"ಡಿನ್ನರ್ ಮಾಡಲು ಬಯಸುವ ಕ್ರಿಕೆಟಿಗರು?"
ಇನ್ಸ್ಟಾಗ್ರಾಮ್ ಲೈವ್ ವೇಳೆ ನಿರೂಪಕಿ ರೂಪಾ ರಮಣಿ ಡಿನ್ನರ್ ಮಾಡಲು ಬಯಸುವ ಕ್ರಿಕೆಟಿಗರು ಯಾರು ಎಂಬ ಪ್ರಶ್ನೆಯನ್ನು ಕೇಳಿದ್ದರು. ಒಂದು ಟೀಮ್ ಇಂಡಿಯಾದ ಆರಂಭಿಕ ಆಟಗಾರ ಶಿಖರ್ ಧವನ್ ಹೆಸರು ಸೂಚಿಸಿದ ಮುರಳಿ ಇನ್ನೊಂದು ಆಸ್ಟ್ರೇಲಿಯಾದ ಮಹಿಳಾ ಕ್ರಿಕೆಟರ್ ಇಲ್ಯಾಸ್ ಪೆರ್ರಿ ಹೆಸರನ್ನು ಹೇಳಿ ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿಯಾದರು.
ಮುರಳಿ ಆಸೆಗೆ ಪೆರ್ರಿ ಪ್ರತಿಕ್ರಿಯೆ
ಮುರುಳಿ ವಿಜಯ್ ಬಯಕೆಗೆ ಸ್ವತಃ ಇಲ್ಯಾಸ್ ಪೆರ್ರಿ ಪ್ರತಿಕ್ರಿಯಿಸಿದ್ದಾರೆ. ಸ್ವತಃ ಪೆರ್ರಿ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಲೈವ್ಗೆ ಆಗಮಿಸಿದ್ದರು. ಈ ವೇಳೆ ನಿರೂಪಕಿ ಪೆರ್ರಿಗೆ ಮುರಳಿ ವಿಜಯ್ ವ್ಯಕ್ತಪಡಿಸಿದ್ದ ಬಯಕೆಯನ್ನು ತಿಳಿಸಿದ್ದಾರೆ. ಅದಕ್ಕೆ ಪೆರ್ರಿ ಸಕಾರಾತ್ಮಕ ಉತ್ತರವನ್ನು ನೀಡಿದ್ದಾರೆ.
ಮುರಳಿ ಬಯಕೆಗೆ ಪೆರ್ರಿಯಿಂದ ಗ್ರೀನ್ ಸಿಗ್ನಲ್
ಡಿನ್ನರ್ ಮಾಡುವಾಸೆಯನ್ನು ವ್ಯಕ್ತಪಡಿಸಿದ್ದ ಮುರಳಿ ವಿಜಯ್ ಬಯಕೆಗೆ ಒಂದು ರೀತಿಯಲ್ಲಿ ಗ್ರೀನ್ ಸಿಗ್ನಲ್ ಕೊಟ್ಟಂತೆ ಪೆರ್ರಿ ಮಾತನಾಡಿದ್ದಾರೆ. "ಡಿನ್ನರ್ ಬಿಲ್ಲನ್ನು ಅವರೇ(ಮುರಳಿ ವಿಜಯ್) ಪಾವತಿಸುತ್ತಾರೆ ಎಂದು ಭಾವಿಸುತ್ತೇನೆ, ಅದು ಅವರ ಒಳ್ಳೆಯತನ, ನಾನು ಅವರನ್ನು ಪ್ರಶಂಸಿಸುತ್ತೇನೆ ಎಂದು ಪೆರ್ರಿ ಹೇಳಿದ್ದಾರೆ.
"ಆಕೆ ಅಪ್ರತಿಮ ಸುಂದರಿ"
ಇಲ್ಯಾಸ್ ಪೆರ್ರಿ ಹೆಸರು ಹೇಳಿದ್ದಕ್ಕೆ ಮುರಳಿ ವಿಜಯ್ ಕಾರಣವನ್ನೂ ಕೊಟ್ಟಿದ್ದರು. ಆಕೆಯೋರ್ವ ಅಪ್ರತಿಮ ಸುಂದರಿ. ಆಕೆಯ ಜೊತೆಗೆ ಡಿನ್ನರ್ ಮಾಡಬೇಕು ಎಂಬ ಆಸೆ ಎಂದು ಮುರಳಿ ವಿಜಯ್ ಈ ಲೈವ್ ನಲ್ಲಿ ಹೇಳಿದ್ದರು. ಇದಕ್ಕೆ ಸ್ವತಃ ಪೆರ್ರಿ ಪ್ರತಿಕ್ರಿಯಿಸಿದ್ದಾರೆ.