ಹಾರ್ದಿಕ್ ಪಾಂಡ್ಯ vs ಶಿವಂ ದುಬೆ: ಟಿ20 ವಿಶ್ವಕಪ್ ಭಾರತ ತಂಡಕ್ಕೆ ಆಲ್‌ರೌಂಡರ್ ಆಯ್ಕೆ ಮಾಡಿದ ಮಾಜಿ ಕ್ರಿಕೆಟಿಗ

ಮುಂಬರುವ 2024ರ ಐಸಿಸಿ ಟಿ20 ವಿಶ್ವಕಪ್ ಟೂರ್ನಮೆಂಟ್‌ಗೆ ಭಾರತ ತಂಡವನ್ನು ಅಂತಿಮಗೊಳಿಸಲು ಅಜಿತ್ ಅಗರ್ಕರ್ ನೇತೃತ್ವದ ಬಿಸಿಸಿಐ ಆಯ್ಕೆ ಸಮಿತಿಯು ಕೆಲವೇ ಗಂಟೆಗಳಲ್ಲಿ ಸಭೆ ಸೇರಲು ಸಜ್ಜಾಗಿದೆ.

2024ರ ಐಪಿಎಲ್ ಪಂದ್ಯಾವಳಿಯು ಭಾರತ ತಂಡದ ಟಿ20 ವಿಶ್ವಕಪ್ ಆಯ್ಕೆಯಲ್ಲಿ ಒಂದು ನಿರ್ಣಾಯಕ ವೇದಿಕೆಯಾಗಿ ಕಾರ್ಯನಿರ್ವಹಿಸಲಿದೆ. ಟಿ20 ವಿಶ್ವಕಪ್‌ನ ಭಾರತ ತಂಡದಲ್ಲಿ ತಮ್ಮ ಹೆಸರು ಪರಿಗಣನೆಗೆ ಆಟಗಾರರು ತಮ್ಮ ಪೂರ್ಣ ಸಾಮರ್ಥ್ಯವನ್ನು ಪ್ರದರ್ಶಿಸಲು ಸ್ಪರ್ಧಿಸುತ್ತಿದ್ದಾರೆ.

ಸದ್ಯ ನಡೆಯುತ್ತಿರುವ ಐಪಿಎಲ್‌ನಲ್ಲಿನ ಕೆಲವು ಆಟಗಾರರ ಅತ್ಯುತ್ತಮ ಪ್ರದರ್ಶನಗಳು ಕ್ರಿಕೆಟ್ ಅಭಿಮಾನಿಗಳು ಮತ್ತು ತಜ್ಞರ ನಡುವೆ ತೀವ್ರ ಚರ್ಚೆಗಗಳನ್ನು ಹುಟ್ಟುಹಾಕಿದೆ. ಅಲ್ಲದೆ, ಯುವ ಆಟಗಾರರ ಪ್ರದರ್ಶನಗಳು ಆಯ್ಕೆಗಾರರಿಗೂ ತಲೆನೋವು ಹೆಚ್ಚಿಸಿದೆ.

ಇದೇ ವೇಳೆ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಟಾಮ್ ಮೂಡಿ ಅವರು ಜೂನ್‌ನಲ್ಲಿ ಪ್ರಾರಂಭವಾಗಲಿರುವ 2024ರ ಟಿ20 ವಿಶ್ವಕಪ್‌ಗೆ ಭಾರತದ ತಂಡಕ್ಕೆ ವೇಗದ ಬೌಲಿಂಗ್ ಆಲ್‌ರೌಂಡರ್ ಪಾತ್ರದಲ್ಲಿ ಶಿವಂ ದುಬೆ ಬದಲಿಗೆ ಹಾರ್ದಿಕ್ ಪಾಂಡ್ಯ ಅವರನ್ನು ಆಯ್ಕೆ ಮಾಡಿದ್ದಾರೆ.

ಸ್ಟಾರ್ ಸ್ಪೋರ್ಟ್ಸ್ ಪ್ರೆಸ್ ರೂಮ್ ಶೋನಲ್ಲಿ ಮಾತನಾಡಿದ ಟಾಮ್ ಮೂಡಿ, ಹಾರ್ದಿಕ್ ಪಾಂಡ್ಯ ತಮ್ಮ ಆಲ್‌ರೌಂಡ್ ಕೌಶಲ್ಯದಿಂದ ಭಾರತ ತಂಡದಲ್ಲಿ ಬಂದ ಅನುಭವ ಮತ್ತು ಸಮತೋಲನದ ಬಗ್ಗೆ ಮಾತನಾಡಿದರು.

6ನೇ ಬೌಲಿಂಗ್ ಆಯ್ಕೆಯಾಗಿ ಶಿವಂ ದುಬೆ ಅವರೊಂದಿಗೆ ಹೋಗುವುದು ಸ್ವಲ್ಪ ಅಪಾಯಕಾರಿ ಎಂದು ಭಾವಿಸಿದ ಟಾಮ್ ಮೂಡಿ, ಇದು ತಂಡದ ಸಮತೋಲನವನ್ನು ಬದಲಾಯಿಸಬಹುದು ಎಂದರು.

"ವೇಗದ ಬೌಲಿಂಗ್ ಸಮಸ್ಯೆ ಎಂದು ನಾನು ಭಾವಿಸುವುದಿಲ್ಲ, ಇದು ನೀವು ಪಡೆಯಲು ಬಯಸುತ್ತಿರುವ ರಿಟರ್ನ್ ಎಂದು ನಾನು ಭಾವಿಸುತ್ತೇನೆ. ಹಾರ್ದಿಕ್ ಪಾಂಡ್ಯ ಅವರು ಬೌಲಿಂಗ್ ದೃಷ್ಟಿಕೋನದಿಂದ ಶಿವಂ ದುಬೆಗಿಂತ ಹೆಚ್ಚಿನ ಸೀಲಿಂಗ್ ಅನ್ನು ಹೊಂದಿದ್ದಾರೆ," ಎಂದು ಆಸ್ಟ್ರೇಲಿಯಾ ಮಾಜಿ ಕ್ರಿಕೆಟಿಗ ಟಾಮ್ ಮೂಡಿ ಅಭಿಪ್ರಾಯಪಟ್ಟರು.

"ನೀವು ಭಾರತ ತಂಡದ ಸಮತೋಲನವನ್ನು ಮತ್ತು ಹಾರ್ದಿಕ್ ಪಾಂಡ್ಯ ಅವರ ಆಲ್‌ರೌಂಡ್ ಪರಿಣಾಮವನ್ನು ತೆಗೆದುಕೊಳ್ಳಲು ಹೋದರೆ, ನೀವು ಸ್ವಲ್ಪ ಅಪಾಯಕಾರಿ ಆಯ್ಕೆಯನ್ನು ತೆಗೆದುಕೊಳ್ಳಬಹುದು, ಆಗ ಶಿವಂ ದುಬೆಯನ್ನು ಆಯ್ಕೆ ಮಾಡಬಹುದು. ಅವನ ಓವರ್‌ಗಳ ಮೇಲೆ ಅವಲಂಬಿತವಾಗಬೇಕಾಗುತ್ತದೆ. ಆದರೆ ಐದನೇ ಬೌಲರ್ ಆಗಿ ಅಲ್ಲ, ಆದರೆ ಆರನೇ ಬೌಲರ್ ಆಗಿ. ಅದು ನಿಮ್ಮ ತಂಡದ ಸಮತೋಲನವನ್ನು ಬದಲಾಯಿಸುತ್ತದೆ," ಎಂದು ಟಾಮ್ ಮೂಡಿ ಹೇಳಿದರು.

ಶಿವಂ ದುಬೆ ಆಯ್ಕೆಯಾಗಲು ಏಕೆ ಸಾಧ್ಯವಿಲ್ಲ?

ಎಡಗೈ ಬ್ಯಾಟರ್ ಶಿವಂ ದುಬೆ ಅವರು ಐಪಿಎಲ್ 2024ರಲ್ಲಿ ತಮ್ಮ ಪ್ರಭಾವಶಾಲಿ ಇನ್ನಿಂಗ್ಸ್‌ನೊಂದಿಗೆ ಭಾರತೀಯ ಕ್ರಿಕೆಟ್ ತಂಡದ ಬಾಗಿಲು ತಟ್ಟುತ್ತಿದ್ದಾರೆ. ಶಿವಂ ದುಬೆ ಆಡಿದ 8 ಪಂದ್ಯಗಳಲ್ಲಿ 51.83ರ ಸರಾಸರಿ ಮತ್ತು 169.95 ಸ್ಟ್ರೈಕ್ ರೇಟ್‌ನಲ್ಲಿ 311 ರನ್‌ಗಳೊಂದಿಗೆ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ.

ಆದರೆ, ಶಿವಂ ದುಬೆ ಐಪಿಎಲ್ 2024ರಲ್ಲಿ ಇನ್ನೂ ಬೌಲಿಂಗ್ ಮಾಡದ ಕಾರಣ, ಅವರು ಆಲ್‌ರೌಂಡರ್ ಆಗಿ ತಮ್ಮ ಅರ್ಹತೆಯನ್ನು ಸಾಬೀತುಪಡಿಸಿಲ್ಲ. ಇದೇ ವೇಳೆ ಹಾರ್ದಿಕ್ ಪಾಂಡ್ಯ ತಮ್ಮ ಪಾದದ ಗಾಯದ ನಂತರ, ಐಪಿಎಲ್ 2024ರಲ್ಲಿ ಅದ್ಭುತವಾಗಿ ಮರಳಲಿಲ್ಲ. ಆದರೂ, ಟಿ20 ವಿಶ್ವಕಪ್‌ನಲ್ಲಿ ಭಾರತ ತಂಡಕ್ಕೆ ಹಾರ್ದಿಕ್ ಪಾಂಡ್ಯ ಸರಿಯಾದ ಸಮತೋಲನವನ್ನು ತಂದುಕೊಡುವುದಾಗಿ ಟಾಮ್ ಮೂಡಿ ತಿಳಿಸಿದ್ದಾರೆ.

"ಹಾರ್ದಿಕ್ ಪಾಂಡ್ಯ ಏನು ಮಾಡುತ್ತಾರೆ, ದೀರ್ಘಾವಧಿಯಲ್ಲಿ ಅವರ ಫಿಟ್ನೆಸ್ ಅನ್ನು ನೀವು ಪ್ರಶ್ನಿಸಬಹುದಾದರೂ, ಅವರು ಹೇಗೆ ಸ್ಥಿರತೆಯಿಂದ ಆಡುತ್ತಾರೆ ಎಂಬುದರ ಬಗ್ಗೆ, ದೇಶೀಯ ಪಂದ್ಯಾವಳಿಗಳು, ಅಂತಾರಾಷ್ಟ್ರೀಯ ವಿಷಯಗಳು ಮತ್ತು ದಿನದ ಕೊನೆಯಲ್ಲಿ ಆಲ್‌ರೌಂಡರ್ ಸ್ಥಾನವನ್ನು ಸಮತೋಲನಗೊಳಿಸಲು ಪ್ರಮುಖವಾಗಿದೆ," ಎಂದರು.

ಟಿ20 ವಿಶ್ವಕಪ್ ತಂಡಕ್ಕೆ ಹಾರ್ದಿಕ್ ಪಾಂಡ್ಯ ಮರಳಬಹುದೇ?

ಐಪಿಎಲ್ 2024ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಪರ ಆಡಿದ 8 ಪಂದ್ಯಗಳಲ್ಲಿ ಹಾರ್ದಿಕ್ ಪಾಂಡ್ಯ 142.45ರ ಸ್ಟ್ರೈಕ್ ರೇಟ್‌ನೊಂದಿಗೆ 151 ರನ್ ಮಾತ್ರ ಗಳಿಸುವಲ್ಲಿ ಯಶಸ್ವಿಯಾದರು. ಬೌಲಿಂಗ್‌ನಲ್ಲೂ 10.94 ಎಕಾನಮಿ ದರದಲ್ಲಿ 4 ವಿಕೆಟ್ ಪಡೆದಿದ್ದಾರೆ.

ಅಸೋಸಿಯೇಟ್ ರಾಷ್ಟ್ರಗಳನ್ನು ಎದುರಿಸುವ ಮೂಲಕ ಹಾರ್ದಿಕ್ ಪಾಂಡ್ಯ ಟಿ20 ವಿಶ್ವಕಪ್‌ ಪಂದ್ಯಾವಳಿಯ ಆರಂಭಿಕ ಹಂತದಲ್ಲಿ ಫಾರ್ಮ್‌ಗೆ ಮರಳಬಹುದು ಎಂದು ಟಾಮ್ ಮೂಡಿ ಭಾವಿಸಿದ್ದಾರೆ.