ಬಲಿಷ್ಠ ತಂಡವಾಗಿ ಮುನ್ನುಗ್ಗಲಿದೆ
ತಮಿಳುನಾಡಿನಲ್ಲಿ ತನ್ನ ಜೆನ್ ನೆಕ್ಸ್ಟ್ ಕ್ರಿಕೆಟ್ ಇನ್ಸ್ಟಿಸ್ಟ್ಯೂಟ್ ನಲ್ಲಿ ಅಶ್ವಿನ್ ಫೌಂಡೇಶನ್ ಉದ್ಘಾಟಿಸಿದ ಬಳಿಕ ಮಾತನಾಡಿದ ಆರ್ ಅಶ್ವಿನ್, '2003 ಮತ್ತು 2007ರಲ್ಲಿ ಆಸ್ಟ್ರೇಲಿಯಾ ತಂಡ ಪಾರಮ್ಯ ಮೆರೆದಂತೆಯೇ ಈ ಬಾರಿ ಟೀಮ್ ಇಂಡಿಯಾ ಬಲಿಷ್ಠ ತಂಡವಾಗಿ ಮುನ್ನುಗ್ಗಲಿದೆ' ಎಂದರು.
ಆಸ್ಟ್ರೇಲಿಯಾಕ್ಕೆ ಹ್ಯಾಟ್ರಿಕ್ ಗೆಲುವು
ಸತತ ಮೂರುಬಾರಿ ವಿಶ್ವಕಪ್ ಟ್ರೋಫಿ ಎತ್ತಿದ ಹೆಗ್ಗಳಿಕೆ ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ತಂಡದ್ದು. 1999, 2003 ಮತ್ತು 2007ರಲ್ಲಿ ಕಾಂಗರೂ ಬಳಗ ವಿಶ್ವಕಪ್ ಕಪ್ ಜಯಿಸಿತ್ತು. ಅದರಲ್ಲೂ 2003ರಲ್ಲಿ ಸೌತ್ ಆಫ್ರಿಕಾದಲ್ಲಿ ನಡೆದಿದ್ದ ಟೂರ್ನಿಯಲ್ಲಿ ಮತ್ತು 2007ರಲ್ಲಿ ವೆಸ್ಟ್ ಇಂಡೀಸ್ ನಲ್ಲಿ ನಡೆದಿದ್ದ ಆವೃತ್ತಿಯಲ್ಲಿ ಆಸೀಸ್ ತಂಡ ಟೂರ್ನಿಯ ಹೆಚ್ಚು ಪ್ರಬಲ ತಂಡವಾಗಿ ಕಾಣಿಸಿಕೊಂಡಿತ್ತು. ಈ ಎರಡು ವರ್ಷಗಳು ರನ್ನರ್ ಪ್ರಶಸ್ತಿ ಕ್ರಮವಾಗಿ ಭಾರತ ಮತ್ತು ಶ್ರೀಲಂಕಾದ ಪಾಲಾಗಿದ್ದವು.
ಚಾಹಲ್ ಉತ್ತಮ ಪ್ರದರ್ಶನ
ಭಾರತ ತಂಡದ ಬಗ್ಗೆ ಮಾತು ಮುಂದುವರೆಸಿದ ಅಶ್ವಿನ್, 'ಇವತ್ತಿನವರೆಗೂ ಯುಜುವೆಂದ್ರ ಚಾಹಲ್ ಮತ್ತು ಕುಲದೀಪ್ ಯಾದವ್ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಅದರಲ್ಲೂ ಚಾಹಲ್ ಬೌಲಿಂಗ್ ಹೆಚ್ಚು ಮಿಂಚುತ್ತಿದೆ. ಆದರೆ ಆಫ್ ಸ್ಪಿನ್ನರ್ಗಳು ಈ ಹೊತ್ತಿನಲ್ಲಿ ಹೆಚ್ಚು ಪ್ರಭಾವಶಾಲಿಗಳಲ್ಲ ಎಂಬುದು ನನ್ನನಿಸಿಕೆ' ಎಂದರು.
ಜೂನ್ 23ರಂದು ಇಂಗ್ಲೆಂಡ್ಗೆ
32ರ ಹರೆಯದ ಅಶ್ವಿನ್ ಅವರು ಜೂನ್ 23ರಂದು ಇಂಗ್ಲೆಂಡ್ಗೆ ತೆರಳಲಿದ್ದಾರೆ. ಇಂಗ್ಲೆಂಡ್ನ ಕೌಂಟಿ ತಂಡ ನಾಟಿಂಗ್ಹ್ಯಾಮ್ಶೈರ್ ಪರ ಆಡಲಿದ್ದಾರೆ. 'ಜೂನ್ 23ರಂದು ಇಂಗ್ಲೆಂಡ್ಗೆ ಹೊರಡಲಿದ್ದೇನೆ. ಇಂಗ್ಲೆಂಡ್ ಕೌಂಟಿ ತಂಡ ನಾಟಿಂಗ್ಹ್ಯಾಮ್ಶೈರ್ ಪರವಾಗಿ ಆಡುತ್ತಿದ್ದೇನೆ. ಅಲ್ಲೇನಾದೀತು ನೋಡೋಣ' ಎಂದು ಅಶ್ವಿನ್ ಹೇಳಿದರು.