ಬಾಕ್ಸಿಂಗ್ ಡೇ ಟೆಸ್ಟ್: 8 ವರ್ಷಗಳ ಸೋಲಿಲ್ಲದ ಸಾಧನೆ ರಹಾನೆ ಪಡೆಗೆ ಸ್ಪೂರ್ತಿ

ಹಿನ್ನಡೆಯ ಮಧ್ಯೆ ಆಶಾಕಿರಣ

ಇಷ್ಟೆಲ್ಲಾ ಹಿನ್ನೆಡೆಯ ಮಧ್ಯೆ ಟೀಮ್ ಇಂಡಿಯಾಗೆ ಇತ್ತೀಚಿನ ದಾಖಲೆಯೊಂದು ಬಾಕ್ಸಿಂಗ್ ಡೇ ಟೆಸ್ಟ್ ಪಂದ್ಯಕ್ಕೆ ಆಶಾಕಿರಣದಂತೆ ಭಾಸವಾಗುತ್ತಿದೆ. ಮೆಲ್ಬರ್ನ್ ಅಂಗಳದಲ್ಲಿ ಕಳೆದ 8 ವರ್ಷಗಳಿಂದ ಭಾರತ ಸೋಲನ್ನು ಕಂಡಿಲ್ಲ. 2011ರಲ್ಲಿ ಟೀಮ್ ಇಂಡಿಯಾ ಕೊನೆಯ ಬಾರಿಗೆ ಮೆಲ್ಬರ್ನ್ ಅಂಗಳದಲ್ಲಿ ಸೋಲನ್ನು ಕಂಡಿತ್ತು.

ಐತಿಹಾಸಿಕ ಜಯಭೇರಿ

2014ರಲ್ಲಿ ಮೆಲ್ಬರ್ನ್ ಅಂಗಳದಲ್ಲೇ ಬಾಕ್ಸಿಂಗ್ ಡೇ ಟೆಸ್ಟ್ ನಡೆದಿದ್ದಾಗ ಟೀಮ್ ಇಂಡಿಯಾ ಪಂದ್ಯವನ್ನು ಡ್ರಾ ಮಾಡಿಕೊಂಡಿತ್ತು. 2018ರ ಸರಣಿಯಲ್ಲಿ ಮೆಲ್ಬರ್ನ್‌ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಟೀಮ್ ಇಂಡಿಯಾ ಐತಿಹಾಸಿಕ ಜಯಭೇರಿಯನ್ನು ಬಾರಿಸಿತ್ತು.

ಕೊನೆಯ ಬಾರಿಯ ಸೋಲು

ಆಸ್ಟ್ರೇಲಿಯಾ ನೆಲದಲ್ಲಿ ಕೊನೆಯ ಬಾರಿಗೆ ಸೋಲನ್ನು ಕಂಡಿದ್ದಾಗ ಟೀಮ್ ಇಂಡಿಯಾದ ನಾಯಕನಾಗಿ ಎಂಎಸ್ ಧೋನಿ ಮುನ್ನಡೆಸಿದ್ದರೆ ಆಸ್ಟ್ರೇಲಿಯಾ ತಂಡದ ನಾಯಕನಾಗಿ ಮೈಕಲ್ ಕ್ಲಾರ್ಕ್ ಮುನ್ನಡೆಸಿದ್ದರು. ಬಾಕ್ಸಿಂಗ್ ಡೇಯಂದು ನಡೆದಿದ್ದ ಪಂದ್ಯವನ್ನು ಆಸಿಸ್ ಪಡೆ 122 ನ್‌ಗಳಿಂದ ಗೆದ್ದುಕೊಂಡಿತ್ತು.

ಒಟ್ಟಾರೆ ಫಲಿತಾಂಶದಲ್ಲಿ ಆಸಿಸ್ ಮುಂದು

ಭಾರತ ಹಾಗೂ ಆಸ್ಟ್ರೇಲಿಯಾ ನಡುವೆ ಮೆಲ್ಬರ್ನ್ ಅಂಗಳದ ಒಟ್ಟಾರೆ ದಾಖಲೆಯನ್ನು ಗಮನಿಸಿದರೆ ಆಸ್ಟ್ರೇಲಿಯಾ ದೊಡ್ಡ ಅಂತರದಿದ ಮುನ್ನಡೆಯಲ್ಲಿದೆ. ಮೆಲ್ಬರ್ನ್ ಅಂಗಳದಲ್ಲಿ ಈವರೆಗೆ ಒಟ್ಟು 13 ಪಂದ್ಯಗಳಲ್ಲಿ ಭಾರತ ಹಾಗೂ ಆಸ್ಟ್ರೇಲಿಯಾ ಮುಖಾಮುಖಿಯಾಗಿದೆ. ಇದರಲ್ಲಿ ಭಾರತ 3 ಗೆಲುವು ಸಾಧಿಸಲಷ್ಟೇ ಶಕ್ತವಾಗಿದೆ. 8 ಪಂದ್ಯಗಳಲ್ಲಿ ಆಸಿಸ್ ಗೆದ್ದಿದ್ದು 3 ಪಂದ್ಯ ಡ್ರಾ ಫಲಿತಾಂಶವನ್ನು ಕಂಡಿದೆ.