ಇಂಗ್ಲೆಂಡ್ ಆಟಗಾರನಿಗೆ ಮತ್ತೆ ಕಾಡಿದ ವೀಸಾ ಸಮಸ್ಯೆ: ಮೂರನೇ ಟೆಸ್ಟ್‌ ಆಡುತ್ತಾರಾ ಸ್ಪಿನ್ ಬೌಲರ್?

ಇಂಗ್ಲೆಂಡ್ ಕ್ರಿಕೆಟಿಗ ಮತ್ತೊಮ್ಮೆ ವೀಸಾ ಸಮಸ್ಯೆ ಎದುರಿಸಿದ್ದಾರೆ. ಲೆಗ್ ಸ್ಪಿನ್ನರ್ ಅನ್ನು ರಾಜ್‌ಕೋಟ್‌ನ ಹಿರಾಸರ್ ವಿಮಾನ ನಿಲ್ದಾಣದಲ್ಲಿ ನಿಲ್ಲಿಸಲಾಯಿತು. ಮಾಧ್ಯಮ ವರದಿಗಳ ಪ್ರಕಾರ, ಸರಿಯಾದ ದಾಖಲೆಗಳ ಕೊರತೆಯಿಂದಾಗಿ, ತಂಡದೊಂದಿಗೆ ವಿಮಾನ ನಿಲ್ದಾಣದಿಂದ ಹೊರಬರಲು ಅವರಿಗೆ ಅವಕಾಶ ನೀಡಲಿಲ್ಲ.

ರೆಹಾನ್ ಅಹ್ಮದ್ ಅವರು ಇಂಗ್ಲೆಂಡ್ ತಂಡದೊಂದಿಗೆ ಅಬುಧಾಬಿಯಿಂದ ಹಿಂದಿರುಗುತ್ತಿದ್ದರು. ಆದರೆ ಸರಿಯಾದ ದಾಖಲೆಗಳ ಕೊರತೆಯಿಂದಾಗಿ ಅವರು ರಾಜ್‌ಕೋಟ್‌ನ ಹಿರಾಸರ್ ವಿಮಾನ ನಿಲ್ದಾಣದಲ್ಲಿ ಸಮಸ್ಯೆಗಳನ್ನು ಎದುರಿಸಬೇಕಾಯಿತು.

ಆಗಿದ್ದೇನು?

ಮಾಧ್ಯಮ ವರದಿಗಳ ಪ್ರಕಾರ, ರೆಹಾನ್ ಅಹ್ಮದ್ ಅವರನ್ನು ರಾಜ್‌ಕೋಟ್‌ನ ಹಿರಾಸರ್ ವಿಮಾನ ನಿಲ್ದಾಣದಲ್ಲಿ ನಿಲ್ಲಿಸಲಾಗಿದೆ. ವಾಸ್ತವವಾಗಿ, ಇಂಗ್ಲೆಂಡ್ ತಂಡವು ಸರಣಿಯ ವಿರಾಮದ ಸಮಯದಲ್ಲಿ ಅಬುಧಾಬಿಗೆ ಹೋಗಿತ್ತು. ಆದರೆ ಅಲ್ಲಿಂದ ಹಿಂದಿರುಗುವಾಗ, ರೆಹಾನ್ ಅವರು ಸಿಂಗಲ್‌ ಎಂಟ್ರಿ ವೀಸಾವನ್ನು ಹೊಂದಿದ್ದರಿಂದ ಭಾರತದಿಂದ ನಿರ್ಗಮಿಸಿ ಮತ್ತೆ ಭಾರತಕ್ಕೆ ಪ್ರವೇಶಿಸಲು ಅನುಮತಿ ಇಲ್ಲ.

ರಾಜ್‌ಕೋಟ್‌ನ ಹಿರಾಸರ್ ವಿಮಾನ ನಿಲ್ದಾಣದಲ್ಲಿ ಸಮಸ್ಯೆಗಳು ಎದುರಾಗಿವೆ. ಅದೇ ಸಮಯದಲ್ಲಿ, ಮುಂದಿನ 2 ದಿನಗಳಲ್ಲಿ ಮತ್ತೆ ವೀಸಾಗೆ ಅರ್ಜಿ ಸಲ್ಲಿಸಲು ಇಂಗ್ಲೆಂಡ್ ತಂಡವನ್ನು ಕೇಳಲಾಗಿದೆ ಎಂದು ಬಿಸಿಸಿಐ ಅಧಿಕಾರಿಗಳು ತಿಳಿಸಿದ್ದಾರೆ. ಇಂಗ್ಲೆಂಡ್‌ ಆಟಗಾರರೊಂದಿಗೆ ಭಾರತಕ್ಕೆ ಬರಲು ರೆಹಾನ್ ಅಹ್ಮದ್ ಗೆ ಅವಕಾಶ ನೀಡಲಾಗಿದೆ.

ಮೂರನೇ ಟೆಸ್ಟ್ ಆಡುತ್ತಾರಾ?

ಭಾರತ ಮತ್ತು ಇಂಗ್ಲೆಂಡ್ ನಡುವಿನ 5 ಟೆಸ್ಟ್ ಪಂದ್ಯಗಳ ಸರಣಿಯ ಮೂರನೇ ಪಂದ್ಯ ಫೆಬ್ರವರಿ 15 ರಿಂದ ನಡೆಯಲಿದೆ. ಎರಡೂ ತಂಡಗಳು ರಾಜ್‌ಕೋಟ್‌ನಲ್ಲಿ ಮುಖಾಮುಖಿಯಾಗಲಿವೆ. ಆದರೆ ರೆಹಾನ್ ಅಹ್ಮದ್ ಇಂಗ್ಲೆಂಡ್ ಆಡುವ 11 ರ ಭಾಗವಾಗುತ್ತಾರೆಯೇ? ಎಂಬ ಪ್ರಶ್ನೆ ಉದ್ಭವಿಸಿದೆ. ಮುಂದಿನ 24 ಗಂಟೆಗಳಲ್ಲಿ ಸಮಸ್ಯೆ ಬಗೆಹರಿಯುತ್ತದೆ ಎಂದು ನಂಬಲಾಗಿದೆ. ಸದ್ಯ, ರೆಹಾನ್ ಅಹ್ಮದ್ ಅವರನ್ನು ಹೋಟೆಲ್‌ಗೆ ಕಳುಹಿಸಲಾಗಿದೆ. ಅದೇ ಸಮಯದಲ್ಲಿ, ಇಂಗ್ಲೆಂಡ್ ಕ್ರಿಕೆಟ್ ತಂಡದ ಉಳಿದ ಆಟಗಾರರು ಸೋಮವಾರ ಸಂಜೆಯೇ ಹೋಟೆಲ್ ತಲುಪಿದ್ದಾರೆ.

ಇಸಿಬಿ ತನ್ನ ಹೇಳಿಕೆಯಲ್ಲಿ ಏನು ಹೇಳಿದೆ?

ಈ ಕುರಿತು ಇಸಿಬಿ ಹೇಳಿಕೆ ನೀಡಿದೆ. 'ಅಬುಧಾಬಿಯಿಂದ ಭಾರತಕ್ಕೆ ಮರಳಿದ ನಂತರ ರೆಹಾನ್ ಅಹ್ಮದ್ ಅವರ ವೀಸಾದಲ್ಲಿ ಸಮಸ್ಯೆ ಕಂಡು ಬಂದಿದೆ. ಮತ್ತು ಸರಿಯಾದ ದಾಖಲೆಗಳಿಲ್ಲ ಎಂದು ನಮಗೆ ತಿಳಿಸಲಾಯಿತು. ರಾಜ್‌ಕೋಟ್ ವಿಮಾನ ನಿಲ್ದಾಣದಲ್ಲಿನ ಸ್ಥಳೀಯ ಅಧಿಕಾರಿಗಳು ಸಮಸ್ಯೆಯನ್ನು ಪರಿಹರಿಸಿದರು. ಇದು ರೆಹಾನ್‌ಗೆ ತಾತ್ಕಾಲಿಕ ವೀಸಾದಲ್ಲಿ ತಂಡದೊಂದಿಗೆ ಹೋಗಲು ಅನುವು ಮಾಡಿಕೊಟ್ಟಿತು. ಮುಂದಿನ ದಿನಗಳಲ್ಲಿ ಸರಿಯಾದ ವೀಸಾ ನೀಡಲಾಗುವುದು. ಮೂರನೇ ಟೆಸ್ಟ್‌ಗೂ ಮುನ್ನ ಅವರು ತಂಡದ ಉಳಿದ ಆಟಗಾರರೊಂದಿಗೆ ತಮ್ಮ ತಯಾರಿಯನ್ನು ಮುಂದುವರಿಸಲಿದ್ದಾರೆ.

ಶೋಯೆಬ್ ಬಶೀರ್‌ಗೂ ಇದೇ ಸಮಸ್ಯೆ

ಪ್ರವಾಸಿ ತಂಡದ ಯುವ ಆಫ್ ಸ್ಪಿನ್ನರ್ ಶೋಯೆಬ್ ಬಶೀರ್ ಕೂಡಾ ಭಾರತಕ್ಕೆ ಪ್ರವೇಶಿಸುವ ಮೊದಲು ವೀಸಾ ಸಮಸ್ಯೆ ಎದುರಿಸಿದ್ದರು. ಹೀಗಾಗಿ ಅವರು ಮತ್ತೆ ಲಂಡನ್‌ಗೆ ಹಿಂತಿರುಗಬೇಕಾಯಿತು. ಇದೇ ಕಾರಣದಿಂದ ಅವರು ಹೈದರಾಬಾದ್‌ನಲ್ಲಿ ನಡೆದ ಸರಣಿಯ ಆರಂಭಿಕ ಪಂದ್ಯದಲ್ಲಿ ಆಡಲು ಸಾಧ್ಯವಾಗಿರಲಿಲ್ಲ. ಆ ಬಳಿಕ ವಿಶಾಖಪಟ್ಟಣದಲ್ಲಿ ನಡೆದ ಎರಡನೇ ಟೆಸ್ಟ್‌ನಲ್ಲಿ ಅವರು ತಂಡವನ್ನು ಸೇರಿಕೊಂಡರು.‌