ಗಂಗೆಯಲ್ಲಿ ಮಿಂದೆದ್ದ ಜಾಂಟಿ ರೋಡ್ಸ್: ಭಜ್ಜಿ ಮಾಡಿದ್ರು ವಿಶೇಷ ಮನವಿ

ದಕ್ಷಿಣ ಆಫ್ರಿಕಾದ ಫೀಲ್ಡಿಂಗ್ ದಿಗ್ಗಜ ಜಾಂಟಿ ರೋಡ್ಸ್ ಭಾರತದಲ್ಲಿದ್ದಾರೆ. ಹೃರಿಕೇಶಕ್ಕೆ ತೆರಳಿದ್ದ ಜಾಂಟಿ ರೋಡ್ಸ್ ಗಂಗಾ ಸ್ನಾನ ಮಾಡಿದ್ದರು. ಇದರ ವೀಡಿಯೋವನ್ನು ಜಾಂಟ್‌ರೋಡ್ಸ್ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಈ ಫೋಟೋ ಜೊತೆಗೆ ಜಾಂಟಿರೋಡ್ಸ್ ಗಂಗಾಸ್ನಾನದ ಬಗ್ಗೆ ಬರೆದುಕೊಂಡಿದ್ದರು.

ದಕ್ಷಿಣ ಆಫ್ರಿಕಾ ದಿಗ್ಗಜನ ಈ ಪೋಸ್ಟ್‌ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಪ್ರತಿಕ್ರಿಯೆಗಳು ಬಂದಿದೆ. ಇದೀಗ ಟೀಮ್ ಇಂಡಿಯಾ ಮಾಜಿ ಆಟಗಾರ ಹರ್ಭಜನ್ ಸಿಂಗ್ ಕೂಡ ಈ ಫೋಟೋಗೆ ಪ್ರತಿಕ್ರಿಯೆ ನೀಡಿದ್ದಾರೆ.

ಹರ್ಭಜನ್ ಸಿಂಗ್ ಈ ಫೋಟೋಗೆ ಪ್ರತಿಕ್ರಿಯೆ ನೀಡುವುದರ ಜೊತೆಗೆ ಜಾಂಟಿ ರೋಡ್ಸ್ ಬಳಿ ವಿಶೇಷ ಮನವಿಯೊಂದನ್ನು ಮಾಡಿದ್ದಾರೆ. ಹರ್ಭಜನ್ ಸಿಂಗ್ ತಮ್ಮ ಪೋಸ್ಟ್‌ನಲ್ಲಿ 'ನೀವು ನನಗಿಂತಲೂ ಹೆಚ್ಚು ಇಂಡಿಯಾವನ್ನು ಕಂಡಿರುವಿರಿ. ಪವಿತ್ರ ಗಂಗೆಯಲ್ಲಿ ಸ್ನಾನ ಮಾಡಿರುವುದು ನೋಡಲು ಖುಷಿಯಾತ್ತದೆ. ಮುಂದಿನ ಬಾರಿ ನನ್ನನ್ನೂ ಕರೆದುಕೊಂಡು ಹೋಗಿ ' ಎಂದು ಭಜ್ಜಿ ಮನವಿ ಮಾಡಿದ್ದಾರೆ.

ಜಾಂಟಿ ರೋಡ್ಸ್ ರೋಡ್ ಸೇಫ್ಟಿ ವರ್ಲ್ಡ್ ಸಿರೀಸ್‌ನಲ್ಲಿ ದಕ್ಷಿಣ ಆಫ್ರಿಕಾ ಲೆಜೆಂಡ್ಸ್ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ. ಇದು ಮಾರ್ಚ್ 7 ರಿಂದ ಆರಂಭವಾಗಲಿದೆ. ದಿಗ್ಗಜ ಕ್ರಿಕೆಟಿಗರು ಭಾಗಿಯಾಲಿರುವ ಈ ಟೂರ್ನಿಯಲ್ಲಿ ಐದು ತಂಡಗಳು ಭಾಗವಹಿಸುತ್ತಿದೆ.

ಇನ್ನು ಜಾಂಟಿ ರೋಡ್ಸ್ ಐಪಿಎಲ್‌ನಲ್ಲೂ ಭಾಗಿಯಾಗಲಿದ್ದಾರೆ. ಐಪಿಎಲ್ ಆರಂಭಿಕ ಟೂರ್ನಿಯಿಂದಲೂ ಐಪಿಎಲ್‌ನ ಭಾಗವಾಗಿದ್ದಾರೆ. ಆರಂಭದಲ್ಲಿ ಮುಂಬೈ ತಂಡದ ಫೀಲ್ಡಿಂಗ್ ಕೋಚ್ ಆಗಿದ್ದ ಜಾಂಟಿ ಸದ್ಯ ಕಿಂಗ್ಸ್‌ ಇಲವೆನ್ ಪಂಜಾಬ್ ತಂಡದ ಕೋಚ್ ಆಗಿದ್ದಾರೆ.