ಐಪಿಎಲ್ ಇತಿಹಾಸದಲ್ಲಿ ಹೈದರಾಬಾದ್ ಕಂಡಿರುವ ದೊಡ್ಡ ಗೆಲುವುಗಳಿವು!

ಸಾಹ ಭರ್ಜರಿ ಬ್ಯಾಟಿಂಗ್

ಟೆಸ್ಟ್‌ಗೆ ಹೆಚ್ಚು ಸೂಕ್ತ ಎಂಬಂತೆ ಕಾಣಲಾಗುತ್ತಿದ್ದ ವೃದ್ಧಿಮಾನ್ ಸಾಹ ಮಂಗಳವಾರ ಆಡಿದ್ದು ಟೂರ್ನಿಯ ಎರಡನೇ ಪಂದ್ಯ. ಈ ಪಂದ್ಯದಲ್ಲೇ ಸಹಾ ಅದ್ಭುತ ಬ್ಯಾಟಿಂಗ್ ಪ್ರದರ್ಶಿಸಿದ್ದಾರೆ.45 ಎಸೆತಗಳಲ್ಲಿ 87 ರನ್ ಚಚ್ಚಿರುವ ಸಾಹ, 12 ಫೋರ್ಸ್, 2 ಸಿಕ್ಸರ್‌ ಕೂಡ ಸಿಡಿಸಿದ್ದರು.

ರಶೀದ್ ಖಾನ್ ಮಾರಕ ಬೌಲಿಂಗ್

ಡೇವಿಡ್ ವಾರ್ನರ್, ವೃದ್ಧಿಮಾನ್ ಸಾಹ ಬ್ಯಾಟಿಂಗ್‌ನಲ್ಲಿ ಬೆಂಬಲಿಸಿದರೆ ಬೌಲಿಂಗ್‌ನಲ್ಲಿ ಸ್ಪಿನ್ನರ್ ರಶೀದ್ ಖಾನ್ (7 ರನ್‌ಗೆ 3 ವಿಕೆಟ್, 4 ಓವರ್‌ಗಳು), ಸಂದೀಪ್ ಶರ್ಮಾ (27 ರನ್‌ಗೆ 2 ವಿಕೆಟ್), ಟಿ ನಟರಾಜನ್ (26 ರನ್‌ಗೆ 2), ಶಹಬಾಝ್ ನದೀಮ್, ಜೇಸನ್ ಹೋಲ್ಡರ್ ಮತ್ತು ವಿಜಯ್ ಶಂಕರ್ ತಲಾ 1 ವಿಕೆಟ್ ಪಡೆದು ತಂಡಕ್ಕೆ ಬಲ ತುಂಬಿದ್ದರು.

ಇತ್ತಂಡಗಳ ಸಂಕ್ಷಿಪ್ತ ಸ್ಕೋರ್

ಹೈದರಾಬಾದ್‌ನಿಂದ ಡೇವಿಡ್ ವಾರ್ನರ್ 66 (34 ಎಸೆತ), ವೃದ್ಧಿಮಾನ್ ಸಾಹ 87 (45 ಎಸೆತ), ಮನೀಶ್ ಪಾಂಡೆ 44 (31), ಕೇನ್ ವಿಲಿಯಮ್ಸನ್ 11 ರನ್ ಬಾರಿಸಿದರು. ಎಸ್‌ಆರ್‌ಎಚ್ 20 ಓವರ್‌ಗೆ 2 ವಿಕೆಟ್ ಕಳೆದು 219 ರನ್ ಗಳಿಸಿತು. ಡೆಲ್ಲಿ ತಂಡದಿಂದ ಅಜಿಂಕ್ಯ ರಹಾನೆ 16, ಶಿಮ್ರನ್ ಹೆಟ್ಮೈಯರ್ 16, ರಿಷಭ್ ಪಂತ್ 36, ತುಷಾರ್ ದೇಶಪಾಂಡೆ 20 ರನ್‌ನೊಂದಿಗೆ ಡಿಸಿ 19 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 131 ರನ್ ಬಾರಿಸಿತು.

ಎಸ್‌ಆರ್‌ಎಚ್‌ ದೊಡ್ಡ ಗೆಲುವುಗಳಿವು

* 118 ರನ್‌ಗಳು vs ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಹೈದರಾಬಾದ್, 2019
* 88 ರನ್‌ಗಳು, vs ಡೆಲ್ಲಿ ಕ್ಯಾಪಿಟಲ್ಸ್, ದುಬೈ, 2020*
* 85 ರನ್‌ಗಳು, vs ಮುಂಬೈ ಇಂಡಿಯನ್ಸ್, ವಿಶಾಖಪಟ್ಟಣ, 2016
* 69 ರನ್‌ಗಳು, vs ಕಿಂಗ್ಸ್ 11 ಪಂಜಾಬ್, ದುಬೈ, 2020