ಮೊಹಮ್ಮದ್ ಶಮಿಯ ಪುಟ್ಟ ಮಗಳು ಹಿಂದೂ ಬಟ್ಟೆ ತೊಟ್ಟಿದ್ದೇ ತಪ್ಪಾಗಿ ಹೋಯಿತಾ ಇವರಿಗೆ?

ಶಮಿ ಪತ್ನಿ, ಹಸೀನಾ ಜಹಾನ್

ಮೊಹಮ್ಮದ ಶಮಿಯ ವೈಯಕ್ತಿಕ ಬದುಕು, ಕಳೆದ ವರ್ಷ ಏಪ್ರಿಲ್ ತಿಂಗಳಲ್ಲಿ ಹಾದಿಬೀದಿ ರಂಪವಾಗಿತ್ತು. ಶಮಿಯಿಂದ ದೂರವಾಗಿ, ತನ್ನ ತಾಯಿಯ ಮನೆಯಲ್ಲಿರುವ ಶಮಿ ಪತ್ನಿ, ಹಸೀನಾ ಜಹಾನ್ ರನ್ನು ಉತ್ತರಪ್ರದೇಶದ ಪೊಲೀಸರು ಬಂಧಿಸಿ, ನಂತರ ಬಿಡುಗಡೆ ಮಾಡಿದ್ದರು.

ಉತ್ತಮ ಫಾರಂನಲ್ಲಿರುವ ಶಮಿ

ಕಳಪೆ ಫಾರಂನಿಂದ ರಾಷ್ಟ್ರೀಯ ತಂಡದಿಂದ ಹೊರಗಿದ್ದ ಶಮಿ, 2018ರಲ್ಲಿ ತಂಡಕ್ಕೆ ವಾಪಸ್ ಆಗಿದ್ದರು. ಇದಾದ ನಂತರ, ಉತ್ತಮ ಫಾರಂನಲ್ಲಿರುವ ಶಮಿ, ಎರಡು ದಿನಗಳ ಕೆಳಗೆ, ತನ್ನ ಪುತ್ರಿ ಐರಾಳ ಫೋಟೋವೊಂದನ್ನು instragram ನಲ್ಲಿ ಹಾಕಿದ್ದರು. ಅದು ಮಗಳು ಪೂಜೆ ಮಾಡುವ ಫೋಟೋ ಆಗಿತ್ತು.

ಲವ್ ಯು ಮಗಳೇ, ಶೀಘ್ರದಲ್ಲೇ ಭೇಟಿಯಾಗುತ್ತೇನೆ

"ತುಂಬಾ ಸುಂದರವಾಗಿ ಕಾಣುತ್ತಿದ್ದೀಯಾ, ಲವ್ ಯು ಮಗಳೇ, ಶೀಘ್ರದಲ್ಲೇ ಭೇಟಿಯಾಗುತ್ತೇನೆ" ಎಂದು ಪೋಸ್ಟ್ ನಲ್ಲಿ ಬರೆದುಕೊಂಡಿದ್ದರು. ಫೋಟೋದಲ್ಲಿ ಶಮಿ ಮಗಳು ಐರಾ, ಹಿಂದೂ ಸಂಪ್ರದಾಯದಂತೆ, ಸೀರೆ ತೊಟ್ಟು, ಕುಂಕುಮ ಇಟ್ಟುಕೊಂಡು, ಕಂಗೊಳಿಸುತ್ತಿತ್ತು. ಈ ಫೋಟೋವನ್ನು ಸುಮಾರು ಲೈಕ್ 193,131 ಜನ ಲೈಕ್ ಮಾಡಿದ್ದಾರೆ.

ಶಮಿ ವಿರುದ್ಧ ಅಸಹ್ಯಕರ ಕಾಮೆಂಟ್​ ಗಳು

ಈ ಪೋಸ್ಟ್ ಎಷ್ಟು ಮೆಚ್ಚುಗೆಯನ್ನು ಪಡೆದಿದೆಯೋ ಅಷ್ಟೇ ವಿರೋಧ ಮುಸ್ಲಿಂ ಸಂಪ್ರದಾಯವಾದಿಗಳಿಂದ ಎದುರಾಗಿದೆ. ಶಮಿ ವಿರುದ್ಧ ಅಸಹ್ಯಕರ ಕಾಮೆಂಟ್​ ಗಳು ಬಂದು ಬೀಳುತ್ತಿವೆ. ನೀನೊಬ್ಬ ಮುಸ್ಲಿಂ ಅನ್ನೋದನ್ನು ಮರೆಯಬೇಡ ಎನ್ನುವ ಬೆದರಿಕೆಯೂ ಬರುತ್ತಿದೆ.