ICC announces WTC final rules: ಭಾರತ vs ನ್ಯೂಜಿಲೆಂಡ್ ಪಂದ್ಯ ಡ್ರಾ ಆದರೆ ಏನಾಗುತ್ತೆ?!

ಐಸಿಸಿಯ ನಿಯಮಗಳು

ಐಸಿಸಿ ಟೆಸ್ಟ್ ಚಾಂಪಿಯನ್‌ಶಿಪ್‌ಗೆ ಸಂಬಂಧಿಸಿ ಇಂಟರ್ ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ನಿಯಮಗಳನ್ನು ಘೋಷಿಸಿದೆ. ಈ ಘೋಷಣೆಯ ಪ್ರಕಾರ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್ ಪಂದ್ಯ ಜೂನ್ 18ರಿಂದ 22ರ ವರೆಗೆ ನಡೆಯಲಿದೆ. ಹವಾಮಾನ ವೈಪರೀತ್ಯದಿಂದ ಪಂದ್ಯ ಸ್ಥಗಿತಗೊಂಡರೆ ಮೀಸಲು ದಿನದಲ್ಲಿ ಮುಂದುವರೆಯಲಿದೆ. ಜೂನ್ 23 ಮೀಸಲು ದಿನವಾಗಿರಲಿದೆ. ಈ ನಿಯಮಗಳು 2018ರಲ್ಲೇ ನಿರ್ಧರಿಸಲಾಗಿತ್ತು ಎಂದು ಐಸಿಸಿ ತಿಳಿಸಿದೆ.

ರಿಸರ್ವ್ ಡೇ ಸೂಚನೆಗಳು

ರಿಸರ್ವ್ ಡೇಗೆ ಸಂಬಂಧಿಸಿ ಐಸಿಸಿ ನಿಯಮಗಳನ್ನು ಘೋಷಿಸಿದೆ. 5 ದಿನಗಳಲ್ಲಿ ಯಾವೆಲ್ಲ ದಿನಗಳಲ್ಲಿ ಪಂದ್ಯ ನಿಲುಗಡೆಯಾಗಿತ್ತು ಆ ಅವಧಿಯನ್ನೆಲ್ಲಾ ಸೇರಿಸಿ ರಿಸರ್ವ್ ಡೇ ಬೇಕೋ ಬೇಡವೋ ಎಂದು ನಿರ್ಧರಿಸಲಾಗುತ್ತದೆ. ಐದನೇ ದಿನದ ಪಂದ್ಯ ಆರಂಭವಾಗಿ ಮುಗಿಯಲು ಇನ್ನು ಒಂದು ಗಂಟೆಯಿರುವಾಗ ರಿಸರ್ವ್ ಡೇ ಬೇಕೋ ಬೇಡವೋ ಎಂಬ ಬಗ್ಗೆ ಮ್ಯಾಚ್ ರೆಫರೀ ಮಾಹಿತಿ ನೀಡುತ್ತಾರೆ.

ಪಂದ್ಯ ಡ್ರಾ/ಟೈ ಆದ್ರೆ?!

ಐದು ದಿನಗಳ ಕಾಲ ನಡೆಯುವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್ ಪಂದ್ಯಕ್ಕೆ ಗ್ರೇಡ್ 1 ಡ್ಯೂಕ್‌ ಬಾಲ್‌ಗಳನ್ನು ಬಳಸಲಾಗುತ್ತದೆ. ಪಂದ್ಯ ಒಂದು ವೇಳೆ ಟೈ/ಡ್ರಾ ಆದರೆ ಎರಡೂ ತಂಡಗಳನ್ನೂ ವಿಜೇತರೆಂದು ಘೋಷಿಸಲಾಗುತ್ತದೆ. ಇಬ್ಬರೂ ಟ್ರೋಫಿ ಎತ್ತಿ ಗೆಲುವನ್ನಾಚರಿಸಿಉತ್ತಾರೆ. ಇನ್ನು ಶಾರ್ಟ್ ರನ್, ಡಿಸಿಶನ್‌ ರಿವ್ಯೂ ಮೊದಲಾದವೆಲ್ಲ ಮಾಮೂಲಿ ಎಂದಿನ ಕ್ರಿಕೆಟ್‌ ನಿಯಮಗಳಂತೆಯೇ ಇರಲಿವೆ.