2024ರ ಟಿ20 ವಿಶ್ವಕಪ್ ವಿಜೇತ, ರನ್ನರ್-ಅಪ್‌ಗೆ ದಾಖಲೆಯ ಬಹುಮಾನ ಮೊತ್ತ ಪ್ರಕಟಿಸಿದ ಐಸಿಸಿ

ಸದ್ಯ ಯುಎಸ್ಎ ಮತ್ತು ವೆಸ್ಟ್ ಇಂಡೀಸ್‌ನಲ್ಲಿ ನಡೆಯುತ್ತಿರುವ 2024ರ ಟಿ20 ವಿಶ್ವಕಪ್ ವಿಜೇತ ಮತ್ತು ರನ್ನರ್-ಅಪ್ ತಂಡಗಳಿಗೆ ಇದುವರೆಗಿನ ಅತ್ಯಧಿಕ ಬಹುಮಾನದ ಮೊತ್ತವನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಪ್ರಕಟಿಸಿದೆ.

ಒಟ್ಟಾರೆ 11.25 ಯುಎಸ್ ಮಿಲಿಯನ್‌ ಡಾಲರ್‌ನ (ಅಂದಾಜು 93.5 ಕೋಟಿ ರೂಪಾಯಿ) ಐತಿಹಾಸಿಕ ಬಹುಮಾನ ಮೊತ್ತದೊಂದಿಗೆ, 2024ರ ಟಿ20 ವಿಶ್ವಕಪ್ ಪಂದ್ಯಾವಳಿಯು ಸ್ಪರ್ಧೆಯ ಇತಿಹಾಸದಲ್ಲಿಯೇ ಹೆಚ್ಚು ಲಾಭದಾಯಕವಾಗಿದೆ ಎಂಬ ಭರವಸೆ ನೀಡುತ್ತದೆ.

2024ರ ಟಿ20 ವಿಶ್ವಕಪ್‌ನ ಚಾಂಪಿಯನ್ ತಂಡ ಕನಿಷ್ಠ 2.45 ಯುಎಸ್ ಮಿಲಿಯನ್‌ ಡಾಲರ್‌ (ಅಂದಾಜು 20.36 ಕೋಟಿ ರೂಪಾಯಿ) ಮೊತ್ತ ಪಡೆಯುತ್ತಾರೆ. ಇದು ಕ್ರಿಕೆಟ್ ಬಹುಮಾನ ಮೊತ್ತದಲ್ಲಿ ಹೊಸ ಮಾನದಂಡವನ್ನು ಸ್ಥಾಪಿಸುತ್ತದೆ.

ಇದೇ ವೇಳೆ ರನ್ನರ್-ಅಪ್ ತಂಡ ಕೂಡ ಹಿಂದೆ ಉಳಿಯುವುದಿಲ್ಲ. ಗಣನೀಯ 1.28 ಯುಎಸ್ ಮಿಲಿಯನ್‌ ಡಾಲರ್‌ನ (ಅಂದಾಜು 10.36 ಕೋಟಿ ರೂಪಾಯಿ) ಮೊತ್ತವನ್ನು ಮನೆಗೆ ತೆಗೆದುಕೊಂಡು ಹೋಗುತ್ತವೆ.

ಫೈನಲ್‌ ಹಾದಿ ತಪ್ಪಿಸಿಕೊಂಡ ಉಳಿದ ಎರಡು ಸೆಮಿಫೈನಲಿಸ್ಟ್ ತಂಡಗಳು ತಲಾ 787,500 ಯುಎಸ್ ಮಿಲಿಯನ್‌ ಡಾಲರ್‌ (ಅಂದಾಜು 6.54 ಕೋಟಿ ರೂಪಾಯಿ) ಮೊತ್ತವನ್ನು ಸ್ವೀಕರಿಸುತ್ತವೆ. ಲೀಗ್‌ನಲ್ಲಿನ ಅವರ ಪ್ರಯತ್ನಗಳಿಗೆ ಉತ್ತಮ ಬಹುಮಾನವನ್ನು ಖಚಿತಪಡಿಸಿಕೊಳ್ಳುತ್ತವೆ.

ಸೂಪರ್ 8ರ ತಲುಪಿದ ಮತ್ತು ಆ ಹಂತವನ್ನು ಮೀರಿ ಮುಂದುವರಿಯದ ತಂಡಗಳು ಇನ್ನೂ ಗಮನಾರ್ಹವಾದ ತಲಾ 382,500 ಯುಎಸ್ ಮಿಲಿಯನ್‌ ಡಾಲರ್‌ (ಅಂದಾಜು 3.2 ಕೋಟಿ ರೂಪಾಯಿ) ಮೊತ್ತ ಗಳಿಸುತ್ತವೆ.

9ರಿಂದ 12ನೇ ಸ್ಥಾನ ಪಡೆಯುವವರು ತಲಾ 247,500 ಯುಎಸ್ ಮಿಲಿಯನ್‌ ಡಾಲರ್‌ (ಅಂದಾಜು 2.05 ಕೋಟಿ ರೂಪಾಯಿ) ಬಹುಮಾನ ಪಡೆಯುತ್ತಾರೆ. ಆದರೆ 13ರಿಂದ ಮತ್ತು 20ನೇ ಸ್ಥಾನದಲ್ಲಿರುವ ತಂಡಗಳು ತಲಾ 225,000 ಯುಎಸ್ ಮಿಲಿಯನ್‌ ಡಾಲರ್‌ (ಅಂದಾಜು 1.8 ಕೋಟಿ ರೂಪಾಯಿ) ಸಮಾಧಾನಕರ ಮೊತ್ತವನ್ನು ಜೇಬಿಗಿಳಿಸುತ್ತವೆ.

ಹೆಚ್ಚುವರಿಯಾಗಿ, ಪ್ರತಿ ತಂಡವು ಸೆಮಿಫೈನಲ್ ಮತ್ತು ಫೈನಲ್‌ ಪಂದ್ಯಗಳನ್ನು ಹೊರತುಪಡಿಸಿ, ಪಂದ್ಯಾವಳಿಯ ಸಂದರ್ಭದಲ್ಲಿ ಗೆದ್ದ ಪ್ರತಿ ಪಂದ್ಯಕ್ಕೆ ಹೆಚ್ಚುವರಿ 31,154 ಯುಎಸ್ ಮಿಲಿಯನ್‌ ಡಾಲರ್‌ (26 ಲಕ್ಷ ರೂಪಾಯಿ) ಗಳಿಸುತ್ತವೆ.

ಒಟ್ಟಾರೆ 28 ದಿನಗಳಲ್ಲಿ 55 ಪಂದ್ಯಗಳನ್ನು ಒಳಗೊಂಡ 2024ರ ಟಿ20 ವಿಶ್ವಕಪ್‌ ಪಂದ್ಯಾವಳಿಯು ಇದುವರೆಗಿನ ಅತಿದೊಡ್ಡ ಐಸಿಸಿ ಟಿ20 ವಿಶ್ವಕಪ್ ಆಗಲಿದೆ. ಟೂರ್ನಿಯು ವೆಸ್ಟ್ ಇಂಡೀಸ್ ಮತ್ತು ಯುಎಸ್‌ಎನಲ್ಲಿ ಒಂಬತ್ತು ಸ್ಥಳಗಳಲ್ಲಿ ನಡೆಯಲಿವೆ,

ಈ ವರ್ಷದ ಪಂದ್ಯಾವಳಿಯ ಸ್ವರೂಪವು 40 ಮೊದಲ ಸುತ್ತಿನ ಪಂದ್ಯಗಳನ್ನು ಒಳಗೊಂಡಿದೆ. ಇದರಲ್ಲಿ ಅಗ್ರ ಎಂಟು ತಂಡಗಳು ಸೂಪರ್ 8 ಹಂತಕ್ಕೆ ಮುನ್ನಡೆಯುತ್ತವೆ.

ಟ್ರಿನಿಡಾಡ್ ಮತ್ತು ಟೊಬಾಗೊ ಹಾಗೂ ಗಯಾನಾದಲ್ಲಿ ನಡೆಯಲಿರುವ ಸೂಪರ್ 8ರ ಮೊದಲ ನಾಲ್ಕು ತಂಡಗಳು ಸೆಮಿಫೈನಲ್‌ಗೆ ಮುನ್ನಡೆಯುತ್ತವೆ.

ಫೈನಲ್ ಪಂದ್ಯವು ಬಾರ್ಬಡೋಸ್‌ನಲ್ಲಿ ನಡೆಯಲಿದ್ದು, ಅಲ್ಲಿ ಗೆದ್ದ ತಂಡ 2024ರ ಟಿ20 ವಿಶ್ವಕಪ್‌ ಚಾಂಪಿಯನ್ ಕಿರೀಟವನ್ನು ಅಲಂಕರಿಸುತ್ತಾರೆ.