ಕೊಹ್ಲಿ ಸಂಬಳದ ಮೇಲೆ ಕುಂಬ್ಳೆ ಕಣ್ಣು ಹಾಕಿದ್ರಾ?

ಕುಂಬ್ಳೆ ಶಿಫಾರಸು

* ದೇಶಿ ಕ್ರಿಕೆಟ್, ಟೀಂ ಇಂಡಿಯಾದ ಆಟಗಾರರ ಗುತ್ತಿಗೆ ಕುರಿತಂತೆ ಕುಂಬ್ಳೆ ಅವರು 19 ಪುಟಗಳ ವರದಿ ನೀಡಿದ್ದರು ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
* ಆಟಗಾರರ ಫಿಟ್ನೆಸ್ ಆಧಾರದ ಮೇಲೆ ಕೇಂದ್ರ ಗುತ್ತಿಗೆಯಂತೆ ಶೇ 20ರಷ್ಟು ಮೊತ್ತವನ್ನು ಫಿಟ್ನೆಸ್ ಗುಣಮಟ್ಟ ನೋಡಿಕೊಂಡು ವೇರಿಯಬಲ್ ಪೇ(ಕಾರ್ಯಕ್ಷಮತೆಗೆ ತಕ್ಕಂತೆ ಮೊತ್ತ) ನೀಡಬೇಕು ಎಂದು ಕುಂಭ್ಳೆ ಹೇಳಿದ್ದಾರೆ.

ಐಪಿಎಲ್ ಸಂದರ್ಭದಲ್ಲಿ ಸಭೆ

* ಐಪಿಎಲ್ ವೇಳೆ ಮೇ21ರಂದು ಕ್ರಿಕೆಟ್ ನಿರ್ವಹಣ ಮಂಡಳಿಗೆ ನೀಡಿದ ಪತ್ರದಲ್ಲಿ ವಿಸ್ತಾರವಾಗಿ ಎಲ್ಲವನ್ನು ಕುಂಬ್ಳೆ ವಿವರಿಸಿದ್ದಾರೆ. ಆಟಗಾರರ ಸಂಬಳ, ಗುತ್ತಿಗೆ ಪುನರ್ ರಚನೆ ಎಂಬ ಶೀರ್ಷಿಕೆ ಅಡಿಯಲ್ಲರುವ ಈ ಬೇಡಿಕೆಗಳು ಮುಂದಾಲೋಚನೆಯಿಂದ ಇಂಜಿನಿಯರ್ ರೊಬ್ಬ ಹಾಕಿಕೊಟ್ಟ ನೀಲನಕ್ಷೆಯಂತೆ ತೋರುತ್ತದೆ.
* ಈ ವರದಿಯ 12ನೇ ಪುಟದಲ್ಲಿ ಟೀಂನ ಸಹಾಯಕ ಸಿಬ್ಬಂದಿಯ ವೇತನ ಪರಿಷ್ಕರಣೆ ಬಗ್ಗೆ ಬರೆದಿದ್ದಾರೆ.

ಇದು ಕೊಹ್ಲಿಗೆ ಅಪಥ್ಯವಾಗಿದೆ.

* ನಾಯಕನಿಗೆ ಸಿಗುವ ಸಂಬಳದ ಶೇ 60ರಷ್ಟು, ಈಗಿನ ಲೆಕ್ಕದಂತೆ 6.5 ಕೋಟಿ ರು ನಿಂದ 7.5 ಕೋಟಿ ರುಗೆ ಏರಿಕೆ ಯಾಗಬೇಕು. ಶೇ 30ರಷ್ಟು ಸಂಬಳ, ತಂಡದ ಫಲಿತಾಂಶದ ಮೇಲೆ ವೇರಿಯಬಲ್ ಬೋನಸ್ ಸಿಗಬೇಕು. ಎಂದಿದ್ದಾರೆ. ಈ ಮೂಲಕ ನಾಯಕ ಕೂಡಾ ಉತ್ತಮ ಫಲಿತಾಂಶ ನೀಡಿದರೆ ಮಾತ್ರ ಬೋನಸ್ ಗೆ ಅರ್ಹ ಎಂದು ಪ್ರತಿಪಾದಿಸಿದ್ದಾರೆ. ಇದು ಕೊಹ್ಲಿಗೆ ಅಪಥ್ಯವಾಗಿದೆ.

ಎರಡು ಹುದ್ದೆ ಬಗ್ಗೆ

ಟೀಂ ಇಂಡಿಯಾದ ಗುತ್ತಿಗೆಯಲ್ಲಿರುವ ಕೋಚ್ ಗಳು ಐಪಿಎಲ್ ನಲ್ಲಿ ಕೋಚ್ ಆಗಿದ್ದರೆ ತಪ್ಪೇನಿಲ್ಲ. ಐಪಿಎಲ್ ನಲ್ಲಿ ಆಡಲು ಆಟಗಾರರಿಗೆ ಗುತ್ತಿಗೆಯಿಂದ 2 ತಿಂಗಳು ವಿನಾಯಿತಿ ಸಿಗುವುದಾದ್ರೆ ಕೋಚ್ ಗಳಿಗೂ ಸಿಗಲಿ ಎಂದಿದ್ದಾರೆ. ಇದರ ಜತೆಗೆ ಕಂಪನಿಗಳಲ್ಲಿ ಇರುವಂತೆ ಭವಿಷ್ಯ ನಿಧಿ, ಗ್ರ್ಯಾಚುಟಿ ಮಾದರಿ ವ್ಯವಸ್ಥೆ ಕಲ್ಪಿಸಿ ಆಟಗಾರರಿಗೆ ನಿವೃತ್ತಿ ಬದುಕು ಹಸನುಗೊಳಿಸಲು ಕುಂಬ್ಳೆ ಯೋಜನೆ ಹಾಕಿಕೊಂಡಿದರು. ಸಂಜಯ್ ಬಂಗಾರ್ ಸಂಬಳ 1 ಕೋಟಿ ರು ನಿಂದ 2.25 ಕೋಟಿ ರುಹಾಗೂ ಆರ್ ಶ್ರೀಧರ್ ಗೆ 1.75 ಕೋಟಿ ಸಿಗಬೇಕು. ಎಂದಿದ್ದರು.