ಅಶ್ವಿನ್‌ ವಿರುದ್ಧ ಆಡುವುದು ಹೇಗೆ? ಇಂಗ್ಲೆಂಡ್‌ ಬ್ಯಾಟ್ಸ್‌ಮನ್‌ಗಳಿಗೆ ಗುರು ಮಂತ್ರ ಬೋಧಿಸಿದ ಪಿಟರ್ಸನ್‌

ಭಾರತ ಹಾಗೂ ಇಂಗ್ಲೆಂಡ್ ನಡುವಣ ಟೆಸ್ಟ್‌ ಪಂದ್ಯಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಈಗಾಗಲೇ ಉಭಯ ತಂಡಗಳು ಮೈಂಡ್‌ ಗೇಮ್ ಆರಂಭಿಸಿವೆ. ಇಂಗ್ಲೆಂಡ್‌ ತಂಡ ಈಗಾಗಲೇ ಸ್ಪಿನ್‌ ಬೌಲರ್‌ಗಳ ಬಗ್ಗೆ ತನ್ನ ಭಯವನ್ನು ವ್ಯಕ್ತ ಪಡಿಸುತ್ತಿದೆ. ಭಾರತದ ಪಿಚ್‌ನಲ್ಲಿ ಸ್ಪಿನ್ ಬೌಲರ್‌ಗಳು ಅಬ್ಬರದ ನಡೆಸುತ್ತಾರೆ ಎಂಬ ವಿಷಯವೇ ಇಂಗ್ಲೆಂಡ್ ಬ್ಯಾಟರ್‌ಗಳ ಚಿತ್ತ ಕದ್ದಿದೆ.

ಭಾರತದಲ್ಲಿ ನಡೆಯಲಿರುವ ಟೆಸ್ಟ್‌ ಸರಣಿಯಲ್ಲಿ ಸ್ಪಿನ್ ಬೌಲರ್‌ಗಳ ಬಹು ಮುಖ್ಯಾ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಆರ್‌.ಅಶ್ವಿನ್‌ ಹಾಗೂ ರವೀಂದ್ರ ಜಡೇಜಾ ಜೋಡಿಯನ್ನು ಬಗ್ಗು ಪಡೆಯಲು ಇಂಗ್ಲೆಂಡ್ ತಂಡ ಪ್ಲ್ಯಾನ್ ಮಾಡಿಕೊಂಡಿದೆ. ಇದರ ಅನುಸಾರ ಇಂಗ್ಲೆಂಡ್‌ ಬ್ಯಾಟರ್‌ಗಳು ಸ್ಪಿನ್‌ ಬೌಲರ್‌ಗಳನ್ನು ಎದುರಿಸಲು ಬೇಕಾದ ಸಿದ್ಧತೆಗಳನ್ನು ಮಾಡಿಕೊಂಡಿದ್ದಾರೆ. ಇದಕ್ಕೆ ಪೂರಕವಾಗಿ ಇಂಗ್ಲೆಂಡ್ ತಂಡಕ್ಕೆ ಅವರ ಮಾಜಿ ವೇಗದ ಆಟಗಾರರು ಸ್ಪಿನ್ ಪಿಚ್‌ನಲ್ಲಿ ಆಡುವ ಬಗ್ಗೆ ಸಲಹೆ ನೀಡಿದ್ದಾರೆ.

ಮಾಜಿ ಅನುಭವಿ ಕ್ರಿಕೆಟಿಗ ಕೆವಿನ್ ಪೀಟರ್ಸನ್ ಅವರು ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ಗಳಿಗೆ ಅಶ್ವಿನ್ ಬೌಲಿಂಗ್ ಅನ್ನು ಸುಲಭವಾಗಿ ಎದುರಿಸುವ ವಿಧಾನವನ್ನು ಹೇಳಿದ್ದಾರೆ. 2012ರಲ್ಲಿ ಅಶ್ವಿನ್ ಅವರ ಬೌಲಿಂಗ್ ಎದುರಿಸಿದ ಪೀಟರ್ಸನ್ ಮುಂಬೈನಲ್ಲಿ 186 ರನ್‌ಗಳ ಇನ್ನಿಂಗ್ಸ್ ಆಡಿದ್ದರು ಮತ್ತು ಭಾರತವನ್ನು ಸೋಲಿಸುವಲ್ಲಿ ಯಶಸ್ವಿಯಾಗಿದ್ದರು.

186 ರನ್‌ಗಳ ಇನ್ನಿಂಗ್ಸ್ ಆಡುವಾಗ ಅಶ್ವಿನ್ ಬೌಲಿಂಗ್ ಮೆಟ್ಟಿನಿಂದ್ದಾಗಿ ಪೀಟರ್ಸನ್ ಹೇಳಿದ್ದಾರೆ. ಅಶ್ವಿನ್ ಅವರನ್ನು ಆಫ್ ಸೈಡ್‌ನಲ್ಲಿ ಆಕ್ರಮಣ ಮಾಡುವುದು ಅವರನ್ನು ನಿಭಾಯಿಸಲು ಉತ್ತಮ ಮಾರ್ಗವಾಗಿದೆ. ಮತ್ತು ಇದು ಅಶ್ವಿನ್ ಅವರ 'ದೂಸ್ರಾ'ವನ್ನು ಸಹ ಹತೋಟಿಗೆ ತರುತ್ತದೆ ಎಂದು ಪೀಟರ್ಸನ್ ಹೇಳಿದರು. ಭಾರತದ ಸ್ಪಿನ್ ದಾಳಿಯಲ್ಲಿ ಅಶ್ವಿನ್ ಹೊರತಾಗಿ ಜಡೇಜಾ, ಕುಲದೀಪ್ ಮತ್ತು ಅಕ್ಷರ್ ಪಟೇಲ್ ಕೂಡ ಇದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಪೀಟರ್ಸನ್ ಅವರ ಸಲಹೆ ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ಗಳಿಗೆ ತುಂಬಾ ಉಪಯುಕ್ತವಾಗಿದೆ ಎಂದಿದ್ದಾರೆ.

ಆಂಗ್ಲ ಪತ್ರಿಕೆ ಟೈಮ್ಸ್ ಆಫ್ ಇಂಡಿಯಾಗೆ ನೀಡಿದ ಸಂದರ್ಶನದಲ್ಲಿ ಪೀಟರ್ಸನ್, "ನಾನು ಅಶ್ವಿನ್ ಅವರನ್ನು ಅರ್ಥಮಾಡಿಕೊಂಡಿದ್ದೇನೆ. ಅವರು ಇಂದಿಗೂ ಅದೇ ರೀತಿ ಬೌಲಿಂಗ್ ಮಾಡುತ್ತಾರೆ. ದೋಸ್ರಾ ಎಸೆಯುವಾಗ ಅಶ್ವಿನ್ ಕೈಯಲ್ಲಿ ಬದಲಾವಣೆ ಕಂಡುಬರುತ್ತದೆ. ಇಲ್ಲಿಂದಲೇ ಅಶ್ವಿನ್ ಮೇಲೆ ಹಲ್ಲೆ ನಡೆಯುತ್ತಿದೆ. ಅಶ್ವಿನ್ ದೋಸ್ರಾ ಎಸೆತವನ್ನು ಯಾವಾಗ ಬೌಲ್ ಮಾಡಲಿದ್ದಾರೆ ಎಂಬುದು ನನಗೆ ಸಂಪೂರ್ಣ ಖಚಿತವಾಗಿತ್ತು. ಪ್ರತಿ ಬಾರಿಯೂ ಆಫ್ ಸೈಡ್ ನಲ್ಲಿ ಅಶ್ವಿನ್ ಮೇಲೆ ದಾಳಿ ನಡೆಸಿ ಬೌಂಡರಿ ಅಥವಾ ಸಿಕ್ಸರ್ ಬಾರಿಸಿ ಅಬ್ಬರಿಸಿದ್ದೇನೆ ಎಂದು ಹೇಳಿದ್ದಾರೆ.

ಪೀಟರ್ಸನ್ ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ಗಳಿಗೆ ಎಲ್ ಬಿಡಬ್ಲ್ಯೂ ಆಗದಂತೆ ಸಲಹೆ ನೀಡಿದ್ದಾರೆ. ಅಶ್ವಿನ್ ಹೊರತುಪಡಿಸಿ, ಜಡೇಜಾ ಮತ್ತು ಅಕ್ಷರ್ ಪಟೇಲ್ ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ಗಳಿಗೆ ದೊಡ್ಡ ಬೆದರಿಕೆ ಎಂದು ಪೀಟರ್ಸನ್ ನಂಬಿದ್ದಾರೆ. ಇಂಗ್ಲೆಂಡ್‌ನ ಬ್ಯಾಟ್ಸ್‌ಮನ್‌ಗಳು ಮುಂದೆ ಬಂದು ಜಡೇಜಾ ವಿರುದ್ಧ ಆಡಿದರೆ, ಅವರು ಯಶಸ್ಸು ಪಡೆಯಬಹುದು ಎಂದು ಪೀಟರ್ಸನ್ ನಂಬಿದ್ದಾರೆ.