Manish Pandey: ಸ್ಟಾರ್ ಕ್ರಿಕೆಟಿಗ ಮನೀಶ್ ಪಾಂಡೆ-ಆಶ್ರಿತಾ ಶೆಟ್ಟಿ ದಾಂಪತ್ಯದಲ್ಲಿ ಬಿರುಕು?

ಕರ್ನಾಟಕ ಕ್ರಿಕೆಟ್ ತಂಡದ ಬ್ಯಾಟರ್ ಮನೀಶ್ ಪಾಂಡೆ ಅವರು ಸ್ಟಾರ್ ಭಾರತೀಯ ಕ್ರಿಕೆಟಿಗರಲ್ಲಿ ಒಬ್ಬರಾಗಿದ್ದು, ತಮ್ಮ ಕ್ರಿಕೆಟ್ ಕೌಶಲ್ಯದಿಂದ ಪ್ರತಿಯೊಬ್ಬರನ್ನು ಹೇಗೆ ವಿಸ್ಮಯಗೊಳಿಸಬೇಕೆಂದು ತಿಳಿದಿದ್ದಾರೆ.

ಹ್ಯಾಂಡ್‌ಸಮ್ ಹಂಕ್ ಮನೀಶ್ ಪಾಂಡೆ ಹಲವು ಪಂದ್ಯಾವಳಿಗಳ ಭಾಗವಾಗಿದ್ದಾರೆ ಮತ್ತು ಅವರು ದೀರ್ಘಕಾಲದವರೆಗೆ ಐಪಿಎಲ್‌ನಲ್ಲಿ ಕೆಕೆಆರ್ ತಂಡಕ್ಕಾಗಿ ಆಡಿದ್ದಾರೆ ಮತ್ತು 2018ರ ಏಷ್ಯಾ ಕಪ್‌ನಲ್ಲಿ ಭಾರತ ತಂಡದ ಭಾಗವಾಗಿದ್ದರು.

ಐಪಿಎಲ್ 2024ರಲ್ಲಿ ಮನೀಶ್ ಪಾಂಡೆ ಮತ್ತೆ ಕೆಕೆಆರ್ ತಂಡಕ್ಕಾಗಿ ಆಡಿದರು ಮತ್ತು ತನ್ನ ಮೂರನೇ ಐಪಿಎಲ್ ಟ್ರೋಫಿಯನ್ನು ಗೆದ್ದುಕೊಂಡಿತು. ಕ್ರಿಕೆಟ್ ಅಭಿಮಾನಿಗಳು ಮನೀಶ್ ಪಾಂಡೆ ಕೆಕೆಆರ್ ತಂಡದ "ಅದೃಷ್ಟಶಾಲಿ' ಎಂದು ಟ್ಯಾಗ್ ಮಾಡುತ್ತಿದ್ದಾರೆ.

ಮನೀಶ್ ಪಾಂಡೆ ಅವರ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡುವುದಾದರೆ, 2019ರಲ್ಲಿ ಆಶ್ರಿತಾ ಶೆಟ್ಟಿ ಅವರನ್ನು ವಿವಾಹವಾಗಿದ್ದರು. ಆದರೆ, ಈ ಜೋಡಿಯ ನಡುವೆ ಏನಾದರೂ ವ್ಯತ್ಯಾಸವಾಗಿದೆಯೇ ಮತ್ತು ಬೇರ್ಪಟ್ಟಿದ್ದಾರೆಯೇ ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರು ಆಶ್ಚರ್ಯ ಪಡುತ್ತಿದ್ದಾರೆ.

ನೆಟ್ಟಿಗರ ಚಿಂತೆಗೆ ಹಿಂದಿನ ಕಾರಣವೆಂದರೆ, ಮನೀಶ್ ಮತ್ತು ಆಶ್ರಿತಾ ದಂಪತಿ ತಮ್ಮ ಎಲ್ಲಾ ವಿವಾಹದ ಫೋಟೋಗಳನ್ನು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಗಳಿಂದ ಅಳಿಸಿ ಹಾಕಿದ್ದಾರೆ. ಆಶ್ರಿತಾ ಶೆಟ್ಟಿ ತನ್ನ ಪತಿ ಮನೀಶ್ ಪಾಂಡೆನನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಅನ್‌ಫಾಲೋ ಮಾಡಿದ್ದಾರೆ.

ಕರ್ನಾಟಕ, ಭಾರತ ಹಾಗೂ ಕೆಕೆಆರ್ ತಂಡಗಳ ಕ್ರಿಕೆಟಿಗ ಮನೀಶ್ ಪಾಂಡೆ ದಾಂಪತ್ಯದಲ್ಲಿ ಬಿರುಕುಂಟಾಗಿದ್ದು, ದಂಪತಿಯು ಬೇರೆಯಾಗುತ್ತಿದ್ದಾರೆಯೇ ಅಥವಾ ಡಿವೋರ್ಸ್ ಪಡೆಯುತ್ತಿದ್ದಾರೆಯೇ ಎಂಬ ಪ್ರಶ್ನೆ ಇದೀಗ ಉದ್ಭವಿಸಿದೆ.

ಮನೀಶ್ ಪಾಂಡೆ ಮತ್ತು ಆಶ್ರಿತಾ ಶೆಟ್ಟಿ ತಮ್ಮ ಜೊತೆಗಿನ ಫೋಟೋ ಇರಲಿ ಮತ್ತು ಮದುವೆ ಫೋಟೋಗಳನ್ನೂ ಕೂಡ ಇಬ್ಬರೂ ಡಿಲೀಟ್ ಮಾಡಿರುವುದು ಹಲವು ಅನುಮಾನಗಳಿಗೆ ದಾರಿ ಮಾಡಿಕೊಟ್ಟಿದೆ.

ಮನೀಶ್ ಪಾಂಡೆ ಐಪಿಎಲ್ 2024ರ ಟೂರ್ನಿಯಲ್ಲಿ ತಾವು ಪ್ರತಿನಿಧಿಸಿದ್ದ ಕೆಕೆಆರ್ ತಂಡದ ಮತ್ತು ಟ್ರೋಫಿ ಜೊತೆಗಿರುವ ಫೋಟೋಗಳನ್ನು ಅಪ್ಲೋಡ್ ಮಾಡಿದ್ದು, ಅವರ ಫೋಟೋಗಳ ಪಟ್ಟಿಯಲ್ಲಿ ಒಂದೂ ಕೂಡ ಆಶ್ರಿತಾ ಜೊತೆಗಿರುವ ಫೋಟೋ ಇಲ್ಲ.

ಇದು ಅಭಿಮಾನಿಗಳ ಶಂಕೆ ವ್ಯಕ್ತಪಡಿಸಲು ಕಾರಣವಾಗಿದ್ದು, ಇಬ್ಬರೂ ಪರಸ್ಪರ ಬೇರೆ ಬೇರೆಯಾಗುತ್ತಿದ್ದಾರೆಯೇ ಎಂಬ ಪ್ರಶ್ನೆ ಮೂಡುವಂತೆ ಮಾಡಿದೆ. ಇದಕ್ಕೆ ಖುದ್ದು ಮನೀಶ್ ಪಾಂಡೆ ಅಥವಾ ಆಶ್ರಿತಾ ಶೆಟ್ಟಿ ಅವರೇ ಸ್ಪಷ್ಟನೆ ನೀಡಬೇಕಿದೆ.

ಆಶ್ರಿತಾ ಶೆಟ್ಟಿ ಜೊತೆ ಡೇಟಿಂಗ್ ಮಾಡಿದ್ದ ಮನೀಶ್ ಪಾಂಡೆ

2019ರಲ್ಲಿ ಮನೀಶ್ ಪಾಂಡೆ ಮತ್ತು ಆಶ್ರಿತಾ ಶೆಟ್ಟಿ ತಮ್ಮ ಮದುವೆಯ ಸುದ್ದಿಯನ್ನು ತಿಳಿಸಿದ ತಕ್ಷಣ ಎಲ್ಲರನ್ನೂ ಆಶ್ಚರ್ಯಗೊಳಿಸಿದರು.

ಈ ಜೋಡಿಯು ಸ್ವಲ್ಪ ಸಮಯದವರೆಗೆ ಡೇಟಿಂಗ್ ಮಾಡಿತ್ತು ಎಂದು ವರದಿಯಾಗಿದೆ ಮತ್ತು ಅವರು ಒಬ್ಬರನ್ನೊಬ್ಬರು ಮದುವೆಯಾಗುವ ಮೂಲಕ ತಮ್ಮ ವೈವಾಹಿಕ ಸಂಬಂಧಕ್ಕೆ ಕಾಲಿಟ್ಟರು.

ಆದಾಗ್ಯೂ, ಮದುವೆಯಾಗುವ ಮೊದಲು, ಇಬ್ಬರೂ ತಮ್ಮ ಸಂಬಂಧದ ಬಗ್ಗೆ ಎಂದಿಗೂ ಮಾತನಾಡಿರಲಿಲ್ಲ ಮತ್ತು ದಂಪತಿ ಡೇಟಿಂಗ್ ಬಗ್ಗೆ ಯಾರೊಬ್ಬರಿಗೂ ಸಹ ಯಾವುದೇ ಕಲ್ಪನೆ ಇರಲಿಲ್ಲ. ಈ ಜೋಡಿಯು ತಮ್ಮ ಮದುವೆಗೆ ಒಂದು ದಿನ ಮೊದಲು ಸಂದರ್ಶನವೊಂದರಲ್ಲಿ ಮನೀಶ್ ಪಾಂಡೆ ಈ ಸುದ್ದಿಯನ್ನು ಹೊರಹಾಕಿದ್ದರು. ನಂತರ ಮಾತ್ರ ಎಲ್ಲರಿಗೂ ಅದರ ಬಗ್ಗೆ ತಿಳಿದಿತ್ತು.