ಕೊಲಂಬೋ, ಜುಲೈ 12: ಜಿಂಬಾಬ್ವೆ ವಿರುದ್ಧದ ಸರಣಿ ಸೋಲಿನ ಹೊಣೆ ಹೊತ್ತು ನಾಯಕ ಸ್ಥಾನದಿಂದ ಏಂಜೆಲೋ ಮ್ಯಾಥ್ಯೂಸ್ ಕೆಳಗಿಳಿದಿರುವ ಸುದ್ದಿ ಓದಿರುತ್ತೀರಿ. ಇದಾದ ಬಳಿಕ, ಶ್ರೀಲಂಕಾ ಕ್ರಿಕೆಟ್ ಮಂಡಳಿ ತನ್ನ ಟೆಸ್ಟ್ ಹಾಗೂ ಏಕದಿನ, ಟಿ20ಐ ತಂಡಗಳಿಗೆ ಹೊಸ ನಾಯಕರನ್ನು ನೇಮಿಸಿದೆ.
ಶ್ರೀಲಂಕಾ ಟೆಸ್ಟ್ ತಂಡಕ್ಕೆ ದಿನೇಶ್ ಚಂಡಿಮಾಲ್ ನಾಯಕರಾಗಿದ್ದರೆ, ಏಕದಿನ ಹಾಗೂ ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡುವ ತಂಡಕ್ಕೆ ಉಪುಲ್ ತರಂಗಾ ನಾಯಕರಾಗಿ ನೇಮಕಗೊಂಡಿದ್ದಾರೆ. ಚಂಡಿಮಾಲ್ ಅವರು ಈ ಹಿಂದೆ ಉಪ ನಾಯಕರಾಗಿ ಕಾರ್ಯ ನಿರ್ವಹಿಸಿದ್ದರು. ತರಂಗಾ ಅವರು ಕೂಡಾ ಮ್ಯಾಥ್ಯೂಸ್ ಅನುಪಸ್ಥಿತಿಯಲ್ಲಿ ತಂಡವನ್ನು ಮುನ್ನಡೆಸಿದ್ದರು.

32 ವರ್ಷ ವಯಸ್ಸಿನ ತರಂಗಾ ಅವರು 207 ಏಕದಿನ ಪಂದ್ಯಗಳನ್ನಾಡಿ 6212ರನ್ ಕಲೆ ಹಾಕಿದ್ದಾರೆ. ಅಜೇಯ 174 ರನ್ ಇವರ ವೈಯಕ್ತಿಕ ಗರಿಷ್ಠ ಮೊತ್ತ. ಎಡಗೈ ಬ್ಯಾಟ್ಸ್ ಮನ್ 16 ಟಿ20 ಐ ಪಂದ್ಯಗಳನ್ನಾಡಿದ್ದಾರೆ.