ಗಾಯದಿಂದ ಸಂಪೂರ್ಣ ಚೇತರಿಕೆ
ಗಾಯದಿಂದ ಚೇತರಿಸಿಕೊಂಡು, ಮತ್ತೆ ಆಟ ಪುನರಾರಂಭಿಸಲು ತಯಾರಾಗಿರುವ ಹಾರ್ದಿಕ್, ತಮ್ಮ ಇತ್ತೀಚಿನ ಫೋಟೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. 'ಮೂರು ತಿಂಗಳಲ್ಲಿ 68 kgಯಿಂದ 75 kgಗೆ ತೂಕ ಹೆಚ್ಚಿಸಿಕೊಂಡಿದ್ದೇನೆ. ಇದು ಅವಿರತ ಪ್ರಯತ್ನದಿಂದ ಆಗಿದ್ದೇ ಹೊರತು ಅಡ್ಡದಾರಿಯಿಂದಲ್ಲ,' ಎಂದು ಜೊತೆಗೊಂದು ಸಾಲನ್ನೂ ಬರೆದುಕೊಂಡಿದ್ದಾರೆ.
5 ತಿಂಗಳು ಕ್ರಿಕೆಟ್ನಿಂದ ದೂರ
ಬೆನ್ನು ನೋವಿನಿಂದಾಗಿ ಸುಮಾರು 5 ತಿಂಗಳ ಕಾಲ ಕ್ರಿಕೆಟ್ನಿಂದ ದೂರ ಉಳಿಸಿದ್ದ 26ರ ಹರೆಯದ ಹಾರ್ದಿಕ್ ಪಾಂಡ್ಯ ದೇಹದ ತೂಕದಲ್ಲಿ ಇಳಿಕೆಯಾಗಿತ್ತು. ಈಗ ತೂಕವನ್ನು ಹೆಚ್ಚಿಸಿರುವುದಾಗಿ ತಿಳಿಸಲು ಪಾಂಡ್ಯ ತನ್ನ ಫೋಟೋ ಶೇರ್ ಮಾಡಿಕೊಂಡಿದ್ದಾರೆ(ಇನ್ಸ್ಟಾದಲ್ಲಿ ಹಾರ್ದಿಕ್ ಹಂಚಿಕೊಂಡಿರು ಫೋಟೋ).
|
ರಿಲಯನ್ಸ್ 1 ಪರ ಸ್ಫೋಟಕ ಬ್ಯಾಟಿಂಗ್
ದೀರ್ಘ ಸಮಯದ ಬಳಿಕ ಡಿವೈ ಪಾಟಿಲ್ ಟಿ20 ಕಪ್ ಟೂರ್ನಿಯಲ್ಲಿ ರಿಲಯನ್ಸ್ 1 ಪರ ಮೈದಾನಕ್ಕಿಳಿದಿದ್ದ ಹಾರ್ದಿಕ್, 39 ಎಸೆತಗಳಿಗೆ 105 ರನ್ ಸಿಡಿಸಿ ಗಮನ ಸೆಳೆದಿದ್ದರು. ಪಂದ್ಯದಲ್ಲಿ ಬ್ಯಾಂಕ್ ಆಫ್ ಬರೋಡಾ ವಿರುದ್ಧ ರಿಲಯನ್ಸ್ 1 ತಂಡ, 25 ರನ್ ಜಯ ಗಳಿಸಿತ್ತು.
ಎಂಐ-ಸಿಎಸ್ಕೆ ಮುಖಾಮುಖಿ
ಮಾರ್ಚ್ 29ರಿಂದ ಆರಂಭವಾಗುವ ಐಪಿಎಲ್ ನಲ್ಲಿ ಹಾರ್ದಿಕ್ ಮತ್ತೆ ಮೈದಾನಕ್ಕಿಳಿಯಲಿದ್ದಾರೆ. ಮುಂಬೈಯ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯಲಿರುವ ಐಪಿಎಲ್ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಕಾದಾಡಲಿವೆ.