ದಕ್ಷಿಣ ಆಫ್ರಿಕಾ ಕಳಪೆ ಪ್ರದರ್ಶನ, ಐಪಿಎಲ್ ಕಾರಣವೆಂದ ಡುಪ್ಲೆಸಿ

ICC World Cup 2019 : 32 ವರ್ಷದ ಸಾಧನೆ ನೆಪಿಸಿದ್ದಕ್ಕೆ ಶಮಿಗೆ ಧನ್ಯವಾದ ಹೇಳಿದ ಮಾಜಿ ಆಟಗಾರ..?|Oneindia Kannada
ICC Cricket World Cup : Faf Du Plessis blames IPL for poor performance

ಕ್ರಿಕೆಟ್ ಲೋಕದ ಕೂಸು ಅಫಘಾನಿಸ್ತಾನವನ್ನು ಹೊರತುಪಡಿಸಿ, ವಿಶ್ವಕಪ್ ಕ್ರಿಕೆಟ್ ಟೂರ್ನಮೆಂಟ್ ನಲ್ಲಿ ಆಡಿರುವ ಏಳು ಪಂದ್ಯಗಳ ಪೈಕಿ ಐದು ತಂಡಗಳ ವಿರುದ್ಧ ಸೋತಿರುವ ದಕ್ಷಿಣ ಆಫ್ರಿಕಾ ಕನಸು ಸಂಪೂರ್ಣವಾಗಿ ಭಗ್ನಗೊಂಡಿದ್ದು, ಹೆಚ್ಚೂಕಡಿಮೆ ಟೂರ್ನಿಯಿಂದ ಹೊರಬಿದ್ದಿದೆ.

ದಕ್ಷಿಣ ಆಫ್ರಿಕಾ ತನ್ನ ಹೀನಾಯ ಸೋಲುಗಳ ವಿಮರ್ಶೆಯಲ್ಲಿ ತೊಡಗಿದ್ದು, ಇಷ್ಟು ಕಳಪೆಯಾಗಿ ಆಡಲು ಕಾರಣಗಳೇನು ಎಂದು ಹುಡುಕಲು ಪ್ರಾರಂಭಿಸಿದೆ. ಇದರಲ್ಲಿ ಕಂಡುಬಂದಿರುವ ಅಚ್ಚರಿಯ ಕಾರಣವೇನೆಂದರೆ, ಐಪಿಎಲ್ ನಲ್ಲಿ ದಕ್ಷಿಣ ಆಫ್ರಿಕಾದ ಆಟಗಾರರು, ಅದರಲ್ಲಿಯೂ ಕಾಗಿಸೋ ರಬಾಡಾ ಅವರು ಆಡಿದ್ದು, ವಿಶ್ವಕಪ್ ನಲ್ಲಿ ಸರಣಿ ಸೋಲಿಗೆ ಕಾರಣ!

ವಿಶ್ವಕಪ್‌: ಪಾಕಿಸ್ತಾನಕ್ಕೆ ಶರಣಾದ ದಕ್ಷಿಣ ಆಫ್ರಿಕಾ

ಇಂಡಿಯನ್ ಪ್ರೀಮಿಯರ್ ಲೀಗ್ ನಲ್ಲಿ ಆಡಿದ ದಕ್ಷಿಣ ಆಫ್ರಿಕಾದ ಪ್ರಮುಖ ಬೌಲರ್, ಕಾಗಿಸೋ ರಬಾಡಾ ಅವರು ವಿಶ್ವಕಪ್ ಗೂ ಮೊದಲೇ ಸಾಕಷ್ಟು ವಿಶ್ರಾಂತಿ ತೆಗೆದುಕೊಳ್ಳದಿರುವ ಕಾರಣ, ಅವರು ತಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಆಡುತ್ತಿಲ್ಲ. ಅವರನ್ನು ಮಧ್ಯದಲ್ಲಿಯೇ ಕರೆಯಿಸಿಕೊಳ್ಳಲು ಪ್ರಯತ್ನಿಸಲಾಯಿತಾದರೂ ಸಾಧ್ಯವಾಗಲಿಲ್ಲ ಎಂಬ ಕಾರಣವನ್ನು ದಕ್ಷಿಣ ಆಫ್ರಿಕಾದ ನಾಯಕ ಫಾಫ್ ಡುಪ್ಲೆಸಿ ಅವರು ಕಂಡುಹಿಡಿದಿದ್ದಾರೆ.

ತಮಾಷೆ ಅಂದರೆ, ಈ ವಿಶ್ವಕಪ್ ನಲ್ಲಿ, ಭಾರತದ ಆಟಗಾರರು ಸೇರಿದಂತೆ ಯಶಸ್ವಿಯಾಗಿ ಆಡುತ್ತಿರುವ ಹಲವಾರು ಆಟಗಾರರು ಕೂಡ ಇಂಡಿಯನ್ ಪ್ರೀಮಿಯರ್ ಲೀಗ್ ನಲ್ಲಿ ಆಡಿದ್ದಾರೆ. ಇಲ್ಲಿಯವರೆಗೆ ಅಜೇಯವಾಗಿ ಉಳಿದಿರುವ ಭಾರತ ಮತ್ತು ನ್ಯೂಜಿಲೆಂಡ್ ಹಲವಾರು ಆಟಗಾರರು ಐಪಿಎಲ್ ನಲ್ಲಿ ಆಡಿದ್ದಾರೆ. ನ್ಯೂಜಿಲೆಂಡ್ ನ ನಾಯಕ ಕೇನ್ ವಿಲಿಯಮ್ಸನ್, ಆಸ್ಟ್ರೇಲಿಯಾದ ಆರೋನ್ ಫಿಂಚ್ ಸೇರಿದಂತೆ ವಿಶ್ವಕಪ್ ನಲ್ಲಿ ಅದ್ಭುತವಾಗಿ ಬ್ಯಾಟಿಂಗ್ ಮಾಡುತ್ತಿದ್ದು, ಇವರೆಲ್ಲ ಐಪಿಎಲ್ ನಲ್ಲಿ ಆಡಿದವರೇ.

ಜೂನ್ 10ರಂದು ವೆಸ್ಟ್ ಇಂಡೀಸ್ ವಿರುದ್ಧ ಪಂದ್ಯ ನಡೆಯದಿದ್ದರಿಂದ ದಕ್ಷಿಣ ಆಫ್ರಿಕಾದ ಪಂದ್ಯ ರದ್ದಾಗಿತ್ತು. ಇದನ್ನು ಹೊರತುಪಡಿಸಿದರೆ, ಉಳಿದೆಲ್ಲ ಪಂದ್ಯಗಳಲ್ಲಿ ದಕ್ಷಿಣ ಆಫ್ರಿಕಾ ಆಟಗಾರರು ಕಳಪೆಯಾಗಿ ಆಡಿದ್ದಾರೆ. ಜೂನ್ 23ರಂದು ನಡೆದ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ ದಕ್ಷಿಣ ಆಫ್ರಿಕಾ ಹೀನಾಯವಾಗಿ ಸೋತಿದೆ. ನಂತರ, ನ್ಯೂಜಿಲೆಂಡ್, ಭಾರತ, ಬಾಂಗ್ಲಾದೇಶದ ವಿರುದ್ಧ ಪಂದ್ಯ ಮತ್ತು ಇಂಗ್ಲೆಂಡ್ ವಿರುದ್ಧ ನಡೆದ ವಿಶ್ವಕಪ್ ನ ಮೊದಲ ಪಂದ್ಯದಲ್ಲಿಯೂ ದಕ್ಷಿಣ ಆಫ್ರಿಕಾ ಸೋತಿದೆ.

ಒಂದರ್ಥದಲ್ಲಿ ಕಾಗಿಸೋ ರಬಾಡಾ ವಿರುದ್ಧ ದಕ್ಷಿಣ ಆಫ್ರಿಕಾದ ನಾಯಕ ಫಾಫ್ ಡುಪ್ಲೆಸಿ ಹೇಳಿದ್ದರಲ್ಲಿ ನಿಜಾಂಶವೂ ಇದೆ. ಐಪಿಎಲ್ ನಲ್ಲಿ ಅದ್ಭುತವಾಗಿ ಬೌಲಿಂಗ್ ಮಾಡಿ ಗರಿಷ್ಠ ವಿಕೆಟ್ ಕಿತ್ತಿದ್ದ, ದಕ್ಷಿಣ ಆಫ್ರಿಕಾದ ಏಸ್ ಬೌಲರ್ ರಬಾಡಾ ಅವರು ವಿಶ್ವಕಪ್ ನಲ್ಲಿ ಅತ್ಯಂತ ಕಳಪೆಯಾಗಿ ಬೌಲಿಂಗ್ ಮಾಡುತ್ತಿದ್ದಾರೆ. ಪಾಕಿಸ್ತಾನದ ವಿರುದ್ಧದ ಪಂದ್ಯದಲ್ಲಿ 10 ಓವರ್ ಗಳಲ್ಲಿ 65 ರನ್ ನೀಡಿ ರಬಾಡಾ ಒಂದೂ ವಿಕೆಟ್ ಪಡೆದಿಲ್ಲ.

1
6

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

Story first published: Monday, June 24, 2019, 12:40 [IST]
Other articles published on Jun 24, 2019
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more