ದುಬೈನಲ್ಲಿ ಟೆನಿಸ್ ಆಡಿದ ಧೋನಿ, ಪಂತ್

ದುಬೈನಲ್ಲಿ ಐಪಿಎಲ್ 2024 ಗಾಗಿ ಮಂಗಳವಾರ ನಡೆದ ಹರಾಜಿನ ಬಳಿಕ, ಭಾರತೀಯ ಕ್ರಿಕೆಟ್‌ನ ಇಬ್ಬರು ಪ್ರಸಿದ್ಧ ವಿಕೆಟ್‌ಕೀಪರ್ ಬ್ಯಾಟ್ಸ್‌ಮನ್‌ಗಳು ಟೆನಿಸ್ ಅಂಗಳದಲ್ಲಿ ಕಾಣಿಸಿಕೊಂಡರು.

ಎಂಎಸ್ ಧೋನಿ ಮತ್ತು ರಿಷಬ್ ಪಂತ್ ಕೈಯಲ್ಲಿ ಟೆನಿಸ್ ರಾಕೆಟ್‌ಗಳೊಂದಿಗೆ ಪರಸ್ಪರ ಟೆನಿಸ್‌ ಅಂಗಳದಲ್ಲಿ ಕಾಣಿಸಿಕೊಂಡರು. ಈ ದೃಶ್ಯದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಈ ವೀಡಿಯೊದಲ್ಲಿ, ರಿಷಬ್ ಪಂತ್ ಅವರ ಶಕ್ತಿಯುತ ಹೊಡೆತಕ್ಕೆ ಎಂಎಸ್ ಧೋನಿ ಕೂಡ ಆಶ್ಚರ್ಯಚಕಿತರಾಗಿದ್ದಾರೆ. ಈ ಸಮಯದಲ್ಲಿ, ಅಭಿಮಾನಿಗಳು ಈ ಶಾಟ್ ನೋಡಿ ಫುಲ್‌ ಖುಷ್‌.

ಇಬ್ಬರೂ ಸ್ಟಾರ್‌ ವಿಕೆಟ್‌ ಕೀಪರ್‌ಗಳು ಹಾಗೂ ತಮ್ಮ ತಮ್ಮ ತಂಡದ ನಾಯಕರು ಫ್ರಾಂಚೈಸಿಗಳೊಂದಿಗೆ ಹರಾಜಿಗಾಗಿ ದುಬೈಗೆ ಬಂದಿದ್ದರು. ಈ ಅವಧಿಯಲ್ಲಿ ರಿಷಬ್ ಪಂತ್ ಕೂಡ ಹರಾಜು ಹಾಲ್‌ನಲ್ಲಿ ಕಾಣಿಸಿಕೊಂಡಿದ್ದರು. ಅವರು ಡೆಲ್ಲಿ ಕ್ಯಾಪಿಟಲ್ಸ್‌ನ ಟೇಬಲ್‌ನಲ್ಲಿ ಕುಳಿತು ಆಟಗಾರರಿಗೆ ಹರಾಜು ಹಾಕುತ್ತಿದ್ದರು. ಆದರೆ, ಎಂಎಸ್ ಧೋನಿ ಹರಾಜು ಹಾಲ್‌ನಲ್ಲಿ ಕಾಣಿಸಿಕೊಂಡಿರಲಿಲ್ಲ.
ಹರಾಜು ವೇಳೆ ಕಾಣಿಸಿಕೊಂಡ ಪಂತ್

ಡೆಲ್ಲಿ ಕ್ಯಾಪಿಟಲ್ಸ್‌ನ ಹರಾಜು ತಂತ್ರದಲ್ಲಿ ಪಂತ್ ಭಾಗಿಯಾಗಿದ್ದರು. ರಿಷಬ್ ಪಂತ್ ಕ್ರಿಕೆಟ್ ಕ್ಷೇತ್ರದಿಂದ ದೂರವಿರಬಹುದು ಆದರೆ ಡೆಲ್ಲಿ ಕ್ಯಾಪಿಟಲ್ಸ್ ಹರಾಜು ತಂತ್ರದ ಪ್ರಮುಖ ಭಾಗವಾಗಿದ್ದರು. ಫ್ರಾಂಚೈಸಿಯ ಪ್ರತಿ ಮೀಟಿಂಗ್ ಮತ್ತು ತಂತ್ರದಲ್ಲಿ ಅವರ ಪಾತ್ರವಿದೆ. ಅಂತಹ ಪರಿಸ್ಥಿತಿಯಲ್ಲಿ, ಫ್ರಾಂಚೈಸ್ ಹರಾಜಿನ ಸಮಯದಲ್ಲಿಯೂ ಇರುವಂತೆ ಕೇಳಿಕೊಂಡಿದೆ.

ಭಾರತದ ಅನ್‌ಕ್ಯಾಪ್ಡ್ ಕ್ರಿಕೆಟಿಗ ಕುಮಾರ್ ಕುಶಾಗ್ರಾ (7.20 ಕೋಟಿ) ಮೇಲೆ ದೆಹಲಿ ಈ ಹರಾಜಿನಲ್ಲಿ ದೊಡ್ಡ ಬೆಟ್ ಮಾಡಿದೆ. ಈ ಫ್ರಾಂಚೈಸಿಯು ಜೈ ರಿಚರ್ಡ್‌ಸನ್ (5 ಕೋಟಿ) ಮತ್ತು ಹ್ಯಾರಿ ಬ್ರೂಕ್ (4 ಕೋಟಿ) ಅವರನ್ನು ತನ್ನ ಮಡಿಲಿಗೆ ಹಾಕಿಕೊಳ್ಳುವಲ್ಲಿ ಯಶಸ್ವಿಯಾಯಿತು.

ಧೋನಿ ಬಳಗ ಬಲಿಷ್ಠ ಆಟಗಾರರನ್ನು ಆಯ್ಕೆ ಮಾಡಿದೆ

ಚೆನ್ನೈ ಸೂಪರ್ ಕಿಂಗ್ಸ್‌ನ ಪ್ರತಿಯೊಂದು ನಿರ್ಧಾರದಲ್ಲೂ ಎಂಎಸ್ ಧೋನಿ ಪಾತ್ರವಿದೆ. ಆದ್ದರಿಂದ ಹರಾಜಿನವರೆಗೂ ಅವರು ತಮ್ಮ ಫ್ರಾಂಚೈಸ್‌ನೊಂದಿಗೆ ಆಟಗಾರರ ಬಗ್ಗೆ ತಂತ್ರಗಳನ್ನು ಮಾಡುತ್ತಲೇ ಇದ್ದರು.

ಚೆನ್ನೈ ಹರಾಜಿನಲ್ಲಿ ಡೆರಿಲ್ ಮಿಚೆಲ್ (14 ಕೋಟಿ), ಸಮೀರ್ ರಿಜ್ವಿ (8.40 ಕೋಟಿ) ಮತ್ತು ಶಾರ್ದೂಲ್ ಠಾಕೂರ್ (4 ಕೋಟಿ) ಅವರ ಮೇಲೆ ದೊಡ್ಡ ಬೆಟ್ಟಿಂಗ್‌ಗಳನ್ನು ಮಾಡಿ ತಮ್ಮ ತಂಡಕ್ಕೆ ಸೇರಿಸಿಕೊಂಡಿತು. ಈ ಫ್ರಾಂಚೈಸಿಯು ರಚಿನ್ ರವೀಂದ್ರ ಅವರನ್ನು ಕೇವಲ 1.80 ಕೋಟಿ ರೂಪಾಯಿಗೆ ಖರೀದಿಸುವ ಮೂಲಕ ತನ್ನ ತಂಡವನ್ನು ಬಲಪಡಿಸಿದೆ.