್ರಯಾಣಕ್ಕೆ ಯಾವುದೇ ನಿಬಂಧನೆಗಳು ಇಲ್ಲ. ಹೀಗಾಗಿ ಬಿಸಿಸಿಐ ಮೊದಲ ಹಂತದ ಸಂಪೂರ್ಣ ಪಂದ್ಯಗಳನ್ನು ದುಬೈ ಹಾಗೂ ಶಾರ್ಜಾದಲ್ಲಿ ನಡೆಸುವ ಸಾಧ್ಯತೆಯಿದೆ.

ಎರಡನೇ ಹಂತ ಅಬುದಾಬಿಯಲ್ಲಿ

ಬಳಿಕ ಎರಡನೇ ಭಾಗದ ಪಂದ್ಯಾಟಗಳನ್ನು ದುಬೈನಿಂದ 130 ಕಿ.ಮೀ ದೂರದಲ್ಲಿರುವ ಅಬುದಾಬಿಯಲ್ಲಿ ನಡೆಸುವ ಚಿಂತನೆಯಿದೆ. ಇದಾದ ಬಳಿಕ ಫ್ಲೇ ಆಫ್ ಪಂದ್ಯಗಳು ಹಾಗೂ ಫೈನಲ್ ಪಂದ್ಯಗಳು ದುಬೈನಲ್ಲಿ ನಡೆಯಲಿದ್ದು ಇದಕ್ಕೆ ತೇರ್ಗಡೆಯಾದ ತಂಡಗಳು ದುಬೈಗೆ ಪ್ರಯಾಣಿಸಬೇಕಾಗುತ್ತದೆ.

ಅಂತಿಮ ನಿರ್ಧಾರಕ್ಕೆ ಬಾರದ ಬಿಸಿಸಿಐ

ಬಿಸಿಸಿಐ ಈ ಬಗ್ಗೆ ಇನ್ನೂ ತನ್ನ ಅಂತಿಮ ನಿರ್ಧಾರವನ್ನು ತೆಗೆದುಕೊಂಡಿಲ್ಲ. ಆದರೆ ಮುಂದಿನ 48 ಗಂಟೆಗಳಲ್ಲಿ ಬಿಸಿಸಿಐ ಈ ಬಗ್ಗೆ ತನ್ನ ನಿಲುವನ್ನು ತೆಗೆದುಕೊಂಡು ಟೂರ್ನಿಯ ವೇಳಾಪಟ್ಟಯನ್ನು ಬಿಡುಗಡೆಗೊಳಿಸುವ ಸಾಧ್ಯತೆಯಿದೆ. ಯುಎಇ ಸರ್ಕಾರದ ಅಧಿಕಾರಿಗಳ ಜೊತೆಗಿನ ಸಭೆಯ ಬಳಿಕ ಐಪಿಎಲ್ ಮುಖ್ಯಸ್ಥ ಬ್ರಿಜೇಶ್ ಪಟೇಲ್ ಹಾಗೂ ಹೇಮಂಗ್ ಅಮಿನ್ ಅಂತಿಮ ನಿರ್ದಾರವನನ್ಉ ತೆಗೆದುಕೊಳ್ಳಲಿದ್ದಾರೆ.