ಐಸಿಸಿ ವಿಶ್ವಕಪ್ 2019: ಚಾಂಪಿಯನ್ ತಂಡಕ್ಕೆ ಭರ್ಜರಿ ನಗದು ಬಹುಮಾನ!

ರನ್ನರ್ಸ್‌ಗೂ ದೊಡ್ಡ ಮೊತ್ತ

ವಿನ್ನರ್ಸ್ ತಂಡ 4 ಮಿಲಿಯನ್ ಡಾಲರ್ ನಷ್ಟು ನಗದು ಪ್ರಶಸ್ತಿ ಗೆದ್ದರೆ ರನ್ನರ್ಸ್ ತಂಡವೂ ದೊಡ್ಡ ಮೊತ್ತ ಬಹುಮಾನ ಪಡೆದುಕೊಳ್ಳಲಿದೆ. ಚಾಂಪಿಯನ್ ತಂಡದ ಅರ್ಧದಷ್ಟು ಅಂದರೆ 2 ಮಿಲಿಯನ್ ಡಾಲರ್ (14,03,21,000 ಕೋ.ರೂ ರೂ.) ನಗದು ಪುರಸ್ಕಾರ ರನ್ನರ್ಸ್ ಪಾಲಾಗಲಿದೆ.

ಸೆಮಿಫೈನಲ್ ಸೋತರೂ ಹಣ

46 ದಿನಗಳ ಕಾಲ ಒಟ್ಟು 11 ತಾಣಗಳಲ್ಲಿ ನಡೆಯಲಿರುವ ಈ ಬಾರಿಯ ವಿಶ್ವಕಪ್ ಟೂರ್ನಿಯಲ್ಲಿ ಸೆಮಿ ಫೈನಲ್‌ನಲ್ಲಿ ಸೋತ ತಂಡವೂ $ 800,000 (5,61,38,000 ರೂ.) ಪಡೆದುಕೊಳ್ಳಲಿದೆ. ಅಂತೂ ಟೂರ್ನಿಯಲ್ಲಿ ಗೆಲ್ಲುವ ತಂಡಗಳು ವಿಶ್ವದ ಬಲಿಷ್ಠ ಕ್ರಿಕೆಟ್ ತಂಡಗಳೆಂಬ ಹೆಗ್ಗಳಿಕೆ ಪಾತ್ರವಾಗುವುದಲ್ಲದೆ, ದೊಡ್ಡ ಮಟ್ಟದ ನಗದನ್ನೂ ಗೆದ್ದುಕೊಳ್ಳಲಿವೆ.

ಲೀಗ್ ನಲ್ಲಿ ಗೆದ್ದವರಿಗೆ ನಗದು

ಇನ್ನು ಲೀಗ್ ಹಂತದಲ್ಲಿ ಗೆಲ್ಲುವ ತಂಡಗಳು ತಲಾ 40,000 ಡಾಲರ್ (2,80,562 ರೂ.) ಗೆದ್ದುಕೊಂಡರೆ, ಲೀಗ್ ಬಳಿಕದ ಪಂದ್ಯಗಳಲ್ಲಿನ ವಿಜೇತರು ತಲಾ 100,000 ಡಾಲರ್ (70,13,800 ರೂ.) ನಗದು ಪ್ರಶಸ್ತಿ ಜಯಿಸಲಿದ್ದಾರೆ. ಗೆಲ್ಲುವ ಕುದುರೆಗೆ ಟೂರ್ನಿ ಹಣದ ಹೊಳೆಯನ್ನೇ ಹರಿಸಲಿದೆ.

ಹಿಂದೆ ಗೆದ್ದು ಬೀಗಿದ ತಂಡಗಳು

ಈ ಹಿಂದೆ ಇಂಗ್ಲೆಂಡ್ ಮತ್ತು ವೇಲ್ಸ್ 1975, 1979, 1983 ಮತ್ತು 1999ರಲ್ಲಿ ವಿಶ್ವಕಪ್ ಟೂರ್ನಿಯ ಆತಿಥ್ಯ ವಹಿಸಿತ್ತು. ವಿಶ್ವಕಪ್ ಇತಿಹಾಸದಲ್ಲಿ ಆಸ್ಟ್ರೇಲಿಯಾ ತಂಡ 1987, 1999, 2003, 2007 ಮತ್ತು 2015ರಲ್ಲಿ ಪ್ರಶಸ್ತಿ ಜಯಿಸಿ ವಿಶ್ವಕಪ್‌ನಲ್ಲಿನ ಯಶಸ್ವಿ ತಂಡವಾಗಿ ಗುರುತಿಸಿಕೊಂಡಿದೆ. ಇನ್ನು ಮೊದಲೆರಡು ಆವೃತ್ತಿಗಳನ್ನು ಅಂದರೆ 1975 ಮತ್ತು 1979ರಲ್ಲಿ ವೆಸ್ಟ್ ಇಂಡೀಸ್ ಚಾಂಪಿಯನ್ ಆಗಿತ್ತು. 1983 ಮತ್ತು 2011ರಲ್ಲಿ ಭಾರತ, 1992ರಲ್ಲಿ ಪಾಕಿಸ್ತಾನ, 1996ರಲ್ಲಿ ಶ್ರೀಲಂಕಾ ತಂಡ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು.