ಪ್ರಶಸ್ತಿ ಗೆಲ್ಲಲು ಬೇಕಾದ ವಿಶೇಷ ಶಕ್ತಿ ಡೆಲ್ಲಿ ತಂಡದಲ್ಲಿದೆ: ಮೊಹಮ್ಮದ್ ಕೈಫ್

ಉತ್ತಮ ಲಯದೊಂದಿಗೆ ಐಪಿಎಲ್ ಕಣಕ್ಕೆ

"ನಮ್ಮ ತಂಡದ ಸಕಾರಾತ್ಮಕ ಅಂಶವೆಂದರೆ ನಾಯಕ ರಿಷಭ್ ಪಂತ್ ಸೇರಿದಂತೆ ಬಹುತೇಕ ಕ್ರಿಕೆಟಿಗರು ಸತತವಾಗಿ ಸಾಕಷ್ಟು ಕ್ರಿಕೆಟ್ ಆಡಿದ್ದಾರೆ. ತಮ್ಮ ಆಟದಲ್ಲಿ ಈ ಕ್ರಿಕೆಟಿಗರು ಅತ್ಯುತ್ತ, ಲಯದಲ್ಲಿದ್ದರು. ಇದೇ ಲಯದಲ್ಲಿಯೇ ಈ ಆಟಗಾರರು ಐಪಿಎಲ್‌ಗೆ ಕಾಲಿಡುತ್ತಿದ್ದಾರೆ" ಎಂದು ಮೊಹಮ್ಮದ್ ಕೈಫ್ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ.

ಅಭ್ಯಾಸದಲ್ಲಿ ನಿರತ ಡೆಲ್ಲಿ ಕ್ರಿಕೆಟರ್ಸ್

"ಕಳೆದ ಕೆಲ ದಿನಗಳಿಂದ ಆಟಗಾರರು ಬ್ಯಾಟಿಂಗ್ ಹಾಗೂ ಬೌಲಿಂಗ್ ತಾಲೀಮಿನಲ್ಲಿ ನಿರತರಾಗಿದ್ದರು. ಆದರೆ ಇಂದಿನ ಅಬ್ಯಾಸದ ಸಂದರ್ಭದಲ್ಲಿ ಆಟಗಾರರು ಎಲ್ಲರೂ ಕೂಡ ಫೀಲ್ಡಿಂಗ್ ಕಡೆಗೆ ಗಮನ ನೀಡಿ ಅಭ್ಯಾಸವನ್ನು ನಡೆಸುತ್ತಿದ್ದಾರೆ. ಆ ಬಗ್ಗೆ ಕೌಶಲ್ಯಗಳನ್ನು ಹೆಚ್ಚಿಸಿಕೊಳ್ಳುತ್ತಿದ್ದಾರೆ" ಎಂದು ಮೊಹಮ್ಮದ್ ಕೈಫ್ ಹೇಳಿದ್ದಾರೆ.

ಡೆಲ್ಲಿ ಕೊಚ್ ಪಾಂಟಿಂಗ್ ನೇತೃತ್ವದಲ್ಲಿ ಅಭ್ಯಾಸ

ತಮ್ಮ ಕ್ವಾರಂಟೈನ್ ಅವಧಿಯನ್ನು ಪೂರೈಸಿದ ತಕ್ಷಣವೇ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಕೋಚ್ ರಿಕಿ ಪಾಂಟಿಂಗ್ ತಂಡದ ಮೊದಲ ಅಭ್ಯಾಸ ಶಿಬಿರದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಮುಂದಿನ ದಿನಗಳಲ್ಲಿ ತಂಡದ ಆಟಗಾರರ ಅಭ್ಯಾಸದ ಬಗ್ಗೆ ರೂಪುರೇಶೆಗಳನ್ನು ಡೆಲ್ಲಿ ಕೋಚ್ ಪಾಂಟಿಂಗ್ ರೂಪಿಸಿದಲಿದ್ದಾರೆ ಎಂದು ಕೈಫ್ ವಿವರಿಸಿದ್ದಾರೆ.