ರಾಹುಲ್ ದ್ರಾವಿಡ್ ಅದ್ಭುತ ಕ್ಯಾಚ್‌ಗಳ ವಿಡಿಯೋ ಹಂಚಿಕೊಂಡ ಹರ್ಭಜನ್: ಪ್ರಶಂಸೆಯ ಸುರಿಮಳೆ

ಔಟ್‌ ಸ್ಟ್ಯಾಂಡಿಂಗ್ ಕ್ಯಾಚರ್ ಎಂದ ಭಜ್ಜಿ

ಟ್ವಿಟ್ಟರ್‌ನಲ್ಲಿ ದ್ರಾವಿಡ್ ಕ್ಯಾಚ್‌ಗಳನ್ನು ಹೊಂದಿರುವ ವಿಡಿಯೋ ಹಂಚಿಕೊಂಡ ಹರ್ಭಜನ್ ಸಿಂಗ್ ಅದಕ್ಕೆ ಪೂರಕವಾಗಿ ಔಟ್‌ಸ್ಟ್ಯಾಂಡಿಂಗ್ ಕ್ಯಾಚರ್ ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೋಗೆ ಅಭೂತಪೂರ್ವ ಪ್ರತಿಕ್ರಿಯೆಗಳು ಬರುತ್ತಿದ್ದು ದ್ರಾವಿಡ್ ಫೀಲ್ಡಿಂಗ್ ಕೌಶಲ್ಯದ ಬಗ್ಗೆ ಕ್ರಿಕೆಟ್ ದಿಗ್ಗಜರು ಸೇರಿದಂತೆ ಅಭಿಮಾನಿಗಳು ಕೂಡ ಸ್ಮರಿಸಿಕೊಳ್ಳುತ್ತಿದ್ದಾರೆ.

ಕ್ಷಣಾರ್ಧದಲ್ಲಿ ದ್ರಾವಿಡ್ ಕೈ ಸೇರಿತ್ತಿತ್ತು ಚೆಂಡು

ರಾಹುಲ್ ದ್ರಾವಿಡ್ ಓರ್ವ ಕ್ವಿಕ್ ಫೀಲ್ಡರ್ ಆಗಿದ್ದರು. ಶಾಟ್ ಲೆಗ್, ಸಿಲ್ಲಿ ಪಾಯಿಂಟ್, ಸ್ಲಿಪ್‌ನಲ್ಲಿ ದ್ರಾವಿಡ್ ಹಿಡಿಯುತ್ತಿದ್ದ ಮನಮೋಹಕ ಕ್ಯಾಚ್‌ಗಳಿಗೆ ಬೆರಗಾದವರೇ ಇಲ್ಲ. ಅನಿಲ್ ಕುಂಬ್ಳೆ ಬೌಲಿಂಗ್ ಮತ್ತು ದ್ರಾವಿಡ್ ಕ್ಯಾಚ್‌ ಜುಗಲ್‌ಬಂದಿ ಅಭಿಮಾನಿಗಳಿಗೆ ಯಾವಾಗಲೂ ಕಣ್ಮನ ತಣಿಸುವಂತಿತ್ತು.

ದ್ರಾವಿಡ್ ಕ್ಯಾಚ್‌ ಕೌಶಲ್ಯಕ್ಕೆಗೆ ಮೆಚ್ಚುಗೆ

ಹರ್ಭಜನ್ ಸಿಂಗ್ ವಿಡಿಯೋ ಹಾಕಿದ ಬೆನ್ನಲ್ಲೇ ಮಾಜಿ ಆಟಗಾರ ಆಕಾಶ್ ಚೋಪ್ರಾ ಹಾಗೂ ಸ್ಪಿನ್ನರ್ ಆರ್.ಅಶ್ವಿನ್ ದ್ರಾವಿಡ್ ಕ್ಯಾಚ್ ಹಿಡಿಯುತ್ತಿದ್ದ ಕೌಶಲದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕೇವಲ ಬ್ಯಾಟ್ಸ್‌ಮನ್ ಜತೆಗೆ ಓರ್ವ ಉತ್ತಮ ಫೀಲ್ಡರ್ ಕೂಡ ಅವರು, ಯುವ ಕ್ರಿಕೆಟಿಗರು ವಿಡಿಯೋ ಅವನ್ನು ಮನರಂಜನೆ ದೃಷ್ಟಿಯಿಂದ ನೋಡಲು ಬದಲಿಗೆ ಮಾದರಿಯಾಗಿ ಸ್ವೀಕರಿಸಬೇಕು ಎಂದು ಆಕಾಶ್ ಹೇಳಿದ್ದಾರೆ.

ಸುನಿಲ್ ಜೋಶಿ ಮೆಚ್ಚುಗೆಯ ಮಾತು

ಇನ್ನು ಇದೇ ವಿಡಿಯೋವನ್ನು ಅಭಿಮಾನಿಯೊಬ್ಬರು ಕೂಡ ಹಂಚಿಕೊಂಡಿದ್ದರು. ಆ ವಿಡಿಯೋಗೆ ಕರ್ನಾಟಕ ರಣಜಿ ತಂಡದ ದಿಗ್ಗಜ ಬೌಲರ್ ಸುನಿಲ್ ಜೋಶಿ ಪ್ರತಿಕ್ರಿಯಿಸಿದ್ದರು. ದ್ರಾವಿಡ್ ಕ್ರೀಸ್‌ಗೆ ಇಳಿದಾಗ ಮಾತ್ರವೇ ಗೋಡೆಯಾಗಿರಲಿಲ್ಲ. ಸ್ಲಿಪ್‌ನಲ್ಲಿ ಅವರೊಬ್ಬ ರಕ್ಷಣಾ ಬೇಲಿಯಂತಿದ್ದರು ಎಂದು ಬಣ್ಣಿಸಿದ್ದಾರೆ ಸುನಿಲ್ ಜೋಶಿ