ಸಾಮಾನ್ಯ ಸ್ಥಿತಿಯತ್ತ ಕ್ರೀಡಾಲೋಕ
ಹಾಗಂತ ಕೊರೊನಾ ಕಾಟದ ಮಧ್ಯೆಯೂ ಒಂದಿಷ್ಟು ಕ್ರೀಡಾಕೂಟಗಳು ನಡೆದಿವೆ. ವಿದೇಶಗಳಲ್ಲಿ ಫುಟ್ಬಾಲ್ ಲೀಗ್ಗಳು ಮೊದಲು ಆರಂಭಗೊಂಡವು. ಆ ಬಳಿಕ ಕ್ರಿಕೆಟ್ ಪ್ರವಾಸ ಸರಣಿಗಳು, ಐಪಿಎಲ್ ಟೂರ್ನಿ ಕ್ರೀಡಾ ಪ್ರೇಮಿಗಳನ್ನು ರಂಜಿಸಿದ್ದವು. ಈಗ ಮತ್ತೆ ಕ್ರೀಡಾಕೂಟಗಳು ಸಾಮಾನ್ಯ ಸ್ಥಿತಿಯತ್ತ ಮುಖ ಮಾಡಿವೆ. ಹೀಗಾಗಿ ಕ್ರೀಡಾ ಸಂಗತಿಗಳ ಭರಾಟೆ ಸಾಮಾಜಿಕ ಜಾಲತಾಣಗಳಲ್ಲಿ ಜೋರಾಗಿಯೇ ಇದೆ.
ಹೆಚ್ಚು ಬಳಕೆಯಾದ ಹ್ಯಾಷ್ಟ್ಯಾಗ್ಗಳು
ಹಾಗಾದರೆ 2020ರಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಓಡಾಡಿದ ಸ್ಪೋರ್ಟ್ಸ್ ಹ್ಯಾಷ್ ಟ್ಯಾಗ್ಗಳು ಯಾವುವು ಗೊತ್ತ? #IPL2020 #WhistlePodu ಮತ್ತು #TeamIndia. ಈ ಟ್ಯಾಗ್ಗಳಲ್ಲಿ #IPL2020 ಮುಂಚೂಣಿಯಲ್ಲಿದೆ. ಇನ್ನುಳಿದವು ಅನಂತರದ ಸ್ಥಾನಗಳಲ್ಲಿವೆ. ಟ್ವಿಟರ್ ಇಂಡಿಯಾ ಈ ಮಾಹಿತಿ ನೀಡಿದೆ. ಕ್ರಿಕೆಟ್ ಸಂಬಂಧಿ ಹ್ಯಾಷ್ ಟ್ಯಾಗ್ಗಳೇ ಹೆಚ್ಚು ಟ್ರೆಂಡ್ ಆಗಿವೆ ಅನ್ನೋದು ವಿಶೇಷ.
ಹೆಚ್ಚು ಬಳಕೆಯಾಗಿದ್ದು ಯಾಕೆ
ಹೆಚ್ಚು ಬಳಕೆಯಾದ ಹ್ಯಾಷ್ ಟ್ಯಾಗ್ಗಳಲ್ಲಿ ಐಪಿಎಲ್ ಮೊದಲ ಸ್ಥಾನದಲ್ಲಿದೆ ಯಾಕೆಂದರೆ ಕೊರೊನಾ ಕಾರಣ ಐಪಿಎಲ್ ಅನ್ನು ಯುನೈಟೆಡ್ ಅರಬ್ ಎಮಿರೇಟ್ಸ್ನಲ್ಲಿ ನಡೆಸಲಾಗಿತ್ತು. ಯುಎಇಯಲ್ಲಿ ಸಂಪೂರ್ಣವಾಗಿ ಐಪಿಎಲ್ ಟೂರ್ನಿ ನಡೆಸಿದ್ದು ಇದೇ ಮೊದಲು. ಅಲ್ಲದೆ, ಕೊರೊನಾದಿಂದಾಗಿ ಕ್ರಿಕೆಟ್, ಕ್ರೀಡಾಸ್ಪರ್ಧೆಗಳು ಇಲ್ಲದೆ ಬೇಜಾರಾಗಿದ್ದ ಕ್ರೀಡಾಪ್ರೇಮಿಗಳು ಐಪಿಎಲ್ ಪಂದ್ಯಗಳತ್ತ ಹೆಚ್ಚು ಮುಖಮಾಡಿದ್ದರು. ಇನ್ನು ಧೋನಿ ನಾಯಕತ್ವದ ಸಿಎಸ್ಕೆಯ 'ವಿಶಿಲ್ ಪೋಡು' ಮೊದಲಿನಿಂದಲೂ ಹೆಚ್ಚು ಟ್ರೆಂಡ್ ಆಗುತ್ತಿತ್ತು. 'ಟೀಮ್ ಇಂಡಿಯಾ' ಕೂಡ ಯಾವತ್ತಿಗೂ ಟ್ರೆಂಡಿಂಗ್ ಹ್ಯಾಷ್ಟ್ಯಾಗ್.