ಬ್ರಾವೋರಿಂದ ಸಲ್ಮಾನ್ ಖಾನ್ ಟವೆಲ್ ಡ್ಯಾನ್ಸ್ ಸ್ಟೆಪ್ಸ್

ಮುಂಬೈ, ಅಕ್ಟೋಬರ್ 13: ವೆಸ್ಟ್ ಇಂಡೀಸ್ ನ ಅತ್ಯಂತ ಜನಪ್ರಿಯ ಕ್ರಿಕೆಟರ್ ಡಿಜೆ ಬ್ರಾವೋ ಅವರು ಮುಂಬೈನಲ್ಲಿ ಡ್ಯಾನ್ಸ್ ರಿಯಾಲಿಟಿ ಶೋವೊಂದರಲ್ಲಿ ಕುಣಿದಿದ್ದಾರೆ.

ಆಲ್ ರೌಂಡರ್ ಬ್ರಾವೋ ಅವರು ಗಾಯಕ, ಡ್ಯಾನ್ಸರ್ ಆಗಿ ಕೂಡಾ ಹಿಂದಿ ಚಿತ್ರರಂಗಕ್ಕೆ ಹತ್ತಿರವಾಗಿದ್ದಾರೆ. ಈ ಶೋ ಶೂಟಿಂಗ್ ನಲ್ಲಿ ಪಾಲ್ಗೊಂಡಿದ್ದ ಬ್ರಾವೋ ಅವರು ಸಲ್ಮಾನ್ ಖಾನ್ ಡ್ಯಾನ್ಸ್ ನಕಲು ಮಾಡಿ ಕುಣಿದಾಡಿದ್ದಾರೆ.[ಶರ್ಟ್ ಕಳಚಿ ಡ್ಯಾನ್ಸ್ ಮಾಡಿದ ಗೇಲ್, ಬ್ರಾವೋ]

ಸೂಪರ್ ಸ್ಟಾರ್ ಸಲ್ಮಾನ್ ಖಾನ ಅವರ ಟವೆಲ್ ಡ್ಯಾನ್ಸ್ ಅನುಕರಿಸಿದ ಬ್ರಾವೋ ಕುಣಿತ ನೋಡಿ ಎಲ್ಲರೂ ಅಚ್ಚರಿ ಪಟ್ಟಿದ್ದಾರೆ. [ಬ್ರಾವೊ ಈಗ ಬಾಲಿವುಡ್ಡಿನ ಹೊಸ ಸಿಂಗರ್!]

ಸಲ್ಮಾನ್ ಖಾನ್ ಅವರ 'ಮುಜ್ಸೆ ಶಾದಿ ಕರೋಗಿ' ಚಿತ್ರದ ಟೈಟಲ್ ಹಾಡಿಗೆ ಬ್ರಾವೋ ಹೆಜ್ಜೆ ಹಾಕಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿದ ಬ್ರಾವೊ, ಖಾನ್ ತ್ರಯರು ಬಾಲಿವುಡ್ಡಿನ ಬಿಗ್ ಸ್ಟಾರ್​ಗಳು. ಇವರಲ್ಲಿ ನಾನು ಸಲ್ಮಾನ್ ಖಾನ್ ಅವರ ದೊಡ್ಡ ಅಭಿಮಾನಿ, ಅವರ ಸಕತ್ ಕೂಲ್ ಮನುಷ್ಯ ಹಾಗೂ ಅವರ ಡ್ಯಾನ್ಸ್ ಗಳನ್ನು ಅನುಕರಿಸಲು ಇಷ್ಟಪಡುತ್ತೇನೆ ಎಂದು ತಿಳಿಸಿದ್ದಾರೆ.[ಬ್ರಾವೊ ಡ್ಯಾನ್ಸ್ ಗೆ ಫಿದಾ ಆಗಿದ್ದು ಒಬ್ರ, ಇಬ್ರ!]


ಕ್ರಿಕೆಟ್ ಮೈದಾನದಲ್ಲಿ ಮಾತ್ರವಲ್ಲ, ಡ್ಯಾನ್ಸ್ ಅಂಗಳಕ್ಕೆ ಇಳಿದರೆ ತಾನು ಆಲ್ ರೌಂಡರ್ ಎಂಬುದನ್ನು ಬ್ರಾವೋ ಮತ್ತೊಮ್ಮೆ ಸಾಬೀತು ಪಡಿಸಿದ್ದಾರೆ. ಡಿಜೆ ಬ್ರಾವೊ ಈಗಾಗಲೇ ಚಾಂಪಿಯನ್ ಡ್ಯಾನ್ಸ್ ಹಾಗೂ ಹಾಡಿನ ಮೂಲಕ ಭಾರತದಲ್ಲಿ ಜನಪ್ರಿಯತೆ ಗಳಿಸಿರುವುದನ್ನು ಇಲ್ಲಿ ಸ್ಮರಿಸಬಹುದು.