ಡೇಲ್ ಸ್ಟೇನ್ ಬೆಸ್ಟ್ ಬ್ಯಾಟ್ಸ್‌ಮನ್‌ಗಳ ಲಿಸ್ಟ್‌ನಲ್ಲಿ ಇಬ್ಬರು ಭಾರತೀಯರ ಹೆಸರು

ಬೆಸ್ಟ್ ಬ್ಯಾಟ್ಸ್‌ಮನ್‌ಗಳು ಯಾರು?

'ನೀವು ಎದುರಾಳಿಯಾಗಿ ಆಡಿದವರಲ್ಲಿ ಬೆಸ್ಟ್ ಬ್ಯಾಟ್ಸ್‌ಮನ್‌ಗಳು ಯಾರು?' ಎಂಬ ಪ್ರಶ್ನೆಯನ್ನು ಕೋಲ್ ಲರ್ಗಿಯರ್ ಎಂಬವರು ಡೇಲ್ ಸ್ಟೇನ್ ಅವರಲ್ಲಿ ಕೇಳಿದ್ದರು. ಅದಕ್ಕೆ ಸ್ಟೇನ್ ಉತ್ತರಿಸಿ ಒಟ್ಟಿಗೆ ಐದು ಬ್ಯಾಟ್ಸ್‌ಮನ್‌ಗಳನ್ನು ಹೆಸರಿಸಿದ್ದಾರೆ.

ಡೇಲ್ ಸ್ಟೇನ್ ಉತ್ತರ

ಪ್ರಶ್ನೆಗೆ ಉತ್ತರಿಸಿರುವ ಸ್ಟೇನ್, 'ಫ......* ಎಲ್ಲರೂ ಉತ್ತಮ ಬ್ಯಾಟ್ಸ್‌ಮನ್‌ಗಳೆ. ರಿಕಿ ಪಾಂಟಿಂಗ್ ಅವಿಭಾಜ್ಯ ಬ್ಯಾಟ್ಸ್‌ಮನ್. ಸಚಿನ್ ತೆಂಡೂಲ್ಕರ್ ಗೋಡೆ ಇದ್ದಾಗೆ. ರಾಹುಲ್ ದ್ರಾವಿಡ್, ಕ್ರಿಸ್‌ ಗೇಲ್, ಕೆವಿನ್ ಪೀಟರ್ಸನ್' ಇವರೆಲ್ಲರೂ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳು' ಎಂದು ಬರೆದುಕೊಂಡಿದ್ದಾರೆ.

ಭಾರತದವರಲ್ಲಿ ಸಚಿನ್-ದ್ರಾವಿಡ್ ಯಾಕೆ

ಭಾರತ ಕ್ರಿಕೆಟ್‌ ತಂಡದಲ್ಲಿ ಅನೇಕ ಪ್ರತಿಭಾನ್ವಿತರು ಬಂದು ಹೋಗಿದ್ದಾರೆ. ಬರುತ್ತಲೂ ಇದ್ದಾರೆ. ಆದರೆ ಸ್ಟೇನ್ ಅವರು ಸಚಿನ್ ಮತ್ತು ದ್ರಾವಿಡ್ ಅವರನ್ನು ಹೆಸರಿಸಲು ಕಾರಣವಿದೆ. ಅದೇನೆಂದರೆ, ವಿಶ್ವದಲ್ಲಿ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಗುರುತಿಸಿಕೊಂಡಿದ್ದ ಸಚಿನ್ ಮತ್ತು ದ್ರಾವಿಡ್ ಇಬ್ಬರೂ ಏಕದಿನ ಮತ್ತು ಟೆಸ್ಟ್ ಕ್ರಿಕೆಟ್‌ನಲ್ಲಿ 10,000 ರನ್ ಬಾರಿಸಿದ ದಾಖಲೆ ಉಳಿಸಿಕೊಂಡಿದ್ದಾರೆ. ಅಲ್ಲದೆ ಸಚಿನ್, ದ್ರಾವಿಡ್ ಯಾರೇ ಒಪ್ಪಿಕೊಳ್ಳುವಂತ ಪ್ರತಿಭಾನ್ವಿತ ಆಟಗಾರರೂ ಹೌದು.

ಟಿ20 ವಿಶ್ವಕಪ್‌ ನಡೆಯುತ್ತಾ?

ಟಿ20 ವಿಶ್ವಕಪ್‌ಗೆ ಸಂಬಂಧಿಸಿ ಅಭಿಮಾನಿಯೊಬ್ಬರು ಕೇಳಿದ ಪ್ರಶ್ನೆಗೆ ಸ್ಟೇನ್ ಕೊಟ್ಟಿರುವ ಉತ್ತರ, ವಿಶ್ವಕಪ್‌ ನಡೆಯುತ್ತೋ ಇಲ್ಲವೊ ಎಂಬ ಅನುಮಾನದಲ್ಲಿದ್ದಂತಿತ್ತು. ವಿಶ್ವಕಪ್ ಪ್ರಶ್ನೆಗೆ ಡೇಲ್, 'ಇಂಥ ಈ ಸಂದರ್ಭದಲ್ಲೂ ಅದು ನಡೆಯಲಿದೆಯಾ?' ಎಂದು ಮರು ಪ್ರಶ್ನಿಸಿದ್ದಾರೆ.