ಎಂಎಸ್ ಧೋನಿ ಜರ್ಸಿ ನಂಬರ್ 7 ಯಾಕೆ?: ಮಾಹಿಯೇ ಬಿಚ್ಚಿಟ್ರು ಏಳರ ರಹಸ್ಯ!

ಪದಾರ್ಪಣಾ ಪಂದ್ಯದಿಂದಲೂ ಧೋನಿ ಜರ್ಸಿ ನಂಬರ್ 7

ಎಂಎಸ್ ಧೋನಿ ಭಾರತ ಕ್ರಿಕೆಟ್ ತಂಡಕ್ಕೆ 2004ರ ಡಿಸೆಂಬರ್ ತಿಂಗಳಿನಲ್ಲಿ ಪದಾರ್ಪಣೆ ಮಾಡಿದರು. ತಮ್ಮ ಮೊದಲ ಪಂದ್ಯದಿಂದಲೇ ಧೋನಿ ಜರ್ಸಿ ಸಂಖ್ಯೆಯಾಗಿ ಏಳನ್ನು ಆಯ್ಕೆ ಮಾಡಿಕೊಂಡಿದ್ದರು. ಧೋನಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತರಾಗುತ್ತಿದ್ದಂತೆಯೇ ಧೋನಿ ಜರ್ಸಿ ಸಂಖ್ಯೆ ಕೂಡ ಪ್ರಖ್ಯಾತಗೊಳ್ಳತೊಡಗಿತ್ತು. ಈ ಸಂದರ್ಭದಲ್ಲಿ ಧೋನಿ ಜರ್ಸಿ ಸಂಖ್ಯೆಯನ್ನು ಆಯ್ಕೆ ಮಾಡಿಕೊಳ್ಳಲು ಕಾರಣವೇನಿರಬಹುದು ಎಂಬ ಬಗ್ಗೆ ಅಭಿಮಾನಿಗಳು ಸಾಕಷ್ಟು ಅಭಿಪ್ರಾಯಗಳನ್ನು ವ್ಯಕ್ತಪಡಿಸತೊಡಗಿದ್ದರು. ಸಂಖ್ಯೆಯ ಮೇಲಿನ ಮೂಢನಂಬಿಕೆಯೂ ಇದಕ್ಕೆ ಕಾರಣವಾಗಿರಬಹುದು ಎಂಬ ಅಭಿಪ್ರಾಯವನ್ನೂ ಅಭಿಮಾನಿಗಳು ವ್ಯಕ್ತಪಡಿಸಿದ್ದರು.

7 ಸಂಖ್ಯೆಯ ಆಯ್ಕೆಗೆ ಸಿಂಪಲ್ ಕಾರಣ ಎಂದ ಮಾಹಿತಿ

ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕನಾಗಿರುವ ಮಹೇಂದ್ರ ಸಿಂಗ್ ಧೋನಿ ಫ್ರಾಂಚೈಸಿಯ ಮಾತೃಸಂಸ್ಥೆ ಇಂಡಿಯಾ ಸಿಮೆಂಟ್ಸ್ ಅಭಿಮಾನಿಗಳೊಂದಿಗೆ ಸಂವಾದವನ್ನು ಏರ್ಪಡಿಸಿತ್ತು. ಈ ಸಂವಾದದಲ್ಲಿ ಎಂಎಸ್ ಧೋನಿ ಜರ್ಸಿ ಬಗೆಗೆ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ತಾನು ಕೂಡ ಜರ್ಸಿ ಸಂಖ್ಯೆ 7ನ್ನು ಆಯ್ಕೆ ಮಾಡಿಕೊಂಡಿರುವ ವಿಚಾರವಾಗಿ ಚರ್ಚೆಗಳು ನಡೆದಿರುವುದನ್ನು ಗಮನಿಸಿದ್ದೇನೆ. ಆದರೆ ಈ ಸಂಖ್ಯೆಯನ್ನು ತಾನು ಆಯ್ಕ ಮಾಡಿಕೊಳ್ಳಲು ಸರಳವಾದ ಕಾರಣವಿದೆ ಎಂದಿದ್ದಾರೆ ಎಂಎಸ್ ಧೋನಿ. ಈ ಮೂಲಕ ಅದೃಷ್ಟದ ಸಂಖ್ಯೆಯಾಗಿರಬಹುದು ಎಂಬ ಚರ್ಚೆಗಳಿಗೆ ತೆರೆಯೆಳೆಯುವ ಪ್ರಯತ್ನ ಮಾಡಿದ್ದಾರೆ ಧೋನಿ.

ಹುಟ್ಟಿದ ದಿನಾಂಕವನ್ನೇ ಜರ್ಸಿ ಸಂಖ್ಯೆಯಾಗಿ ಆಯ್ಕೆ

"ಸಾಕಷ್ಟು ಜನರು ಆರಂಭಿಕ ದಿನಗಳಲ್ಲಿ 7 ನನ್ನ ಅದೃಷ್ಟದ ಸಂಖ್ಯೆಯಾಗಿರಬಹುದು ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದರು. ಆದರೆ ನಾನು ಈ ಸಂಖ್ಯೆಯನ್ನು ಅತ್ಯಂತ ಸರಳ ಕಾರಣಕ್ಕೆ ಆಯ್ಕೆ ಮಾಡಿಕೊಂಡಿದ್ದೆ. ನಾನು ಜುಲೈ ತಿಂಗಳ 7ನೇ ತಾರೀಕಿನಂದು ಜನಿಸಿದ್ದೆ. ಅದು 7ನೇ ತಿಂಗಳ 7ನೇ ತಾರೀಕಾಗಿತ್ತು. ಅಲ್ಲದೆ ಹುಟ್ಟಿದ ವರ್ಷ 81 ಆಗಿತ್ತು. ಅಂದರೆ 8-1 ಕೂಡ 7 ಆಗುತ್ತದೆ. ಯಾವ ಸಂಖ್ಯೆಯನ್ನು ಜರ್ಸಿ ನಂಬರ್ ಆಗಿ ಆಯ್ಕೆ ಮಾಡಿಕೊಳ್ಳಬೇಕು ಯಾವ ಸಂಖ್ಯೆ ಉತ್ತಮ ಎಂಬ ಅಂಶಗಳು ಬಂದಾಗ ನಾನು ನನ್ನ ಹುಟ್ಟಿದ ದಿನಾಂಕವನ್ನೇ ಆಯ್ಕೆ ಮಾಡಿಕೊಳ್ಳಲು ಬಯಸಿದ್ದೆ" ಎನ್ನುವ ಮೂಲಕ ಧೋನಿ ಜರ್ಸಿ ಸಂಖ್ಯೆಯ ಬಗೆಗಿನ ಕುತೂಹಲಕ್ಕೆ ಉತ್ತರ ನೀಡಿದ್ದಾರೆ.

ವಿರಾಟ್ ಗೆ ಬುದ್ಧಿವಾದ ಹೇಳಿದ ಕೋಚ್ | Oneindia Kannda

15ನೇ ಆವೃತ್ತಿಗೆ ಚೆನ್ನೈ ಸೂಪರ್ ಕಿಂಗ್ಸ್ ಸಜ್ಜು

ಇನ್ನು ಈ ಬಾರಿಯ ಐಪಿಎಲ್ ಟೂರ್ನಿ ಆರಂಭಕ್ಕೆ ಇನ್ನು ಬೆರಳೆಣಿಕೆಯ ದಿನಗಳು ಮಾತ್ರವೇ ಬಾಕಿಯಿದೆ. ಚೆನ್ನೈ ಸೂಪರ್ ಕಿಂಗ್ಸ್ ಈ ಟೂರ್ನಿಗೆ ಭರ್ಜರಿ ತರಾರಿಯನ್ನು ನಡೆಸುತ್ತಿದೆ. ಎಂಎಸ್ ಧೋನಿ ನಾಯಕತ್ವದಲ್ಲಿಯೇ ಈ ಬಾರಿಯೂ ಟೂರ್ನಿಗೆ ಕಣಕ್ಕಿಳಿಯುತ್ತಿರುವ ಸಿಎಸ್‌ಕೆ ಸೂರತ್‌ನಲ್ಲಿ ಟೂರ್ನಿಯ ಆರಂಭಕ್ಕೂ ಮುನ್ನ ಭರ್ಜರಿ ಸಿದ್ಧತೆ ನಡೆಸಿದೆ. ಮುಂಬೈನಲ್ಲಿ ಮಾರ್ಚ್ 26ರಿಂದ 15ನೇ ಐಪಿಎಲ್ ಆವೃತ್ತಿ ಆರಂಭವಾಗುತ್ತಿದೆ. ಟೂರ್ನಿಯ ಆರಂಭಿಕ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಕೊಲ್ಕತ್ತಾ ನೈಟ್ ರೈಡರ್ಸ್ ಪಂದ್ಯಗಳು ಮುಖಾಮುಖಿಯಾಗಲಿದೆ.