ಮುಂದಿನ ದಶಕದಲ್ಲಿ ನನ್ನ ಪಾಲಿಗೆ ಏನೆಲ್ಲಾ ಇರಲಿದೆ ಎಂಬುದನ್ನು ನೋಡಲು ಕಾತುರನಾಗಿದ್ದೇನೆ: ಸ್ಟೀವ್ ಸ್ಮಿತ್

ಸಾಕಷ್ಟು ಕಲಿತುಕೊಂಡಿದ್ದೇನೆ

ಸ್ಟೀವ್ ಸ್ಮಿತ್ ಮುಂದುವರಿದು ಮಾತನಾಡುತ್ತಾ "ನಾನು ಸಾಕಷ್ಟು ತಮಾಷೆಯ ಹಾಗೂ ಸವಾಲಿನ ಕ್ಷಣಗಳನ್ನು ಎದುರಿಸಿದ್ದೇನೆ. ಅದರ ಮೂಲಕ ನಾನು ಸಾಕಷ್ಟು ಕಲಿತುಕೊಂಡಿದ್ದೇನೆ. ಈಗ ಮುಂದಿನ ದಶಕದಲ್ಲಿ ನನ್ನ ಪಾಲಿಗೆ ಏನೆಲ್ಲಾ ನಿಗದಿಯಾಗಿದೆ ಎಂಬುದನ್ನು ನೋಡಲು ಕಾತರನಾಗಿದ್ದೇನೆ" ಎಂದು ಸ್ಟೀವ್ ಸ್ಮಿತ್ ಟ್ವೀಟ್‌ನಲ್ಲಿಹೇಳೀಕೊಂಡಿದ್ದಾರೆ.

ಟೆಸ್ಟ್‌ನಲ್ಲಿ ಸ್ಮಿತ್ ಸಾಧನೆ

ಸ್ಟೀವ್ ಸ್ಮಿತ್ ಟೆಸ್ಟ್ ಕ್ರಿಕೆಟ್‌ನ ಆಧುನಿಕ ಕಾಲದ ಶ್ರೇಷ್ಠ ಆಟಗಾರನಾಗಿದ್ದಾರೆ. ಈ ದಶಕದಲ್ಲಿ ಸ್ಟೀವ್ ಸ್ಮಿತ್ ಅವರ ಟೆಸ್ಟ್ ಸಾಧನೆ ಅತ್ಯಂತ ಶ್ರೇಷ್ಠ ಮಟ್ಟದಲ್ಲಿದೆ. ಈ ದಶಕದ ಅವಧಿಯಲ್ಲಿ ಸ್ಟೀವ್ ಸ್ಮಿತ್ 69 ಟೆಸ್ಟ್ ಪಂದ್ಯಗಳಲ್ಲಿ 7040 ರನ್ ಗಳಿಸಿದ್ದು 65.79ರ ಸರಾಸರಿಯನ್ನು ಹೊಂದಿದ್ದಾರೆ. 26 ಶತಕ, 28 ಅರ್ಧ ಶತಕ ಹಾಗೂ ಮೂರು ಆ್ಯಶಸ್ ದ್ವಿಶತಕಗಳಲ್ಲಿ ದಾಖಲಿಸಿದ್ದಾರೆ.

ಭಾರತದ ವಿರುದ್ಧ ಟೆಸ್ಟ್‌ನಲ್ಲಿ ವಿಫಲ

ಸ್ಟೀವ್ ಸ್ಮಿತ್ ಆಸ್ಟ್ರೇಲಿಯಾದ ಸಾಕಷ್ಟು ಸರಣಿ ಗೆಲುವುಗಳಲ್ಲಿ ಭಾಗಿಯಾಗಿದ್ದು 2019ರ ಆ್ಯಶಸ್ ಸರಣಿ ಅವರ ವೃತ್ತಿ ಜೀವನದ ಅತ್ಯುತ್ತಮ ಸರಣಿ ಎಂದು ಕರೆಯಲಾಗುತ್ತಿದೆ. 12 ತಿಂಗಳ ನಿಷೇಧದ ಬಳಿಕ ಮರಳಿದ ಸ್ಮಿತ್ ಈ ಸರಣಿಯಲ್ಲಿ 7 ಇನ್ನಿಂಗ್ಸ್‌ಗಳಲ್ಲಿ 774 ರನ್ ಬಾರಿಸಿದ್ದರು. ಸದ್ಯ ಭಾರತದ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಎರಡು ಪಂದ್ಯಗಳಲ್ಲಿ ಸ್ಮಿತ್ ಸಂಪೂರ್ಣವಾಗಿ ವಿಫಲರಾಗಿದ್ದಾರೆ.