ಫೋರ್ಬ್ಸ್ ಸೆಲೆಬ್ರಿಟಿ ಪಟ್ಟಿ: ಕೊಹ್ಲಿ ದ್ವಿತೀಯ, ಹಾರ್ದಿಕ್‌ಗೆ ಗಮನಾರ್ಹ ಸ್ಥಾನ!

ವಿರಾಟ್ ಕೊಹ್ಲಿ

ಭಾರತೀಯ ಸೆಲೆಬ್ರಿಟಿಗಳ ಫೋರ್ಬ್ಸ್ ಪಟ್ಟಿಯಲ್ಲಿ ಸಲ್ಮಾನ್ ಖಾನ್ ಬೆನ್ನಲ್ಲೇ ಸ್ಥಾನ ಗಿಟ್ಟಿಸಿಕೊಂಡಿರುವ ವಿರಾಟ್ ಈ ವರ್ಷ ಸುಮಾರು 228.09 ಕೋ.ರೂ. ಆದಾಯ ಗಳಿಸಿದ್ದಾರೆ. 2017ನೇ ಸಾಲಿಗೆ ಹೋಲಿಸಿದರೆ ಈ ಗಳಿಕೆ ಸುಮಾರು ಶೇ. 116.53ರಷ್ಟು ಹೆಚ್ಚಿದೆ. ಹೀಗಾಗಿ ಕೊಹ್ಲಿ ಅಗ್ರ ಎರಡನೇ ಸ್ಥಾನಕ್ಕೆ ಜಿಗಿದಿದ್ದಾರೆ.

ಸಲ್ಮಾನ್ ಖಾನ್

ಭಾರತೀಯ ಸೆಲೆಬ್ರಿಟಿಗಳ ಸಾಲಿನಲ್ಲಿ ಸಲ್ಲು ಭಾಯಿ ಈ ಬಾರಿಯೂ ಅಗ್ರಸ್ಥಾನ ಅಲಂಕರಿಸಿದ್ದಾರೆ. ಈ ಬಾರಿ ಸಲ್ಮಾನ್ 253.25 ಕೋ.ರೂ ಆದಾಯ ಗಳಿಸಿದ್ದಾರೆ. ಇದು ಮೂರನೇ ಬಾರಿ ಸಲ್ಲುಗೆ ಲಭಿಸುತ್ತಿರುವ ಅಗ್ರಸ್ಥಾನ.

ಪಾದಾರ್ಪಣೆ ಆಟಗಾರರು

ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದ ಆಟಗಾರರಲ್ಲಿ ಜಸ್‌ಪ್ರೀತ್ ಬೂಮ್ರಾ ಮತ್ತು ಮನೀಶ್ ಪಾಂಡೆ ಇದೇ ಮೊದಲ ಬಾರಿಗೆ ಫೋರ್ಬ್ಸ್ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. ಭಾರತೀಯ ಅಗ್ರ 100 ಸೆಲೆಬ್ರಿಟಿಗಳ ಸಾಲಿನಲ್ಲಿ ಬೂಮ್ರಾ 60ನೇ ಸ್ಥಾನದಲ್ಲಿದ್ದರೆ, ಪಾಂಡೆ 77ನೇ ಸ್ಥಾನ ಪಡೆದುಕೊಂಡಿದ್ದಾರೆ.

ಹಾರ್ದಿಕ್ ಮೊದಲಿಗ

ಗಾಯದ ಕಾರಣ ಮುಂಬರಲಿರುವ ಆಸೀಸ್ ಪ್ರವಾಸದಿಂದ ದೂರ ಉಳಿದಿರುವ ಹಾರ್ದಿಕ್ ಪಾಂಡ್ಯ, ಕ್ರೀಡಾಪಟುಗಳ ಸಾಲಿನಲ್ಲಿ ಅಧಿಕ ಲಾಭಾಂಶ ಪಡೆದವರಲ್ಲಿ ಮೊದಲಿಗರಾಗಿ ಗುರುತಿಸಿಕೊಂಡಿದ್ದಾರೆ. ವೇಗಿ ಭುವನೇಶ್ವರ್ ಕುಮಾರ್, ಕೆಎಲ್ ರಾಹುಲ್ ಕೂಡ ಈ ಯಾದಿಯಲ್ಲಿ ಗಮನ ಸೆಳೆದಿದ್ದಾರೆ.