ಭಾರತದಲ್ಲಿ ಕೈ ಹಿಡಿಯುತ್ತಿಲ್ಲ ಆಂಗ್ಲರ ರಣತಂತ್ರ: ಬೆನ್‌ ಸ್ಟೋಕ್ಸ್‌ ಪಡೆ ಪ್ರವಾಸದಲ್ಲಿ ಅತಂತ್ರ

ಇಂಗ್ಲೆಂಡ್‌ ಭಾರತದ ಪ್ರವಾಸವನ್ನು ಆರಂಭಿಸಿದಾಗ ಎಲ್ಲರ ಪ್ರಶ್ನೆ ಒಂದೇ, ಇಂಗ್ಲೆಂಡ್‌ ರಣ ತಂತ್ರ ಭಾರತದ ನೆಲದಲ್ಲಿ ವರ್ಕ್‌ಔಟ್‌ ಆಗುತ್ತದಾ.. ಈ ಪ್ರಶ್ನೆ ಹುಟ್ಟಕೊಳ್ಳಲು ಕಾರಣ, ಇತ್ತೀಚಿನ ದಿನಗಳಲ್ಲಿ ಇಂಗ್ಲೆಂಡ್ ತಂಡ ಅಳವಡಿಸಿಕೊಂಡ ತಂತ್ರ. ಟೆಸ್ಟ್‌ ಕ್ರಿಕೆಟ್‌ನಲ್ಲೂ ಆಕ್ರಮಣಕಾರಿ ಆಟದ ಪ್ರದರ್ಶನ ನೀಡಿ ಎದುರಾಳಿ ತಂಡದ ಮೇಲೆ ಒತ್ತಡವನ್ನು ಹೇರುವುದು ಕೋಚ್‌ ಮೆಕಲಂ ಪ್ಲ್ಯಾನ್‌.

ಆರಂಭದಲ್ಲಿ ಈ ತಂತ್ರ ಫಲಿಸಿದಂತೆ ಕಂಡಿತು. ಟೆಸ್ಟ್‌ ಕ್ರಿಕೆಟ್‌ನಲ್ಲೂ ಸಿಮೀತ ಓವರ್‌ಗಳ ರೀತಿ ಬ್ಯಾಟಿಂಗ್ ಮಾಡಿ ರನ್‌ ವೇಗಕ್ಕೆ ಚುರುಕು ಮುಟ್ಟಿಸುವದೇ ತಂಡದ ಮಾಸ್ಟರ್‌ ಪ್ಲ್ಯಾನ್‌. ಆದರೆ ಇವರ ಮಾಸ್ಟರ್‌ ಪ್ಲ್ಯಾನ್‌ಗೆ ರೋಹಿತ್ ಪಡೆ ಸರ್ಜಿಕಲ್‌ ಸ್ಟ್ರೈಕ್ ಮಾಡಿದಂತೆ ಕಾಣುತ್ತಿದೆ. ಇಂಗ್ಲೆಂಡ್ ಅಳವಡಿಸಿಕೊಂಡ ರಣ ತಂತ್ರವನ್ನು ಇಡೀ ಕ್ರಿಕೆಟ್‌ ವಿಶ್ವವೇ ಮೆಚ್ಚಿಕೊಂಡಿತ್ತು. ಈಗಾಗಲೇ ಐದು ಟೆಸ್ಟ್ ಪಂದ್ಯಗಳ ಸರಣಿಯನ್ನು ಸೋತಿರುವ ಇಂಗ್ಲೆಂಡ್ ಸ್ಥಿತಿ, ಧರ್ಮಶಾಲಾದಲ್ಲೂ ಅಷ್ಟೇನು ಚೆನ್ನಾಗಿಲ್ಲ.

ಹೈದರಾಬಾದ್‌ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ 28 ರನ್‌ಗಳಿಂದ ಸೋಲನುಭವಿಸಿತ್ತು. ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ 106 ರನ್‌ಗಳ ಜಯ ಸಾಧಿಸಿತು, ಇದರಲ್ಲಿ ಬುಮ್ರಾ ಮತ್ತು ಸ್ಪಿನ್ ಬೌಲರ್‌ಗಳು ಒಟ್ಟಾಗಿ ಆಂಗ್ಲ ಬ್ಯಾಟ್ಸ್‌ಮನ್‌ಗಳ ಕಾಡಿದರು. ಮೂರನೇ ಪಂದ್ಯದ ನಾಲ್ಕನೇ ಇನ್ನಿಂಗ್ಸ್‌ನಲ್ಲಿ ಇಂಗ್ಲೆಂಡ್ 557 ರನ್‌ಗಳ ಗುರಿಯನ್ನು ಬೆನ್ನಟ್ಟಬೇಕಿತ್ತು. ಆದರೆ ಆಕ್ರಮಣಕಾರಿ ಕ್ರಿಕೆಟ್‌ನಿಂದ ಪ್ರವಾಸಿ ತಂಡವನ್ನು 122 ರನ್‌ಗಳಿಗೆ ಕಟ್ಟಿ ಹಾಕಲಾಯಿತು. ನಾಲ್ಕನೇ ಪಂದ್ಯ ಕೂಡ ಇಂಗ್ಲೆಂಡ್‌ನ ಭವಿಷ್ಯವನ್ನು ಬದಲಾಯಿಸಲು ಸಾಧ್ಯವಾಗಲಿಲ್ಲ ಏಕೆಂದರೆ ಇಲ್ಲಿ ಅವರ ತಂಡವು 5 ವಿಕೆಟ್‌ಗಳಿಂದ ಪಂದ್ಯವನ್ನು ಕಳೆದುಕೊಂಡಿತು ಮತ್ತು ಸರಣಿಯನ್ನು ಸಹ ಕಳೆದುಕೊಂಡಿತು.

ಬೇಸ್ ಬಾಲ್ ತಂಡದ ನಾಯಕ ಬೆನ್ ಸ್ಟೋಕ್ಸ್ ಅವರ ಸ್ವಂತ ಪ್ರದರ್ಶನ ಕಳಪೆ ಎನ್ನಬಹುದು. ಈ ಪ್ರವಾಸದಲ್ಲಿ ಸ್ಟೋಕ್ಸ್ ಕೇವಲ ಒಂದು ಅರ್ಧಶತಕದ ಇನ್ನಿಂಗ್ಸ್‌ಗಳನ್ನು ಆಡಿದ್ದಾರೆ ಮತ್ತು 22 ಕ್ಕಿಂತ ಕಡಿಮೆ ಸರಾಸರಿಯಲ್ಲಿ ಗಳಿಸಿದ್ದಾರೆ. ಜೋ ರೂಟ್ ಅವರನ್ನು ಫ್ಯಾಬ್-4 ರಲ್ಲಿ ಪರಿಗಣಿಸಲಾಗಿದೆ. ಅವತು ನಾಲ್ಕನೇ ಟೆಸ್ಟ್ ಇನ್ನಿಂಗ್ಸ್‌ನಲ್ಲಿ ಶತಕವನ್ನು ಗಳಿಸುವುದನ್ನು ಹೊರತುಪಡಿಸಿ, ಅವರು ಇಡೀ ಸರಣಿಯಲ್ಲಿ ಸ್ಥಿರ ಪ್ರದರ್ಶನ ನೀಡಲು ಸಾಧ್ಯವಾಗಲಿಲ್ಲ.

ಈ ಸರಣಿಯಲ್ಲಿ ತನ್ನ 100 ನೇ ಪಂದ್ಯವನ್ನು ಆಡಿದ ಜಾನಿ ಬೈರ್‌ಸ್ಟೋವ್ ಅವರು ಅಂಕಿಅಂಶಗಳು ಹೇಳಿಕೊಳ್ಳುವಂತಿಲ್ಲ. ಏಕೆಂದರೆ ಈ ಸರಣಿಯಲ್ಲಿ ಅವರು ಕೇವಲ 22 ರ ಸರಾಸರಿಯಲ್ಲಿ ರನ್ ಗಳಿಸಿದ್ದಾರೆ. ಇಂಗ್ಲೆಂಡ್‌ನ ಬೇಸ್‌ಬಾಲ್ ಇಲ್ಲಿ ನಡೆಯುವುದಿಲ್ಲ ಎಂದು ಭಾರತ ತೋರಿಸಿಕೊಟ್ಟಿದ್ದು, ಸರಣಿಯಲ್ಲಿ ಈ ಹೀನಾಯ ಸೋಲು ಅನುಭವಿಸಿದ ನಂತರ ಇಂಗ್ಲೆಂಡ್ ತಂಡ ತನ್ನ ಆಟದ ಶೈಲಿಯ ಬಗ್ಗೆ ಯೋಚಿಸಬೇಕಾಗಿದೆ.