IND vs BAN: ಹಾರ್ದಿಕ್ ಪಾಂಡ್ಯಗೆ ಗಾಯ; 6 ವರ್ಷಗಳ ನಂತರ ಕೈ ತಿರುಗಿಸಿದ ವಿರಾಟ್ ಕೊಹ್ಲಿ; ವಿಡಿಯೋ ವೈರಲ್

ಗುರುವಾರ, ಅಕ್ಟೋಬರ್ 6ರಂದು ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ​​ಸ್ಟೇಡಿಯಂನಲ್ಲಿ ಭಾರತ ಮತ್ತು ಬಾಂಗ್ಲಾದೇಶ ತಂಡಗಳು ಪ್ರಸ್ತುತ 2023ರ ಏಕದಿನ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಸೆಣಸಾಡಿದವು.

ಟಾಸ್ ಗೆದ್ದ ಬಾಂಗ್ಲಾದೇಶ ತಂಡ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತು. ಒಂಬತ್ತನೇ ಓವರ್‌ನಲ್ಲಿ ಭಾರತದ ನಾಯಕ ರೋಹಿತ್ ಶರ್ಮಾ ಅವರು ಹಾರ್ದಿಕ್ ಪಾಂಡ್ಯ ಅವರನ್ನು ಬೌಲಿಂಗ್‌ ದಾಳಿಗೆ ಇಳಿಸಿದರು.

ಆದಾಗ್ಯೂ, ಸ್ಟಾರ್ ಆಲ್‌ರೌಂಡರ್ ಕೇವಲ ಮೂರು ಎಸೆತಗಳನ್ನು ಬೌಲಿಂಗ್ ಮಾಡಿದ ನಂತರ, ಕಾಲಿನ ಗಾಯಕ್ಕೆ ತುತ್ತಾದರು ಮತ್ತು ಮೈದಾನದಿಂದ ಹೊರಗುಳಿಯಬೇಕಾಯಿತು.

ಆಗ ನಾಯಕ ರೋಹಿತ್ ಶರ್ಮಾ ಸಾಂದರ್ಭಿಕ ಬೌಲರ್ ವಿರಾಟ್ ಕೊಹ್ಲಿ ಕೈಗೆ ಚೆಂಡು ನೀಡಿ ಉಳಿದ ಓವರ್ ಅನ್ನು ಪೂರ್ಣಗೊಳಿಸಿದರು. ಭಾರತ ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಬ್ಯಾಟ್‌ನಿಂದ ರನ್ ಗಳಿಸುವುದನ್ನು ವೀಕ್ಷಿಸಲು ತೆರಳಿದ್ದ ಪುಣೆಯಲ್ಲಿ ಪ್ರೇಕ್ಷಕರು ಮಧ್ಯಮ ವೇಗದ ಬೌಲಿಂಗ್‌ಗೆ ಸಾಕ್ಷಿಯಾದರು.

ವಿರಾಟ್ ಕೊಹ್ಲಿ ತಮ್ಮ ಮೊದಲ ಎಸೆತವನ್ನು ಬೌಲ್ ಮಾಡಲು ಸಜ್ಜಾಗುತ್ತಿದ್ದಂತೆ ಮೈದಾನದಲ್ಲಿ ನೆರೆದಿದ್ದ ಪ್ರೇಕ್ಷಕರು ದೊಡ್ಡ ಘರ್ಜನೆ ಮೂಲಕ ಸ್ವಾಗತಿಸಿದರು.

ವಿರಾಟ್ ಕೊಹ್ಲಿ ರಾಂಗ್ ಫೂಟ್‌ನಿಂದ ಬೌಲಿಂಗ್ ಮಾಡಿದರು ಮತ್ತು ಕಡಿಮೆ ವೇಗದಲ್ಲಿ ಮೂರು ಉತ್ತಮ ಇನ್‌ಸ್ವಿಂಗರ್‌ಗಳನ್ನು ಹಾಕಿದರು. ಬಾಂಗ್ಲಾದೇಶ ತಂಡದ ಬ್ಯಾಟರ್‌ಗಳು ಮೂರು ಎಸೆತಗಳಿಗೆ ಗೌರವ ತೋರಿಸಿ ಎರಡು ಸಿಂಗಲ್‌ಗಳನ್ನು ಗಳಿಸಿದರು.

ಏಕದಿನ ಕ್ರಿಕೆಟ್‌ನಲ್ಲಿ ಆರು ವರ್ಷಗಳ ನಂತರ ಬೌಲಿಂಗ್‌ ಮಾಡಿದ ಹೊರತಾಗಿಯೂ ವಿರಾಟ್ ಕೊಹ್ಲಿಯ ನಿಖರತೆಗೆ ಕಾಮೆಂಟೇಟರ್‌ಗಳು ಪ್ರಭಾವಿತರಾದರು.

ಚೆಂಡಿನೊಂದಿಗೆ ವಿರಾಟ್ ಕೊಹ್ಲಿಯ ಅಲ್ಪಾವಧಿಯ ಸಮಯವನ್ನು ಅಭಿಮಾನಿಗಳು ಆನಂದಿಸುತ್ತಿದ್ದರೆ, ಹಾರ್ದಿಕ್ ಪಾಂಡ್ಯ ಅವರ ಗಾಯದ ಸ್ಥಿತಿಯ ಬಗ್ಗೆ ಚಿಂತಿತರಾಗಿದ್ದಾರೆ. 30 ವರ್ಷದ ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ಅವರು ಬಾಂಗ್ಲಾದೇಶ ತಂಡದ ಲಿಟ್ಟನ್ ದಾಸ್ ಸ್ಟ್ರೈಟ್ ಡ್ರೈವ್ ಅನ್ನು ತನ್ನ ಕಾಲಿನಿಂದ ತಡೆಯಲು ಪ್ರಯತ್ನಿಸಿದರು.

ಆದರೆ, ಚೆಂಡನ್ನು ತಡೆಯುವಲ್ಲಿ ಯಶಸ್ವಿಯಾಗಲಿಲ್ಲ. ಪರಿಸ್ಥಿತಿಗಳನ್ನು ಇನ್ನಷ್ಟು ಹದಗೆಡಿಸಲು, ಬರೋಡಾ ಕ್ರಿಕೆಟಿಗ ತಮ್ಮ ಎಡ ಪಾದವನ್ನು ತಿರುಚಿಕೊಂಡರು. ಫಿಸಿಯೋ ಕೂಡಲೇ ಧಾವಿಸಿದರು ಮತ್ತು ಹಾರ್ದಿಕ್ ಪಾಂಡ್ಯ ಅವರ ಕಾಲಿಗೆ ಆ ಕ್ಷಣವೇ ಟೇಪ್ ಮಾಡಲಾಯಿತು. ಕೂಡಲೇ ಮೈದಾನವನ್ನು ತೊರೆಯಬೇಕಾಯಿತು.

ಡ್ರೆಸ್ಸಿಂಗ್ ರೂಮ್‌ನಲ್ಲಿ ಹಾರ್ದಿಕ್ ಅವರ ಗಾಯದ ಪ್ರಮಾಣವನ್ನು ಮೇಲ್ವಿಚಾರಣೆ ಮಾಡಲಾಗುತ್ತದೆ ಮತ್ತು ಆಲ್‌ರೌಂಡರ್ ಆಗಿ ಹಾರ್ದಿಕ್ ಅವರ ಸಾಮರ್ಥ್ಯವು ತಂಡಕ್ಕೆ ಸಾಕಷ್ಟು ಸಮತೋಲನವನ್ನು ಸೇರಿಸುವುದರಿಂದ ಅಭಿಮಾನಿಗಳ ಆರೈಕೆಯೂ ದೊಡ್ಡದಾಗಿದೆ.

ಹಾರ್ದಿಕ್ ಪಾಂಡ್ಯ ಅವರು ಎರಡು ವರ್ಷಗಳ ಹಿಂದೆ ತೀವ್ರ ಬೆನ್ನು ನೋವಿನ ಗಾಯಗದೊಂದಿಗೆ ಹೋರಾಟ ನಡೆಸಿದ್ದರು. ಅನುಭವಿ ಆಟಗಾರ ಶೀಘ್ರ ಗುಣಮುಖರಾಗಿ ತಂಡಕ್ಕೆ ಮರಳಲಿ ಎಂದು ಕೋಟ್ಯಂತರ ಭಾರತೀಯ ಅಭಿಮಾನಿಗಳು ಹಾರೈಸುತ್ತಾರೆ.