ಕನಿಷ್ಠ 10 ಟಿ20ಐ ಪಂದ್ಯ ಆಡಿದ ಆಟಗಾರರಿಗೆ ಬಿಸಿಸಿಐ ಕೇಂದ್ರ ಗುತ್ತಿಗೆ

ನವದೆಹಲಿ: ಕನಿಷ್ಠ 10 ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳನ್ನಾಡಿದ ಆಟಗಾರರು ಇನ್ಮುಂದೆ ಬೋರ್ಡ್ ಆಫ್ ಕಂಟ್ರೋಲ್ ಫಾರ್ ಕ್ರಿಕೆಟ್ ಇನ್ ಇಂಡಿಯಾದಿಂದ (ಬಿಸಿಸಿಐ) ವಾರ್ಷಿಕ ಕೇಂದ್ರ ಗುತ್ತಿಗೆ ಪಡೆಯಲು ಅರ್ಹರಾಗಲಿದ್ದಾರೆ. ವಾರ್ಷಿಕ ಒಪ್ಪಂದ ನಿಯಮದಲ್ಲಿ ಬದಲಾವಣೆ ತಂದಿರುವ ಬಿಸಿಸಿಐ ಒಪ್ಪಂದಕ್ಕಾಗಿ ಆಟಗಾರರಿಗೆ ಕನಿಷ್ಠ 10 ಟಿ20ಐ ಪಂದ್ಯಗಳ ಷರತ್ತು ವಿಧಿಸಿದೆ.

ಸುಪ್ರೀಂ ಕೋರ್ಟ್ ನೇಮಕ ಮಾಡಿದ ನಿರ್ವಾಹಕರ ಸಮಿತಿಯ (ಸಿಒಎ) ಅಧಿಕಾರಾವಧಿಯಲ್ಲಿ, ಕೇವಲ ಕೆಲವೇ ಟಿ20 ಪಂದ್ಯಗಳನ್ನು ಆಡಿದವರಿಗೆ ಯಾವುದೇ ಕೇಂದ್ರ ಒಪ್ಪಂದ ನೀಡಲು ಭಾರತೀಯ ಮಂಡಳಿ ನಿರಾಕರಿಸಿದೆ.

ಇದಕ್ಕೂ ಮುನ್ನ, ಒಂದು ಕ್ರೀಡಾ ಸೀಸನ್‌ನಲ್ಲಿ ಯಾವುದೇ ಅಂತಾರಾಷ್ಟ್ರೀಯ ಆಟದಲ್ಲಿ ಹೊರಹೊಮ್ಮಿದ ಯಾವುದೇ ಆಟಗಾರನು ಮಂಡಳಿಯ ಕೇಂದ್ರ ಗುತ್ತಿಗೆ ವ್ಯವಸ್ಥೆಯ ಅಡಿಯಲ್ಲಿ ಬರುವ ನೀತಿಯನ್ನು ಮಂಡಳಿ ಅನುಸರಿಸಿದೆ.

'ಹಳೆಯ ಷರತ್ತು ಬದಲಾಯಿಸಲು ಮತ್ತು ಹೊಸದನ್ನು ಸೇರಿಸಲು ಕ್ರಿಕೆಟ್ ಮಂಡಳಿಯು ನಿರ್ಧರಿಸಿದೆ. ಹೊಸ ನಿಯಮದ ಪ್ರಕಾರ, ಒಂದು ವರ್ಷದಲ್ಲಿ ಕನಿಷ್ಠ ಹತ್ತು ಟಿ20ಐ ಪಂದ್ಯಗಳನ್ನು ಆಡಿದ ಆಟಗಾರನಿಗೆ ಕೇಂದ್ರ ಒಪ್ಪಂದವನ್ನು ನೀಡಬಹುದಾಗಿದೆ,' ಎಂದು ಮೂಲವೊಂದು ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ ತಿಳಿಸಿದೆ.