Sanju Samson: ಟೀಮ್ ಇಂಡಿಯಾದಲ್ಲಿರುವ ಸಂಜು ಸ್ಯಾಮ್ಸನ್ ಬಾಲ್ಯದ ಗೆಳೆಯ ಇವರೇ!

ಸಂಜು ಸ್ಯಾಮನ್ಸ್ ಭಾರತ ತಂಡದ ಭರವಸೆ ಆಟಗಾರ. ಆದರೆ ಸರಿಯಾದ ಅವಕಾಶ ಸಿಗದೆ ತಂಡದಿಂದ ದೂರ ಉಳಿದಿದ್ದೆ ಹೆಚ್ಚು. ಕೆಲವೊಮ್ಮೆ ಸಂಜು ಭಾರತ ತಂಡಕ್ಕೆ ಆಯ್ಕೆಯಾದರೂ ಬೆಂಚ್ ಮೇಲೆ ಕಾಯುತ್ತಿದ್ದರು.

ಇತ್ತೀಚೆಗೆ ಮುಕ್ತಾಯವಾದ ಬಾಂಗ್ಲಾದೇಶ ವಿರುದ್ಧದ ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ ಸಂಜು ಇತಿಹಾಸ ಸೃಷ್ಟಿಸಿದ್ದರು. ಹೈದರಾಬಾದ್‌ನ ರಾಜೀವ್ ಗಾಂಧಿ ಅಮತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಸರಣಿ ಕೊನೆಯ ಮತ್ತು ಮೂರನೇ ಟಿ20 ಪಂದ್ಯದಲ್ಲಿ ಸಂಜು ತಮ್ಮ ಪರಕ್ರಮ ತೋರಿದ್ದರು. ಕೇವಲ 40 ಎಸೆತಗಳಲ್ಲಿ ಸಂಜು ತಮ್ಮ ಟಿ20 ವೃತ್ತಿಜೀವನದ ಚೊಚ್ಚಲ ಶತಕ ಸಿಡಿಸಿ ದಾಖಲೆ ಬರೆದಿದ್ದರು.

ಆಗಾಗ ಟೀಂ ಇಂಡಿಯಾದಿಂದ ಹೊರಗುಳಿಯುತ್ತಿದ್ದ ಸಂಜು, ತಾನು ಹೇಗೆ ತಂಡಕ್ಕೆ ಪುನರಾಗಮನ ಮಾಡಿದೆ ಎಂದು ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ. ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆಯಲು ಸಂಜು ಸ್ಯಾಮ್ಸನ್ ಹಲವು ಏರಿಳಿತಗಳನ್ನು ಎದುರಿಸಿದ್ದರು. ಆದರೆ ಅವರು ಬಾಂಗ್ಲಾದೇಶದ ಟಿ20 ಸರಣಿಯ ಎರಡು ಪಂದ್ಯಗಳಲ್ಲಿ ಫ್ಲಾಪ್ ಆಗಿದ್ದರು. ಈ ವೇಳೆ ಸಂಜು ತಮ್ಮ ಆತ್ಮೀಯ ಸ್ನೇಹಿತನ ಸಹಾಯವನ್ನು ತೆಗೆದುಕೊಳ್ಳಬೇಕಾಯಿತು. ಈತ ತುಂಬಿದ ಆತ್ಮವಿಶ್ವಾಸದಿಂದ ಸಂಜು ಇಂದು ದಾಖಲೆ ಸೃಷ್ಟಿಸಲು ಸಾಧ್ಯವಾಯಿತು.

ಸಂಜು ಬಾಲ್ಯದ ಗೆಳೆಯ

ಸಂದರ್ಶನವೊಂದರಲ್ಲಿ ಮಾತನಾಡಿರುವ ಸಂಜು ಸ್ಯಾಮ್ಸನ್ ಟೀಮ್ ಇಂಡಿಯಾದಲ್ಲಿರುವ ತಮ್ಮ ಬಾಲ್ಯದ ಗೆಳೆಯನ ಬಗ್ಗೆ ಗುಣಗಾನ ಮಾಡಿದ್ದಾರೆ. 'ಬಾಲ್ಯದಲ್ಲಿ ಸೂರ್ಯ ಮತ್ತು ನಾನು ಬಹಳ ಸಮಯ ಒಟ್ಟಿಗೆ ಆಡಿದ್ದೇವೆ. ನಾವು ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ (ಬಿಪಿಸಿಎಲ್) ಕ್ರಿಕೆಟ್‌ ಟೂರ್ನಿಯಲ್ಲಿ ಸಾಕಷ್ಟು ಒಟ್ಟಿಗೆ ಆಡಿದ್ದೇವೆ. ಭಾರತಕ್ಕಾಗಿ ಆಡುವ ಮೊದಲು ನಾವು ಸಾಕಷ್ಟು ಸಮಯವನ್ನು ಕಳೆದಿದ್ದೇವೆ. ಹಾಗಾಗಿ ನಮ್ಮ ನಡುವೆ ಉತ್ತಮ ಸಂಪರ್ಕವಿದೆ. ನಾವು ಉತ್ತಮ ಸ್ನೇಹಿತರು ಮತ್ತು ನಾವು ಮೈದಾನದಲ್ಲಿ ಸಾಕಷ್ಟು ಸಮಯವನ್ನು ಒಟ್ಟಿಗೆ ಕಳೆದಿದ್ದೇವೆ. ಅವನು ನನ್ನ ಆಟವನ್ನು ಅರ್ಥಮಾಡಿಕೊಂಡಿದ್ದಾನೆ. ಅವನ ಆಟವನ್ನು ನಾನು ಅರ್ಥಮಾಡಿಕೊಂಡಿದ್ದೇನೆ. ಸೂರ್ಯಕುಮಾರ್ ಯಾದವ್ ಆಗಲು ಸೂರ್ಯನ ಪಯಣ ನನಗೆ ಗೊತ್ತು. ಅವರ ಹಿಂದಿನ ಹೋರಾಟವನ್ನು ನಾನು ನೋಡಿದ್ದೇನೆ. ಅವರು ಇಲ್ಲಿಗೆ ತಲುಪಲು ಶ್ರಮಿಸಿದ್ದಾರೆ. ನಾವು ಒಬ್ಬರನ್ನೊಬ್ಬರು ತುಂಬಾ ಗೌರವಿಸುತ್ತೇವೆ ಎಂದು ಹೇಳಿದ್ದಾರೆ.

ಸೂರ್ಯನ ಗುಣಗಾನ

ದೆಹಲಿಯಲ್ಲಿ ಅಭ್ಯಾಸದ ವೇಳೆ ಸೂರ್ಯ ಮತ್ತು ಸ್ಯಾಮ್ಸನ್ ನಡುವೆ ಸಾಕಷ್ಟು ಮಾತುಕತೆ ನಡೆದಿತ್ತು. ಈ ಕುರಿತು ಮಾತನಾಡಿರುವ ಸಂಜು 'ನಾನು ಭಾರತ ತಂಡದಲ್ಲಿ ವಾಸಿಸುತ್ತಿದ್ದೇನೆ. ಆದರೆ ನನ್ನ ಸಹ ಆಟಗಾರರೊಂದಿಗೆ ಸಮಯ ಕಳೆಯಲು ನನಗೆ ಅವಕಾಶ ಸಿಗುತ್ತಿಲ್ಲ. ನಾನು ಒಂದು ವಾರ ಅಥವಾ 10 ದಿನಗಳವರೆಗೆ ತಂಡ ಇರುತ್ತೇನೆ. ನಂತರ ನಾನು ಹೊರಡುತ್ತೇನೆ. ನಮ್ಮ ಆಲೋಚನೆಗಳನ್ನು ಹಂಚಿಕೊಳ್ಳಲು ನಮಗೆ ಸಮಯ ಬೇಕು. ನಾನು ಸೂರ್ಯನನ್ನು ಬಹಳ ವರ್ಷಗಳಿಂದ ತಿಳಿದಿದ್ದೇನೆ. ಆದರೆ ನೀವು ಏನು ಮಾಡುತ್ತಿದ್ದೀರಿ ಮತ್ತು ಹೇಗೆ ಮಾಡುತ್ತಿದ್ದೀರಿ ಎಂದು ತಿಳಿದುಕೊಳ್ಳುವ ಅವಕಾಶ ನನಗೆ ಸಿಗಲಿಲ್ಲ. ಸೂರ್ಯ ತುಂಬಾ ಕಷ್ಟಪಟ್ಟಿದ್ದಾರೆ ಎಂದು ನಿಮಗೆ ತಿಳಿದಿದೆ. ಆದರೆ ಕಳೆದ 3-4 ವರ್ಷಗಳಲ್ಲಿ ಅವರು ವಿಶ್ವ ದರ್ಜೆ ಆಟಗಾರರಾಗಿದ್ದಾರೆ ಎಂದಿದ್ದಾರೆ.