ICC Awards 2023: ಐಸಿಸಿ ವರ್ಷದ ಪ್ರಶಸ್ತಿ ವಿಜೇತರ ಸಂಪೂರ್ಣ ಪಟ್ಟಿ

ಸೋಮವಾರ (ಜನವರಿ 22)ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) 2023ರ ವರ್ಷದ ಟಿ20 ತಂಡವನ್ನು ಪ್ರಕಟಿಸುವ ಮೂಲಕ ಆರಂಭವಾದ ವರ್ಷದ ಪ್ರಶಸ್ತಿ ವಿಜೇತರ ಪಟ್ಟಿ ಇದೀಗ ಎಲ್ಲ ಸ್ವರೂಪಗಳಾದ್ಯಂತ ಕ್ರಿಕೆಟ್‌ನ ಅತ್ಯುತ್ತಮ ಆಟಗಾರನ್ನು ಪ್ರಕಟಿಸಿದೆ.

ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ಆರಂಭಿಕ ದಿನದಂದು ಪುರುಷರ ಮತ್ತು ಮಹಿಳೆಯರ ವಿಭಾಗದಲ್ಲಿ ವರ್ಷದ ಟಿ20 ತಂಡಗಳನ್ನು ಬಹಿರಂಗಪಡಿಸಿದರೆ, ಐಸಿಸಿ ವರ್ಷದ ಏಕದಿನ ಮತ್ತು ಟೆಸ್ಟ್ ತಂಡಗಳನ್ನು ಮಂಗಳವಾರ, ಜನವರಿ 23ರಂದು ಪ್ರಕಟಿಸಿತು.

2023ರ ಐಸಿಸಿ ಪ್ರಶಸ್ತಿಯು ಒಟ್ಟು 13 ವಿಭಾಗಗಳನ್ನು ಒಳಗೊಂಡಿದೆ. ನಿರ್ದಿಷ್ಟ ಸ್ವರೂಪಗಳಲ್ಲಿ ಮಿಂಚಿರುವ ಕ್ರಿಕೆಟಿಗರನ್ನು ಗೌರವಿಸುವ ಪ್ರಶಸ್ತಿಗಳನ್ನು ನೀಡಿದರೆ, ಎಲ್ಲ ಸ್ವರೂಪಗಳಾದ್ಯಂತ ಒಟ್ಟಾರೆ ವಿಭಾಗಗಳಲ್ಲಿ ಮಿಂಚಿದ ಐಸಿಸಿ ಪುರುಷರ ವರ್ಷದ ಕ್ರಿಕೆಟಿಗನಿಗೆ ಅಸ್ಕರ್ ಗಾರ್ಫೀಲ್ಡ್ ಸೋಬರ್ಸ್ ಟ್ರೋಫಿ ಮತ್ತು ಐಸಿಸಿ ವರ್ಷದ ಮಹಿಳಾ ಕ್ರಿಕೆಟಿಗರಿಗೆ ರಾಚೆಲ್ ಹೇಹೋ ಫ್ಲಿಂಟ್ ಟ್ರೋಫಿ ನೀಡಲಾಗುತ್ತದೆ.

ಬುಧವಾರ, ಜನವರಿ 24ರಿಂದ ಐಸಿಸಿ ವೋಟಿಂಗ್ ಅಕಾಡೆಮಿ ಆಯ್ಕೆಗಳು ಮತ್ತು ಅಭಿಮಾನಿಗಳ ಮತದಾನದ ಆಧಾರದ ಮೇಲೆ ವರ್ಷದ ಅಸೋಸಿಯೇಟ್ ಪ್ಲೇಯರ್‌ನಿಂದ ಪ್ರಾರಂಭಿಸಿ 13 ವಿಭಿನ್ನ ವಿಭಾಗಗಳಲ್ಲಿ ವೈಯಕ್ತಿಕ ಪ್ರಶಸ್ತಿಗಳನ್ನು ಬಹಿರಂಗಪಡಿಸಲಾಗಿದೆ.

ಟಿ20 ವರ್ಷದ ವಿಜೇತ ಆಟಗಾರರನ್ನು ಜನವರಿ 24ರಂದು ಬಹಿರಂಗಪಡಿಸಲಾಯಿತು. ಆದರೆ ಏಕದಿನ, ಟೆಸ್ಟ್ ಮತ್ತು ವರ್ಷದ ಕ್ರಿಕೆಟಿಗ ಪ್ರಶಸ್ತಿಗಳಲ್ಲಿ ಉಳಿದ ಪ್ರಶಸ್ತಿಗಳನ್ನು ಗುರುವಾರ (ಜನವರಿ 25) ಬಹಿರಂಗಪಡಿಸಲಾಗಿದ್ದು, 2023ರ ಐಸಿಸಿ ಅವಾರ್ಡ್ಸ್ ವಿಜೇತರ ಸಂಪೂರ್ಣ ಪಟ್ಟಿ ಇಲ್ಲಿದೆ.

2023ರ ಐಸಿಸಿ ಪ್ರಶಸ್ತಿ ವಿಜೇತರ ಪಟ್ಟಿ

ಐಸಿಸಿ ಪುರುಷರ ಅಸೋಸಿಯೇಟ್ ಆಟಗಾರ 2023: ಬಾಸ್ ಡಿ ಲೀಡೆ (ನೆದರ್ಲ್ಯಾಂಡ್ಸ್)

ಐಸಿಸಿ ಮಹಿಳಾ ಅಸೋಸಿಯೇಟ್ ಆಟಗಾರ್ತಿ 2023: ಕ್ವೀಂಟರ್ ಅಬೆಲ್ (ಕೀನ್ಯಾ)

ಐಸಿಸಿ ಪುರುಷರ ಟಿ20 ವರ್ಷದ ಆಟಗಾರ 2023: ಸೂರ್ಯಕುಮಾರ್ ಯಾದವ್ (ಭಾರತ)

ಐಸಿಸಿ ಮಹಿಳಾ ಟಿ20 ವರ್ಷದ ಆಟಗಾರ್ತಿ 2023: ಹೇಲಿ ಮ್ಯಾಥ್ಯೂಸ್ (ವೆಸ್ಟ್ ಇಂಡೀಸ್)

ಐಸಿಸಿ 2023ರ ವರ್ಷದ ಉದಯೋನ್ಮುಖ ಪುರುಷರ ಆಟಗಾರ: ರಚಿನ್ ರವೀಂದ್ರ (ನ್ಯೂಜಿಲೆಂಡ್)

ಐಸಿಸಿ ವರ್ಷದ ಉದಯೋನ್ಮುಖ ಮಹಿಳಾ ಆಟಗಾರ್ತಿ 2023: ಫೋಬೆ ಲಿಚ್‌ಫೀಲ್ಡ್ (ಆಸ್ಟ್ರೇಲಿಯಾ)

ಐಸಿಸಿ ಪುರುಷರ ಏಕದಿನ ವರ್ಷದ ಕ್ರಿಕೆಟಿಗ 2023: ವಿರಾಟ್ ಕೊಹ್ಲಿ (ಭಾರತ)

ಐಸಿಸಿ ಮಹಿಳಾ ಏಕದಿನ ವರ್ಷದ ಆಟಗಾರ್ತಿ 2023: ಚಾಮರಿ ಅಥಾಪತ್ತು (ಶ್ರೀಲಂಕಾ)

ಐಸಿಸಿ ವರ್ಷದ ಅಂಪೈರ್ 2023: ರಿಚರ್ಡ್ ಇಲ್ಲಿಂಗ್‌ವರ್ತ್ (ಇಂಗ್ಲೆಂಡ್)

ಐಸಿಸಿ ಸ್ಪಿರಿಟ್ ಆಫ್ ಕ್ರಿಕೆಟ್ ಅವಾರ್ಡ್ 2023: ಜಿಂಬಾಬ್ವೆ ತಂಡ

ಐಸಿಸಿ 2023ರ ವರ್ಷದ ಮಹಿಳಾ ಕ್ರಿಕೆಟಿಗರಿಗೆ ರಾಚೆಲ್ ಹೇಹೋ ಫ್ಲಿಂಟ್ ಟ್ರೋಫಿ: ನ್ಯಾಟ್ ಸ್ಕಿವರ್-ಬ್ರಂಟ್ (ಇಂಗ್ಲೆಂಡ್)