Jasprit Bumrah:'ಬುಮ್ರಾ ಭಾರತದ ರೊನಾಲ್ಡೋ'; ಮಾಜಿ ಕ್ರಿಕೆಟಿಗ ಹೇಳಿಕೆ

ಐಸಿಸಿ 2025ರ ಚಾಂಪಿಯನ್ಸ್ ಟ್ರೋಫಿಗೆ ತಂಡ ಬದಲಾವಣೆಗೆ ಕೊನೆಯ ದಿನಾಂಕ ಹತ್ತಿರ ಬಂದಿದೆ. ಆದರೆ, ಟೀಮ್ ಇಂಡಿಯಾದ ಸ್ಟಾರ್ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಅವರ ಫಿಟ್ನೆಸ್ ಬಗ್ಗೆ ಇನ್ನೂ ಯಾವುದೇ ಅಪ್ಡೇಟ್ ಹೊರ ಬಂದಿಲ್ಲ. ಆಸ್ಟ್ರೇಲಿಯಾ ವಿರುದ್ಧದ ಬಾರ್ಡರ್-ಗವಾಸ್ಕರ್ ಟ್ರೋಫಿ ಸರಣಿಯ ಕೊನೆಯ ಟೆಸ್ಟ್ ಪಂದ್ಯದಲ್ಲಿ ಬುಮ್ರಾ ಗಾಯಗೊಂಡಿದ್ದರು. ಇದರಿಂದಾಗಿ ಅವರನ್ನು ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಿಂದಲೂ ಹೊರಗಿಡಲಾಯಿತು.

ಚಾಂಪಿಯನ್ಸ್ ಟ್ರೋಫಿ ಆರಂಭಕ್ಕೆ ಸುಮಾರು ಒಂದು ವಾರ ಬಾಕಿ ಇದೆ. ಆದರೆ ಜಸ್ಪ್ರೀತ್ ಬುಮ್ರಾ ಗಾಯದ ಬಗ್ಗೆ ಇನ್ನೂ ಸರಿಯಾದ ಮಾಹಿತಿ ಸಿಕ್ಕಿಲ್ಲ. ಇದರ ನಡುವೆ ಜಸ್ಪ್ರಿತ್ ಬುಮ್ರಾ ಅವರನ್ನು ಕ್ರಿಸ್ಟಿಯಾನೊ ರೊನಾಲ್ಡೊಗೆ ಇಂಗ್ಲೆಂಡ್‌ ತಂಡದ ಮಾಜಿ ವೇಗಿ ಸ್ಟೀವ್ ಹಾರ್ಮಿಸನ್ ಹೋಲಿಸಿದ್ದಾರೆ. ಜೊತೆಗೆ ಟೀಮ್ ಇಂಡಿಯಾ ಮ್ಯಾನೇಜ್ಮೆಂಟ್‌ಗೆ ಸಲಹೆ ನೀಡಿದ್ದಾರೆ.

ಗಾಯದ ಕಾರಣದಿಂದಾಗಿ ಬುಮ್ರಾ ಮುಂಬರುವ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಿಂದ ಹೊರಗುಳಿದರೆ, ಅದು ರೊನಾಲ್ಡೊ ಇಲ್ಲದ ಫಿಫಾ ವಿಶ್ವಕಪ್‌ನಂತೆ ಇರುತ್ತದೆ ಎಂದು ಹಾರ್ಮಿಸನ್ ಹೇಳಿದ್ದಾರೆ. ಪ್ರಸ್ತುತ ಬುಮ್ರಾ ಎನ್‌ಸಿಎಯಲ್ಲಿದ್ದಾರೆ. ಬಿಸಿಸಿಐ ಚಾಂಪಿಯನ್ಸ್ ಟ್ರೋಫಿಗೆ ಬದಲಾವಣೆಗಳನ್ನು ಕೆಲವೇ ಗಂಟೆಗಳಲ್ಲಿ ಪ್ರಕಟಿಸಬಹುದು. ನಾಕೌಟ್ ಸುತ್ತಿಗೆ ಮರಳುವ ಭರವಸೆಯಲ್ಲಿ ಭಾರತ ತಂಡವು ಅವರನ್ನು ಕೊನೆಯ ಸಂಭವನೀಯ ಕ್ಷಣದವರೆಗೂ ತಂಡದಲ್ಲಿಯೇ ಇಟ್ಟುಕೊಳ್ಳಬೇಕೆಂದು ಹಾರ್ಮಿಸನ್ ಸಲಹೆ ನೀಡಿದ್ದಾರೆ.

ಹಾರ್ಮಿಸನ್ ಹೇಳಿದ್ದೇನು?

ಸಂದರ್ಶನವೊಂದರಲ್ಲಿ ಮಾತನಾಡಿದ ಹಾರ್ಮಿಸನ್, ನೀವು ಜಸ್ಪ್ರೀತ್ ಬುಮ್ರಾ ಅವರನ್ನು ಎಂದಿಗೂ ಬದಲಾಯಿಸಲು ಸಾಧ್ಯವಿಲ್ಲ. ಅವರು ಜಸ್ಪ್ರೀತ್ ಬುಮ್ರಾ ಆಗಿರುವುದರಿಂದ ನಾನು ಫೈನಲ್‌ನ ಬೆಳಿಗ್ಗೆಯವರೆಗೂ ಅವರನ್ನು ಅಷ್ಟು ದೂರ ಕೊಂಡೊಯ್ಯಬಲ್ಲೆ. ಅವರು ಜಗತ್ತಿನಲ್ಲೇ ಅತ್ಯುತ್ತಮ ಬೌಲರ್. ಭಾರತ ತಂಡದ ದೃಷ್ಟಿಕೋನದಿಂದ ನಾನು ನಂಬುವುದು ಇದನ್ನೇ. ಇದು ನಿಮ್ಮ ಅತ್ಯುತ್ತಮ ಸ್ಟ್ರೈಕರ್ ಕ್ರಿಸ್ಟಿಯಾನೊ ರೊನಾಲ್ಡೊ ಇಲ್ಲದೆ ಫುಟ್ಬಾಲ್ ವಿಶ್ವಕಪ್‌ಗೆ ಹೋದಂತೆ ಎಂದು ಹಾರ್ಮಿಸನ್ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.

ಹದಿನೈದು ವರ್ಷಗಳ ಹಿಂದೆ ರೊನಾಲ್ಡೊ ಅವರನ್ನು ಬದಲಾಯಿಸಬೇಕಾದ ಅನಿರ್ವಾಯ ಎದುರಾಯಿತು, ಆದರೆ ಅವರನ್ನು ಬದಲಾಯಿಸಲಿಲ್ಲ. ಭಾರತ ಬುಮ್ರಾ ವಿಷಯದಲ್ಲೂ ಅದೇ ರೀತಿ ಮಾಡುತ್ತದೆ ಎಂದು ನಾನು ಭಾವಿಸುತ್ತೇನೆ. ಇದು 14 ಸದಸ್ಯರ ತಂಡ. ಗುಂಪು ಪಂದ್ಯಗಳಿಗೆ ಹೋಗಲು ಇದು ನನಗೆ ಸಾಕು. ನಾವು ಬುಮ್ರಾ ಅವರನ್ನು ಸೆಮಿಫೈನಲ್‌ಗೂ ಮುನ್ನವೇ ಹೊರಹಾಕಬಹುದು. ಸೆಮಿಫೈನಲ್‌ಗಿಂತಲೂ ಹೆಚ್ಚು. ಅವನು ಫಿಟ್ ಆಗಿಲ್ಲದಿದ್ದರೆ ನಾವು ಅವನನ್ನು ಬದಲಾಯಿಸುತ್ತೇವೆ. ಇದರಿಂದ ನಮಗೆ ಬೇರೆ ಯಾವುದೇ ಗಾಯವಾಗಿದ್ದರೆ ನಾವು ಅವನನ್ನು ಬದಲಾಯಿಸಬಹುದು. ಆದರೆ ಅವರು ಜಸ್ಪ್ರೀತ್ ಬುಮ್ರಾ ತಂಡದಲ್ಲಿರಬೇಕು ಎಂದಿದ್ದಾರೆ.

ಚಾಂಪಿಯನ್ಸ್ ಟ್ರೋಫಿಯ ದೃಷ್ಟಿಯಿಂದ ಇಂದು ಟೀಮ್ ಇಂಡಿಯಾ ಮತ್ತು ಭಾರತೀಯ ಕ್ರಿಕೆಟ್ ಅಭಿಮಾನಿಗಳಿಗೆ ಬಹಳ ಮುಖ್ಯವಾದ ದಿನವಾಗಿದೆ. ಫೆಬ್ರವರಿ 11, ಮಂಗಳವಾರ, ಇಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಜಸ್ಪ್ರೀತ್ ಬುಮ್ರಾ ಬಗ್ಗೆ ದೊಡ್ಡ ನಿರ್ಧಾರ ತೆಗೆದುಕೊಳ್ಳಬೇಕಾಗಿದೆ. ಉತ್ತಮ ಫಾರ್ಮ್‌ನಲ್ಲಿರುವ ಬುಮ್ರಾ ಮುಂಬರುವ ಐಸಿಸಿ ಮೆಗಾ ಟೂರ್ನಿಯಲ್ಲಿ ಆಡುತ್ತಾರೋ? ಅಥವಾ ಇಲ್ಲವೋ? ಎಂಬುದು ಹೊರ ಬೀಳಲಿದೆ?