Debut: ಕನಸು ನನಸಾಗಿಸಿಕೊಂಡ ಇಬ್ಬರು ಯುವಕರು: ರಾಜ್‌ಕೋಟ್‌ನಲ್ಲಿ ಸರ್ಫರಾಜ್‌, ಧ್ರುವ್‌ ಪದಾರ್ಪಣೆ

ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೂರನೇ ಟೆಸ್ಟ್ ಪಂದ್ಯ ರಾಜ್‌ಕೋಟ್‌ನಲ್ಲಿ ನಡೆಯುತ್ತಿದೆ. ಭಾರತ ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿದೆ. ರೋಹಿತ್ ಶರ್ಮಾ ನಾಯಕತ್ವದ ಟೀಂ ಇಂಡಿಯಾ ನಾಲ್ಕು ಬದಲಾವಣೆಯಿಂದ ಅಖಾಡಕ್ಕೆ ಇಳಿಯಲಿದೆ.

ಸರ್ಫರಾಜ್ ಖಾನ್ ಮತ್ತು ಧ್ರುವ್ ಜುರೆಲ್ ಚೊಚ್ಚಲ ಟೆಸ್ಟ್ ಆಡಲಿದ್ದಾರೆ. ಟೆಸ್ಟ್ ಜೊತೆಗೆ ಇಬ್ಬರೂ ಆಟಗಾರರು ಅಂತರಾಷ್ಟ್ರೀಯ ಪದಾರ್ಪಣೆ ಮಾಡುತ್ತಿದ್ದಾರೆ. ಇನ್ನು ವೇಗದ ಬೌಲರ್‌ ಮೊಹಮ್ಮದ್‌ ಸಿರಾಜ್‌ ಹಾಗೂ ಆಲ್‌ರೌಂಡರ್ ರವೀಂದ್ರ ಜಡೇಜಾ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಧ್ರುವ್ ಜುರೇಲ್‌ ಯಾರು?

22 ವರ್ಷದ ಧ್ರುವ್ ಜುರೆಲ್ 2022 ರಲ್ಲಿ ರಣಜಿ ಟ್ರೋಫಿ ಕ್ರಿಕೆಟ್‌ನಲ್ಲಿ ವಿದರ್ಭ ವಿರುದ್ಧ ಉತ್ತರ ಪ್ರದೇಶ ಪರ ರಣಜಿ ಟೂರ್ನಿಗೆ ಪದಾರ್ಪಣೆ ಮಾಡಿದರು. ಇಲ್ಲಿಯವರೆಗೆ, ಧ್ರುವ್ ಜುರೆಲ್ 15 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದು, 790 ರನ್ ಗಳಿಸಿದ್ದಾರೆ. ಒಮ್ಮೆ ಧ್ರುವ್ 249 ರನ್‌ ಗಳ ಉತ್ತಮ ಇನ್ನಿಂಗ್ಸ್ ಸೇರಿದೆ. ಅಲ್ಲದೆ ಐದು ಅರ್ಧ ಶತಕಗಳು ಸೇರಿದಂತೆ ಧ್ರುವ್ ಜುರೆಲ್ 10 ಲಿಸ್ಟ್ ಎ ಮತ್ತು 23 ಟಿ-20 ಪಂದ್ಯಗಳನ್ನೂ ಆಡಿದ್ದಾರೆ.

ಧ್ರುವ್ ಜುರೆಲ್ ಅವರನ್ನು ಐಪಿಎಲ್ 2022 ರಲ್ಲಿ ರಾಜಸ್ಥಾನ್ ರಾಯಲ್ಸ್ ಅವರ ಮೂಲ ಬೆಲೆ 20 ಲಕ್ಷಕ್ಕೆ ಖರೀದಿಸಿತು. ಅವರು 2023 ರಲ್ಲಿ ಐಪಿಎಲ್‌ನಲ್ಲಿ ತಮ್ಮ ಮೊದಲ ಪಂದ್ಯವನ್ನು ಆಡುವ ಅವಕಾಶವನ್ನು ಪಡೆದರು. ಅವರು ರಾಜಸ್ಥಾನ ರಾಯಲ್ಸ್‌ಗಾಗಿ 13 ಪಂದ್ಯಗಳನ್ನು ಆಡಿದ್ದು, 172.72 ಸ್ಟ್ರೈಕ್ ರೇಟ್‌ನಲ್ಲಿ 152 ರನ್ ಗಳಿಸಿದ್ದಾರೆ.

ಧ್ರುವ್ ಅವರ ತಂದೆ ನೇಮ್ ಸಿಂಗ್ ಜುರೆಲ್ ಮಗನನ್ನು ಸೈನಿಕನನ್ನಾಗಿ ಮಾಡಲು ಬಯಸಿದ್ದರು. ಶಾಲೆ ಮುಗಿದ ನಂತರ ತನ್ನ ಮಗ ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿಗೆ (ಎನ್‌ಡಿಎ) ಸೇರಬೇಕೆಂದು ತಂದೆ ಬಯಸಿದ್ದರು ಆದರೆ ಧ್ರುವ್ ಕ್ರಿಕೆಟ್ ಆಯ್ಕೆ ಮಾಡಿಕೊಂಡರು.

ಆದರೆ, ಧ್ರುವನ ಈ ನಿರ್ಧಾರದಿಂದ ಆತನ ತಂದೆಗೆ ನಿರಾಸೆಯಾಗಲಿಲ್ಲ. ತನ್ನ ಮಗನ ಬಗ್ಗೆ, ನೇಮ್ ಸಿಂಗ್ ಅವರು ಸೈನ್ಯದಲ್ಲಿದ್ದು ದೇಶಕ್ಕೆ ಸೇವೆ ಸಲ್ಲಿಸಿದ್ದಾರೆ ಮತ್ತು ಅವರ ಮಗ ಕ್ರಿಕೆಟ್ ಆಡುವ ಮೂಲಕ ದೇಶಕ್ಕೆ ಕೀರ್ತಿ ತರುತ್ತಾನೆ ಎಂದು ಭಾವಿಸಿದ್ದರು.

ಸರ್ಫರಾಜ್‌ ಪದಾರ್ಪಣೆ

2014 ರಲ್ಲಿ, ಸರ್ಫರಾಜ್ ಖಾನ್ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಸೌರಾಷ್ಟ್ರ ವಿರುದ್ಧ ತಮ್ಮ ಲಿಸ್ಟ್-ಎ ಚೊಚ್ಚಲ ಪಂದ್ಯವನ್ನು ಆಡಿದರು. 2014 ರ ರಣಜಿ ಟ್ರೋಫಿಯಲ್ಲಿ ಬಂಗಾಳದ ವಿರುದ್ಧ ತಮ್ಮ ಮೊದಲ ಪ್ರಥಮ ದರ್ಜೆ ಪಂದ್ಯವನ್ನು ಆಡಿದರು.

ಸರ್ಫರಾಜ್ ತನ್ನ ತಂದೆಯ ಒತ್ತಾಯದ ಮೇರೆಗೆ 2015-16 ರ ರಣಜಿ ಟ್ರೋಫಿ ಋತುವಿನಲ್ಲಿ ಉತ್ತರ ಪ್ರದೇಶ ಕ್ರಿಕೆಟ್ ತಂಡವನ್ನು ಸೇರಲು ನಿರ್ಧರಿಸಿದರು. ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ ಯುಪಿಗಾಗಿ ಮೂರು ಋತುಗಳಲ್ಲಿ ಕೇವಲ ಎಂಟು ರಣಜಿ ಪಂದ್ಯಗಳನ್ನು ಆಡಿದರು. ಇದರಿಂದ ಬೇಸತ್ತು ಅವರು ಮತ್ತೆ ಮುಂಬೈ ತಂಡದತ್ತ ಮುಖ ಮಾಡಿದರು.

2020 ರ ಋತುವಿನ ಆರಂಭದಲ್ಲಿ ಮುಂಬೈಗೆ ಹಿಂದಿರುಗಿದರು. ಯುಪಿ ವಿರುದ್ಧ ಮೊದಲ ಶತಕ ಬಾರಿಸಿದರು. ಜನವರಿ 2020 ರಲ್ಲಿ ಉತ್ತರ ಪ್ರದೇಶ ವಿರುದ್ಧ 2019-20 ರ ರಣಜಿ ಟ್ರೋಫಿ ಪಂದ್ಯದಲ್ಲಿ ಸರ್ಫರಾಜ್ ತಮ್ಮ ಮೊದಲ ಟ್ರಿಪಲ್ ಶತಕವನ್ನು ಗಳಿಸಿದರು. ಅದೇ ಸಮಯದಲ್ಲಿ, 2021-22 ರ ರಣಜಿ ಋತುವಿನಲ್ಲಿ, ಸರ್ಫರಾಜ್ ಖಾನ್ ಆರು ಪಂದ್ಯಗಳಲ್ಲಿ 122.75 ಸರಾಸರಿ ಮತ್ತು 69.54 ಸ್ಟ್ರೈಕ್ ರೇಟ್‌ನಲ್ಲಿ ಒಟ್ಟು 982 ರನ್ ಗಳಿಸಿದರು.

ರಣಜಿ ಟ್ರೋಫಿಯ ಈ ಋತುವಿನಲ್ಲಿ ಅವರು ನಾಲ್ಕು ಶತಕಗಳು ಮತ್ತು ಎರಡು ಅರ್ಧ ಶತಕಗಳನ್ನು ಗಳಿಸಿದರು. ಈ ಅವಧಿಯಲ್ಲಿ ಅವರು 93 ಬೌಂಡರಿ ಮತ್ತು 16 ಸಿಕ್ಸರ್‌ಗಳನ್ನು ಬಾರಿಸಿದರು. ಅವರ ಗರಿಷ್ಠ ಸ್ಕೋರ್ 275 ಆಗಿತ್ತು. ಸರ್ಫರಾಜ್ ದೇಶೀಯ ಕ್ರಿಕೆಟ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದಾರೆ.

ಭಾರತ ತಂಡ: ಯಶಸ್ವಿ ಜೈಸ್ವಾಲ್, ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ರಜತ್ ಪಾಟಿದಾರ್, ಸರ್ಫರಾಜ್ ಖಾನ್, ರವೀಂದ್ರ ಜಡೇಜಾ, ಧ್ರುವ್ ಜುರೆಲ್ (ವಿಕೆಟ್ ಕೀಪರ್), ರವಿಚಂದ್ರನ್ ಅಶ್ವಿನ್, ಕುಲದೀಪ್ ಯಾದವ್, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್.