ಕೊಹ್ಲಿಗೆ ಕುಹಕವಾಡಿದ ಇಸಿಬಿಗೆ ಕ್ರಿಕೆಟ್ ಪ್ರೇಮಿಗಳಿಂದ ಕಪಾಳ ಮೋಕ್ಷ!

ಕೊಹ್ಲಿ ಬೌಲ್ಡ್ ಆಗಿದ್ದ ವಿಡಿಯೋ

ಇಂಗ್ಲೆಂಡ್ ಮತ್ತು ಭಾರತ ನಡುವಣ ಏಕದಿನ ಪಂದ್ಯವೊಂದರ ವೇಳೆ ಕೊಹ್ಲಿ, ಆಂಗ್ಲ ಲೆಗ್ ಸ್ಪಿನ್ನರ್ ರಶೀದ್ ಖಾನ್ ಎಸೆತಕ್ಕೆ ಬೌಲ್ಡ್ ಆಗಿದ್ದರು. ರಶೀದ್ ಎಸೆತವನ್ನು ಗುರುತಿಸಲಾಗದ ಕೊಹ್ಲಿ ಅಚಾನಕ್ ಔಟಾಗಿದ್ದಕ್ಕಾಗಿ ಬೆರಗು ತೋರಿಕೊಂಡಿದ್ದರು. ಆ ಪಂದ್ಯದ ವೇಳೆಯ ವಿಡಿಯೋವನ್ನು ಇಸಿಬಿ ಈಗ ಹಾಕಿಕೊಂಡಿದೆ.

ಬ್ರಾಡ್ ಬರ್ತ್‌ಡೇಗೆ ಹೀಗ್ಮಾಡಿ

ಇಸಿಬಿ ಹುಚ್ಚಾಟಿಕೆಗೆ ಬಹಳಷ್ಟು ಮಂದಿ ಕ್ರಿಕೆಟ್ ಅಭಿಮಾನಿಗಳು ಕಾಮೆಂಟ್ಸ್‌ ಮೂಲಕ ತಿರುಗೇಟು ನೀಡಿದ್ದಾರೆ. ಒಬ್ಬಾತ, ಸ್ಟುವರ್ಟ್ ಬ್ರಾಡ್ ಬರ್ತ್ ಡೇ ದಿನ ಯುವರಾಜ್ ಸಿಂಗ್ ಸಿಕ್ಸ್ ಚಚ್ಚಿರುವ ವಿಡಿಯೋ ಹಾಕಿ ಆ ಮೂಲಕ ಬ್ರಾಡ್ ಬರ್ತ್‌ ಡೇ ಸೆಲೆಬ್ರೇಟ್ ಮಾಡಿ ಅಂತ ಇಸಿಬಿಗೆ ತಿವಿದಿದ್ದಾರೆ. ಇಂಥ ಅನೇಕ ಕಾಮೆಂಟ್ಸ್‌ಗಳು ಪೋಸ್ಟ್‌ ಕೆಳಗೆ ಕಾಣಸಿಕೊಂಡಿದ್ದವು.

ವಿರಾಟ್ ಕೊಹ್ಲಿ ಸಾಧನೆ

ಕ್ರಿಕೆಟ್‌ನಲ್ಲಿ ದಾಖಲೆಗಳ ದಾಖಲೆ ಬರೆಯುತ್ತಿರುವ, ಏಕದಿನ ವಿಶ್ವ ನಂ.1 ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ, 86 ಟೆಸ್ಟ್ ಪಂದ್ಯಗಳಲ್ಲಿ 7240 ರನ್, 27 ಶತಕ, 7 ದ್ವಿಶತಕ, 248 ಏಕದಿನ ಪಂದ್ಯಗಳಲ್ಲಿ 11867 ರನ್, 43 ಶತಕ, 81 ಟಿ20ಐ ಪಂದ್ಯಗಳಲ್ಲಿ 2794 ರನ್, 24 ಅರ್ಧ ಶತಕಗಳ ದಾಖಲೆ ಹೊಂದಿದ್ದಾರೆ.

ಕೀಟಲೆಯ ಇಮೋಜಿ

ಕೊಹ್ಲಿಯ ಬರ್ತ್‌ಡೇಯಂದು ಅವರು ಔಟ್ ಆಗಿರುವ ವಿಡಿಯೋ ಹಾಕಿಕೊಂಡಿರುವ ಇಸಿಬಿ, 'ಕೊಹ್ಲಿಗೆ ಹುಟ್ಟುಹಬ್ಬದ ಶುಭಾಶಯಗಳು' ಎಂದು ಬರೆದಿದೆಯಲ್ಲದೆ ಜೊತೆಗೆ ಕೀಟಲೆಯ ಇಮೋಜಿಯನ್ನೂ ಸೇರಿಸಿಕೊಂಡಿದೆ.