ಮಾಜಿ ನಾಯಕ ಎಂಎಸ್ ಧೋನಿಯ ಏಕದಿನ ವೃತ್ತಿ ಬದುಕು ಕೊನೆ?!

ಧೋನಿ ಆಟದ ಪರಿಗೆ ಗೌರವಿಸಬೇಕು

ಮಾತು ಮುಂದುವರೆಸಿದ ಶಾಸ್ತ್ರಿ, 'ಧೋನಿ ಎಲ್ಲಾ ಕ್ರಿಕೆಟ್‌ ಮಾದರಿಗಳಲ್ಲಿ ಇಲ್ಲೀವರೆಗೆ ಆಡಿರುವ ಪರಿಗೆ ಜನ ಅವರನ್ನು ಗೌರವಿಸಲೇಬೇಕು,' ಎಂದರು. ಇಂಗ್ಲೆಂಡ್‌ನಲ್ಲಿ ನಡೆದಿದ್ದ ಏಕದಿನ ವಿಶ್ವಕಪ್‌ ಬಳಿಕ ಧೋನಿ ಯಾವುದೇ ಟೂರ್ನಿಗಳಲ್ಲಿ ಪಾಲ್ಗೊಂಡಿಲ್ಲ. ಕ್ರಿಕೆಟ್ ವಲಯದಲ್ಲಿ ಧೋನಿ ನಿವೃತ್ತಿ ಬಗ್ಗೆ ಆಗೀಗ ಚರ್ಚೆಗಳು ನಡೆಯುತ್ತಲೇಯಿವೆ.

ಟಿ20 ಮಾದರಿಗೆ ಧೋನಿ ಹೆಚ್ಚು ಸೂಕ್ತ

38ರ ಹರೆಯದ ಧೋನಿಗೆ ಈ ವಯಸ್ಸಿನಲ್ಲಿ ಟಿ20 ಕ್ರಿಕೆಟ್ ಮಾದರಿ ಹೆಚ್ಚು ಸೂಕ್ತ. ಇಂಡಿಯನ್ ಪ್ರೀಮಿಯರ್ ಲೀಗ್‌ (ಐಪಿಎಲ್)ನಲ್ಲಿ ಚೆನ್ನಾಗಿ ಆಡಿದರೆ ಧೋನಿ ಮುಂಬರಲಿರುವ ಟಿ20 ವಿಶ್ವಕಪ್‌ನಲ್ಲಿ ಪಾಲ್ಗೊಳ್ಳುವವರ ಸಾಲಿನಲ್ಲಿರುವ ಪ್ರಮುಖ ಸ್ಪರ್ಧಿ ಎಂಬ ಸಂಗತಿಯನ್ನೂ ಶಾಸ್ತ್ರಿ ಬಾಯ್ಬಿಟ್ಟಿದ್ದಾರೆ.

ಮತ್ತೆ ಟೀಮ್ ಇಂಡಿಯಾಕ್ಕೆ ವಾಪಸ್?!

'ಏಕದಿನಕ್ಕೆ ಧೋನಿ ನಿವೃತ್ತಿ ಘೋಷಿಸಿದರೆ ಟಿ20 ಮಾದರಿಯಲ್ಲಿ ಮಾತ್ರ ಉಳಿಯುತ್ತಾರೆ. ಹೀಗಾಗಿ ಧೋನಿ ಐಪಿಎಲ್‌ನಲ್ಲಿ ಖಂಡಿತಾ ಆಡಲಿದ್ದಾರೆ. ಧೋನಿ ತಾನಾಗೇ ಟೀಮ್ ಇಂಡಿಯಾಕ್ಕೆ ಬರುವ ನಿಟ್ಟಿನಲ್ಲಿ ಒತ್ತಡ ಹೇರಿಲ್ಲ. ಆದರೆ ಐಪಿಎಲ್‌ನಲ್ಲಿ ಧೋನಿ ಚೆನ್ನಾಗಿ ಆಡಿದರೆ ಅವರನ್ನು ತಂಡಕ್ಕೆ ಕರೆತರುವ ಒತ್ತಡ ಸಹಜವಾಗೇ ನಮ್ಮ ಮೇಲೆ ಬೀಳಲಿದೆ,' ಎಂದು ರವಿ ಶಾಸ್ತ್ರಿ ಹೇಳಿದರು.

ಕೀಪಿಂಗ್‌ನಲ್ಲಿ ಸಾಟಿಯಿಲ್ಲದ ದಾಖಲೆ

144 ಟೆಸ್ಟ್ ಇನ್ನಿಂಗ್ಸ್‌ಗಳಲ್ಲಿ 4876 ರನ್, 297 ಏಕದಿನ ಇನ್ನಿಂಗ್ಸ್‌ಗಳಲ್ಲಿ 10773 ರನ್ ಮತ್ತು 85 ಟಿ20ಐ ಇನ್ನಿಂಗ್ಸ್‌ಗಳಲ್ಲಿ 1617 ರನ್ ಗಳಿಸಿರುವ ಧೋನಿ, ವಿಕೆಟ್ ಕೀಪರ್‌ ಆಗಿದ್ದುಕೊಂಡು ಒಟ್ಟಿಗೆ 829 ಔಟ್‌ಗಳಿಗೆ ಕಾರಣರಾಗಿದ್ದರು. ಒಟ್ಟಿನಲ್ಲಿ ಧೋನಿ ಈ ಬಾರಿಯ ವಿಶ್ವಕಪ್‌ನಲ್ಲಿ ಆಡುತ್ತಾರೋ ಇಲ್ಲವೋ ಎಂಬುದು ಅವರ ಐಪಿಎಲ್‌ ಪ್ರದರ್ಶನ ನಿರ್ಧರಿಸಲಿದೆ.