'ಮೈಸೂರು ಎಕ್ಸ್‌ಪ್ರೆಸ್' ಜಾವಗಲ್ ಶ್ರೀನಾಥ್‌ರ ಬೆಸ್ಟ್ ವಿಕೆಟ್ ಸಾಧನೆಗಳು

13 ವಿಕೆಟ್‌ಗಳು

ಭಾರತದ ಬದ್ಧ ಎದುರಾಳಿ ಪಾಕಿಸ್ತಾನ ವಿರುದ್ಧ ಟೆಸ್ಟ್ ಒಂದರಲ್ಲಿ ಜಾವಗಲ್ ಶ್ರೀನಾಥ್‌ ಭರ್ಜರಿ 13 ವಿಕೆಟ್ ಕೆಡವಿದ್ದರು. ಈ ಪಂದ್ಯ 1999ರಂದು ಕೋಲ್ಕತ್ತಾದಲ್ಲಿ ನಡೆದಿತ್ತು. ಆಗ ಪಾಕ್ ಮೊದಲ ಇನ್ನಿಂಗ್ಸ್‌ನಲ್ಲಿ 46ಕ್ಕೆ 5, ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 86 ರನ್‌ಗೆ 8 ವಿಕೆಟ್ ಪಡೆದಿದ್ದರು. ಆದರೂ ಈ ಪಂದ್ಯವನ್ನು ಭಾರತ 46 ರನ್‌ಗಳಿಂದ ಸೋತಿತ್ತು.

21ಕ್ಕೆ 6 ವಿಕೆಟ್‌ಗಳು

1996ರಲ್ಲಿ ಭಾರತಕ್ಕೆ ಪ್ರವಾಸ ಕೈಗೊಂಡಿದ್ದ ದಕ್ಷಿಣ ಆಫ್ರಿಕಾ ತಂಡ, ಅಹ್ಮದಾಬಾದ್‌ನಲ್ಲಿ ಮೊದಲ ಟೆಸ್ಟ್ ಪಂದ್ಯವನ್ನಾಡಿತ್ತು. ಈ ಪಂದ್ಯದಲ್ಲಿ ಆಫ್ರಿಕಾ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಶ್ರೀನಾಥ್ 21 ರನ್‌ಗೆ 6 ವಿಕೆಟ್ ಪಡೆದಿದ್ದರು. ಆಫ್ರಿಕಾ ಮೊದಲ ಇನ್ನಿಂಗ್ಸ್‌ನಲ್ಲೂ ಶ್ರೀನಾಥ್‌ಗೆ 2 ವಿಕೆಟ್‌ಗಳು ಲಭಿಸಿದ್ದವು. ಭಾರತ 64 ರನ್‌ಗಳಿಂದ ಪಂದ್ಯ ಗೆದ್ದಿತ್ತು.

ಅದ್ಭುತ ಬೌಲಿಂಗ್

ಶ್ರೀಲಂಕಾ ವಿರುದ್ಧ ಏಕದಿನ ಪಂದ್ಯವೊಂದರಲ್ಲಿ 24 ರನ್‌ಗೆ 5 ವಿಕೆಟ್‌ ಸಾಧನೆ ಜಾವಗಲ್ ಶ್ರೀನಾಥ್ ಹೆಸರಿನಲ್ಲಿದೆ. 1993ರಲ್ಲಿ ಕಾನ್ಪುರದಲ್ಲಿ ನಡೆದಿದ್ದ ಈ ಮೊದಲ ಏಕದಿನ ಪಂದ್ಯದಲ್ಲಿ ಮೈಸೂರು ಎಕ್ಸ್‌ಪ್ರೆಸ್ ಅದ್ಭುತ ಬೌಲಿಂಗ್ ಪ್ರದರ್ಶಿಸಿದ್ದರು. ಈ ಪಂದ್ಯ 7 ವಿಕೆಟ್‌ಗಳಿಂದ ಭಾರತದ ವಶವಾಗಿತ್ತು.

23ಕ್ಕೆ 4 ವಿಕೆಟ್‌ಗಳು

2002ರಲ್ಲಿ ಆಕ್ಲೆಂಡ್‌ ನಲ್ಲಿ ನಡೆದಿದ್ದ ಮೊದಲ ಏಕದಿನ ಪಂದ್ಯವಿದು. ನ್ಯೂಜಿಲೆಂಡ್ ವಿರುದ್ಧದ ಈ ಪಂದ್ಯದಲ್ಲಿ ಜಾವಗಲ್ ಶ್ರೀನಾಥ್ 23 ರನ್‌ ನೀಡಿ 4 ವಿಕೆಟ್ ಉರುಳಿಸಿದ್ದರು. ಆದರೆ ಬ್ಯಾಟಿಂಗ್‌ ವಿಭಾಗದ ವೈಫಲ್ಯದಿಂದಾಗಿ ಭಾರತ ಈ ಪಂದ್ಯವನ್ನು 3 ವಿಕೆಟ್‌ಗಳಿಂದ ಕಳೆದುಕೊಂಡಿತ್ತು.