ಒಡಿಐ ನಂ.1 ಸ್ಥಾನಿ ವಿರಾಟ್ ಕೊಹ್ಲಿ ಬೆನ್ನ ಹಿಂದೆಯೇ ಇದ್ದಾರೆ ಹಿಟ್‌ಮ್ಯಾನ್!

ಆಸೀಸ್ ಸರಣಿ ಆಡದೆಯೂ ರೋಹಿತ್ ನಂ.2

ಸದ್ಯ ಆಸ್ಟ್ರೇಲಿಯಾ ಮತ್ತು ಭಾರತದ ಮಧ್ಯೆ ಪ್ರವಾಸ ಸರಣಿ ನಡೆಯುತ್ತಿದೆ. ಏಕದಿನ ಸರಣಿಯ ಆರಂಭಿಕ ಎರಡು ಪಂದ್ಯಗಳಲ್ಲಿ ಆಡಿದ್ದ ವಿರಾಟ್ ಕೊಹ್ಲಿ ಕ್ರಮವಾಗಿ 89, 63 ರನ್ ಗಳಿಸಿದ್ದರು. ಇದು ನಂ.1 ಸ್ಥಾನಕ್ಕೆ ಗಟ್ಟಿಯಾಗಲು ಕೊಹ್ಲಿಗೆ ಸಹಕಾರಿಯಾಗಿತ್ತು. ಆದರೆ ಇತ್ತಂಡಗಳ ನಡುವಿನ ಏಕದಿನ ಮತ್ತು ಟಿ20ಐ ಸರಣಿಯಲ್ಲಿ ರೋಹಿತ್ ಆಡಿಯೇ ಇಲ್ಲ. ಆದರೂ ನಂ.2 ಸ್ಥಾನದಲ್ಲಿ ರೋಹಿತ್ ಉಳಿದುಕೊಂಡಿದ್ದಾರೆ.

28 ಪಾಯಿಂಟ್ಸ್‌ ಮಾತ್ರ ವ್ಯತ್ಯಾಸ

ಒಡಿಐ ನಂ.1 ಸ್ಥಾನಿ ವಿರಾಟ್ ಕೊಹ್ಲಿ ಮತ್ತು ನಂ.2 ಸ್ಥಾನಿ ರೋಹಿತ್ ಶರ್ಮಾ ಮಧ್ಯೆ 28 ಪಾಯಿಂಟ್ಸ್‌ ಮಾತ್ರ ವ್ಯತ್ಯಾಸವಿದೆ. ಕೊಹ್ಲಿ 870 ಅಂಕ ಗಳಿಸಿದ್ದರೆ, ರೋಹಿತ್ ಖಾತೆಯಲ್ಲಿ 842 ಅಂಕಗಳಿವೆ. ತೃತೀಯ ಸ್ಥಾನದಲ್ಲಿರುವ ಪಾಕಿಸ್ತಾನದ ಬಾಬರ್ ಅಝಾಮ್ 837, 4ನೇ ಸ್ಥಾನಿ ನ್ಯೂಜಿಲೆಂಡ್‌ನ ರಾಸ್ ಟೇಲರ್ 818, 5ನೇ ಸ್ಥಾನಿ ಆಸ್ಟ್ರೇಲಿಯಾದ ಆ್ಯರನ್ ಫಿಂಚ್ 791 ಅಂಕಗಳನ್ನು ಕಲೆ ಹಾಕಿದ್ದಾರೆ.

ಟಾಪ್‌ 3ರಲ್ಲಿ ಜಸ್‌ಪ್ರೀತ್ ಬೂಮ್ರಾ

ಏಕದಿನ ಕ್ರಿಕೆಟ್ ಬೌಲಿಂಗ್ ರ್‍ಯಾಂಕಿಂಗ್‌ನಲ್ಲಿ 1. ಟ್ರೆಂಟ್ ಬೌಲ್ಟ್ (ನ್ಯೂಜಿಲೆಂಡ್, 722 ಪಾಯಿಂಟ್ಸ್‌), 2. ಮುಜೀಬ್ ಉರ್ ರಹ್ಮಾನ್ (ಅಫ್ಘಾನಿಸ್ಥಾನ, 701), 3. ಜಸ್‌ಪ್ರೀತ್ ಬೂಮ್ರಾ (ಭಾರತ, 700), 4. ಕ್ರಿಸ್ ವೋಕ್ಸ್ (ಇಂಗ್ಲೆಂಡ್), 5. ಕಾಗಿಸೊ ರಬಾಡ (ದಕ್ಷಿಣ ಆಫ್ರಿಕಾ) ಇದ್ದಾರೆ.

ಆಲ್‌ ರೌಂಡರ್‌ಗಳಲ್ಲಿ ಶಕೀಬ್ ನಂ.1

ಏಕದಿನ ಆಲ್‌ ರೌಂಡರ್‌ಗಳಲ್ಲಿ 1. ಶಕೀಬ್ ಅಲ್ ಹಸನ್ (ಬಾಂಗ್ಲಾದೇಶ, 373 ಪಾಯಿಂಟ್ಸ್‌), 2. ಮೊಹಮ್ಮದ್ ನಬಿ (ಅಫ್ಘಾನಿಸ್ತಾನ, 301), 3. ಕ್ರಿಸ್ ವೋಕ್ಸ್ (ಇಂಗ್ಲೆಂಡ್, 281), 4 ಬೆನ್ ಸ್ಟೋಕ್ಸ್ (ಇಂಗ್ಲೆಂಡ್), 5. ಇಮಾದ್ ವಾಸಿಮ್ (ಪಾಕಿಸ್ತಾನ) ಇದ್ದಾರೆ.