ಕೊರೊನಾ: ಪ್ರಧಾನಿ ಮೋದಿ ನಡೆಯ ಪರ್ಫೆಕ್ಟ್ ಭವಿಷ್ಯ ನುಡಿಯುತ್ತಿರುವ ಕ್ರಿಕೆಟ್ ಆಟಗಾರ

ಅಂತರಾಷ್ಟ್ರೀಯ ಕ್ರಿಕೆಟ್ ಆಡುತ್ತಿರುವ ಜೋಫ್ರಾ ಆರ್ಚರ್

1995ರಲ್ಲಿ ಬ್ರಿಡ್ಜ್ ಟೌನ್, ಬಾರ್ಬಡೋಸ್ ನಲ್ಲಿ ಜನಿಸಿ, ಇಂಗ್ಲೆಂಡ್ ಪರವಾಗಿ ಅಂತರಾಷ್ಟ್ರೀಯ ಕ್ರಿಕೆಟ್ ಆಡುತ್ತಿರುವ ಜೋಫ್ರಾ ಆರ್ಚರ್, ಇಂಗ್ಲೆಂಡ್ ಕೌಂಟಿಯಲ್ಲಿ ಸಸೆಕ್ಸ್ ತಂಡದ ಪರವಾಗಿ ಆಡುತ್ತಿದ್ದಾನೆ. ಇನ್ನು ಐಪಿಎಲ್ ನಲ್ಲಿ ರಾಜಸ್ಥಾನ ರಾಯಲ್ಸ್ ತಂಡದ ಪರವಾಗಿ ಆಡಬೇಕಾಗಿತ್ತು. ಆದರೆ, ಆತ ಗಾಯಗೊಂಡಿರುವುದರಿಂದ ಆರ್ಚರ್ ಐಪಿಎಲ್ ಆಡುತ್ತಿಲ್ಲ ಎಂದು ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ (ಇಸಿಬಿ) ಹೇಳಿತ್ತು.

ಮೂರು ವಾರ ಮನೆಯಲ್ಲಿರುವುದು ಸಾಲುವುದಿಲ್ಲವೇ

ಪ್ರಧಾನಿ ಮೋದಿ ಮಾರ್ಚ್ 23ರಂದು ದೇಶವನ್ನು ಉದ್ದೇಶಿಸಿ ಮಾತನಾಡುತ್ತಾ, ದೇಶಾದ್ಯಂತ ಮೂರು ವಾರಗಳ ಲಾಕ್ ಡೌನ್ ಅನ್ನು ಘೋಷಿಸಿದ್ದರು. ಅಕ್ಟೋಬರ್ 23, 2017ರಂದು ಟ್ವೀಟ್ ಮಾಡಿದ್ದ ಜೋಫ್ರಾ ಆರ್ಚರ್, "ಮೂರು ವಾರ ಮನೆಯಲ್ಲಿರುವುದು ಸಾಲುವುದಿಲ್ಲವೇ" ಎಂದು ಟ್ವೀಟ್ ಮಾಡಿದ್ದ.

ಮುಂದೊಂದು ದಿನ ಎದುರಾಗಲಿದೆ

ಎಲ್ಲಾ ಕ್ರೀಡಾಪಟುಗಳು ಮನೆಯಲ್ಲೆ ಕಾಲ ಕಳೆಯಬೇಕಾಗುತ್ತದೆ ಎನ್ನುವ ಅರ್ಥ ಬರುವ ರೀತಿಯಲ್ಲಿ ಆಗಸ್ಟ್ 20, 2014ಕ್ಕೆ ಟ್ವೀಟ್ ಮಾಡಿದ ಜೋಫ್ರಾ ಆರ್ಚರ್, "ಯಾರಿಗೂ ಯಾವ ಜಾಗಕ್ಕೂ ಓಡಲಾಗದಂತಹ ಪರಿಸ್ಥಿತಿ ಮುಂದೊಂದು ದಿನ ಎದುರಾಗಲಿದೆ" ಎಂದು ಟ್ವೀಟ್ ಮಾಡಿದ್ದ.

ಲೈಟ್ ಆನ್ ಮಾಡಿ, 9 ರಿಂದ 9

ಇದಾದ ನಂತರ, ಮಾರ್ಚ್ 2014ರ ವಿವಿಧ ದಿನಾಂಕಗಳಲ್ಲಿ ಟ್ವೀಟ್ ಮಾಡಿರುವ ಜೋಫ್ರಾ ಆರ್ಚರ್, "ಲೈಟ್ ಆನ್ ಮಾಡಿ, 9 ರಿಂದ 9, ಫ್ಲ್ಯಾಶ್ ಲೈಟ್ ನಲ್ಲಿ ಅವಳಿಗಾಗಿ ಕಾಯುತ್ತಿರುತ್ತೇನೆ" ಎನ್ನುವ ಟ್ವೀಟ್ ಅನ್ನು ಜೋಫ್ರಾ ಆರ್ಚರ್ ಮಾಡಿದ್ದಾನೆ. ಇದು, ಮೋದಿಯವರ ಭಾನುವಾರದ ಕರೆಗೆ ಹೋಲಿಕೆ ಮಾಡಲಾಗುತ್ತಿದೆ.