ವಿಶ್ವಕಪ್ 2023: 5 ಪಂದ್ಯಗಳಿಗೆ ಬೆಂಗಳೂರು ಆತಿಥ್ಯ: ಚಿನ್ನಸ್ವಾಮಿಯಲ್ಲಿ ನಡೆಯುವ ಪಂದ್ಯಗಳು ಯಾವುದು?

ಏಕದಿನ ವಿಶ್ವಕಪ್ ಟೂರ್ನಿಗೆ ದಿನಗಣನೆ ಆರಂಭವಾಗಿದ್ದು ಇಂದು ಬಹುನಿರೀಕ್ಷಿತ ವಿಶ್ವಕಪ್ ವೇಳಾಪಟ್ಟಿ ಕೂಡ ಬಿಡುಗಡೆಯಾಗಿದೆ. ಈ ಮೂಲಕ ಯಾವ್ಯಾವ ಪಂದ್ಯಗಳು ಎಲ್ಲೆಲ್ಲಿ ನಡೆಯಲಿದೆ ಎಂಬುದರ ಕುರಿತ ಅನುಮಾನ ಹಾಗೂ ಗೊಂದಲಗಳಿಗೂ ತೆರೆಬಿದ್ದಾಂತಾಗಿದೆ. ಈ ಬಾರಿಯ ಟೂರ್ನಿಯಲ್ಲಿ 10 ತಂಡಗಳು ಭಾಗವಹಿಸಲಿದ್ದು 8 ತಂಡಗಳು ಈಗಾಗಲೇ ಅರ್ಹತೆ ಪಡೆದುಕೊಂಡಿದೆ. ಉಳಿದ ಎರಡು ತಂಡಗಳು ಜಿಂಬಾಬ್ವೆಯಲ್ಲಿ ನಡೆಯುತ್ತಿರುವ ಅರ್ಹತಾ ಸುತ್ತಿನಲ್ಲಿ ಫೈನಲ್‌ಗೆ ಪ್ರವೇಶಿಸಿ ಅರ್ಹತೆ ಗಿಟ್ಟಿಸಿಕೊಳ್ಳಲಿದೆ.

ಒಟ್ಟು 10 ತಾಣಗಳಲ್ಲಿ ಈ ಬಾರಿಯ ವಿಶ್ವಕಪ್ ಟೂರ್ನಿ ನಡೆಯಲಿದ್ದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣ ಕೂಡ ವಿಶ್ವಕಪ್ ಆಯೋಜನೆ ಮಾಡುವ 10 ತಂಡಗಳ ಪೈಕಿ ಒಂದಾಗಿದೆ. ಎಲ್ಲಾ ಹತ್ತು ತಾಣಗಳ ಪೈಕಿ ಹೈದರಾಬಾದ್‌ನಲ್ಲಿ ಮೂರ ಪಂದ್ಯಗಳು ನಡೆಯಲಿದ್ದು ಉಳಿದ 9 ತಾಣಗಳು ಕೂಡ ತಲಾ ಐದು ಪಂದ್ಯಗಳಿಗೆ ಆತಿಥ್ಯವನ್ನು ವಹಿಸಲಿದೆ. ಹೀಗಾಗಿ ಬೆಂಗಳೂರಿನಲ್ಲಿಯೂ ಈ ಬಾರಿಯ ವಿಶ್ವಕಪ್‌ನ ಐದು ಪಂದ್ಯಗಳು ಆಯೋಜನೆಯಾಗಲಿದ್ದು ಭಾರತದ ಒಂದು ಪಂದ್ಯ ಕೂಡ ಇದೆ.

ಬೆಂಗಳೂರಿನಲ್ಲಿ ಐದು ಪಂದ್ಯಗಳು

ಅಕ್ಟೋಬರ್ 5ರಿಂದ ಏಕದಿನ ವಿಶ್ವಕಪ್ ಟೂರ್ನಿ ಆಂಭವಾಗಲಿದ್ದರೂ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮೊದಲ ಪಂದ್ಯ ನಡೆಯುವುದು ಅಕ್ಟೋಬರ್ 20ರಂದು. ಆಸ್ಟ್ರೇಲಿಯಾ ಹಾಗೂ ಪಾಕಿಸ್ತಾನ ತಂಡಗಳು ಈ ಪಂದ್ಯದಲ್ಲಿ ಮುಖಾಮುಖಿಯಾಗಲಿದೆ. ಅಕ್ಟೋಬರ್ 26ರಂದು ಎರಡನೇ ಪಂದ್ಯ ನಡೆಯಲಿದ್ದು ಇಂಗ್ಲೆಂಡ್ ಹಾಗೂ ಅರ್ಹತಾಸುತ್ತಿನಿಂದ ಬಂದ ತಂಡ ಮುಖಾಮುಖಿಯಾಗಲಿದೆ. ನಂತರ ನ್ಯೂಜಿಲೆಂಡ್ ಹಾಗೂ ಪಾಕಿಸ್ತಾನ ತಂಡಗಳು ಕೂಡ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನವೆಂಬರ್ 4ರಂದು ನಡೆಯಲಿದೆ. ನಂತರ ನವೆಂಬರ್ 9ರಂದು ನ್ಯೂಜಿಲೆಂಡ್ ಹಾಗೂ ಕ್ವಾಲಿಫಯರ್ 2 ತಂಡಗಳು ಮುಖಾಮುಯಖಿಯಾಗಲಿದೆ.

ಟೀಮ್ ಇಂಡಿಯಾದ ಏಕೈಕ ಪಂದ್ಯ

ಇನ್ನು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಭಾರತದ ಏಕೈಕ ಪಂದ್ಯ ನವೆಂಬರ್ 11ರಂದು ನಡೆಯಲಿದ್ದು ಕ್ವಾಲಿಫಯರ್ 1 ತಂಡವನ್ನು ಭಾರತ ಎದುರಿಸಲಿದೆ. ಇದು ಲೀಗ್ ಹಂತದಲ್ಲಿ ಭಾರತದ ಕೊನೆಯ ಪಂದ್ಯವಾಗಿರಲಿದೆ. ಹೈದರಾಬಾದ್ ಹೊರತುಪಡಿಸಿ ಉಳಿದ ಎಲ್ಲಾ ತಾಣಗಳಲ್ಲಿಯೂ ಟೀಮ್ ಇಂಡಿಯಾ ಲೀಗ್ ಪಂದ್ಯವನ್ನು ಆಡಲಿದ್ದು ಲೀಗ್ ಹಂಗತದ ಒಂದೊಂದು ಪಂದ್ಯಗಳು ಈ ಎಲ್ಲಾ ತಾಣಗಳಲ್ಲಿಯೂ ಆಯೋಜನೆಯಾಗಲಿದೆ.

ತಾಣಗಳ ಪ್ರಕಾರ ವಿಶ್ವಕಪ್ ಪಂದ್ಯಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಅಹಮದಾಬಾದ್‌ನಲ್ಲಿ ನಡೆಯುವ ಎಲ್ಲಾ ಪಂದ್ಯಗಳು

ಅಕ್ಟೋಬರ್ 5 - ಇಂಗ್ಲೆಂಡ್ vs ನ್ಯೂಜಿಲೆಂಡ್
15 ಅಕ್ಟೋಬರ್ - ಭಾರತ vs ಪಾಕಿಸ್ತಾನ
4 ನವೆಂಬರ್ - ಇಂಗ್ಲೆಂಡ್ vs ಆಸ್ಟ್ರೇಲಿಯಾ
10 ನವೆಂಬರ್ - ದಕ್ಷಿಣ ಆಫ್ರಿಕಾ vs ಅಫ್ಘಾನಿಸ್ತಾನ
19 ನವೆಂಬರ್ - ಫೈನಲ್

ಹೈದರಾಬಾದ್

6 ಅಕ್ಟೋಬರ್ - ಪಾಕಿಸ್ತಾನ vs ಕ್ವಾಲಿಫೈಯರ್ 1
9 ಅಕ್ಟೋಬರ್ - ನ್ಯೂಜಿಲೆಂಡ್ vs ಕ್ವಾಲಿಫೈಯರ್ 1
12 ಅಕ್ಟೋಬರ್ - ಪಾಕಿಸ್ತಾನ vs ಕ್ವಾಲಿಫೈಯರ್ 2

ಧರ್ಮಶಾಲಾ

7 ಅಕ್ಟೋಬರ್ - ಬಾಂಗ್ಲಾದೇಶ vs ಅಫ್ಘಾನಿಸ್ತಾನ
ಅಕ್ಟೋಬರ್ 10 - ಇಂಗ್ಲೆಂಡ್ vs ಬಾಂಗ್ಲಾದೇಶ
16 ಅಕ್ಟೋಬರ್ - ದಕ್ಷಿಣ ಆಫ್ರಿಕಾ vs ಕ್ವಾಲಿಫೈಯರ್ 1
22 ಅಕ್ಟೋಬರ್ - ಭಾರತ vs ನ್ಯೂಜಿಲೆಂಡ್
29 ಅಕ್ಟೋಬರ್ - ಆಸ್ಟ್ರೇಲಿಯಾ vs ನ್ಯೂಜಿಲೆಂಡ್

ದೆಹಲಿ

7 ಅಕ್ಟೋಬರ್ - ದಕ್ಷಿಣ ಆಫ್ರಿಕಾ vs ಕ್ವಾಲಿಫೈಯರ್ 2
11 ಅಕ್ಟೋಬರ್ - ಭಾರತ vs ಅಫ್ಘಾನಿಸ್ತಾನ
ಅಕ್ಟೋಬರ್ 15 - ಇಂಗ್ಲೆಂಡ್ vs ಅಫ್ಘಾನಿಸ್ತಾನ
25 ಅಕ್ಟೋಬರ್ - ಆಸ್ಟ್ರೇಲಿಯಾ vs ಕ್ವಾಲಿಫೈಯರ್ 1
6 ನವೆಂಬರ್ - ಬಾಂಗ್ಲಾದೇಶ vs ಕ್ವಾಲಿಫೈಯರ್ 2

ಚೆನ್ನೈ

8 ಅಕ್ಟೋಬರ್ - ಭಾರತ vs ಆಸ್ಟ್ರೇಲಿಯಾ
14 ಅಕ್ಟೋಬರ್ - ನ್ಯೂಜಿಲೆಂಡ್ vs ಬಾಂಗ್ಲಾದೇಶ
18 ಅಕ್ಟೋಬರ್ - ನ್ಯೂಜಿಲೆಂಡ್ vs ಅಫ್ಘಾನಿಸ್ತಾನ
ಅಕ್ಟೋಬರ್ 23 - ಪಾಕಿಸ್ತಾನ vs ಅಫ್ಘಾನಿಸ್ತಾನ
ಅಕ್ಟೋಬರ್ 27 - ಪಾಕಿಸ್ತಾನ vs ದಕ್ಷಿಣ ಆಫ್ರಿಕಾ

ಲಕ್ನೋ

13 ಅಕ್ಟೋಬರ್ - ಆಸ್ಟ್ರೇಲಿಯಾ vs ದಕ್ಷಿಣ ಆಫ್ರಿಕಾ
17 ಅಕ್ಟೋಬರ್ - ಆಸ್ಟ್ರೇಲಿಯಾ vs ಕ್ವಾಲಿಫೈಯರ್ 2
21 ಅಕ್ಟೋಬರ್ - ಕ್ವಾಲಿಫೈಯರ್ 1 vs ಕ್ವಾಲಿಫೈಯರ್ 2
29 ಅಕ್ಟೋಬರ್ - ಭಾರತ vs ಇಂಗ್ಲೆಂಡ್
3 ನವೆಂಬರ್ - ಕ್ವಾಲಿಫೈಯರ್ 1 vs ಅಫ್ಘಾನಿಸ್ತಾನ

ಪುಣೆ

19 ಅಕ್ಟೋಬರ್ - ಭಾರತ vs ಬಾಂಗ್ಲಾದೇಶ
30 ಅಕ್ಟೋಬರ್ - ಅಫ್ಘಾನಿಸ್ತಾನ vs ಕ್ವಾಲಿಫೈಯರ್ 2
ನವೆಂಬರ್ 1 - ನ್ಯೂಜಿಲೆಂಡ್ vs ದಕ್ಷಿಣ ಆಫ್ರಿಕಾ
8 ನವೆಂಬರ್ - ಇಂಗ್ಲೆಂಡ್ vs ಕ್ವಾಲಿಫೈಯರ್ 1
12 ನವೆಂಬರ್ - ಆಸ್ಟ್ರೇಲಿಯಾ vs ಬಾಂಗ್ಲಾದೇಶ

ಬೆಂಗಳೂರು

ಅಕ್ಟೋಬರ್ 20 - ಆಸ್ಟ್ರೇಲಿಯಾ vs ಪಾಕಿಸ್ತಾನ
26 ಅಕ್ಟೋಬರ್ - ಇಂಗ್ಲೆಂಡ್ vs ಕ್ವಾಲಿಫೈಯರ್ 2
4 ನವೆಂಬರ್ - ನ್ಯೂಜಿಲೆಂಡ್ vs ಪಾಕಿಸ್ತಾನ
9 ನವೆಂಬರ್ - ನ್ಯೂಜಿಲೆಂಡ್ vs ಕ್ವಾಲಿಫೈಯರ್ 2
11 ನವೆಂಬರ್ - ಭಾರತ vs ಕ್ವಾಲಿಫೈಯರ್ 1

ಮುಂಬೈ

ಅಕ್ಟೋಬರ್ 21 - ಇಂಗ್ಲೆಂಡ್ vs ದಕ್ಷಿಣ ಆಫ್ರಿಕಾ
ಅಕ್ಟೋಬರ್ 24 - ದಕ್ಷಿಣ ಆಫ್ರಿಕಾ vs ಬಾಂಗ್ಲಾದೇಶ
2 ನವೆಂಬರ್ - ಭಾರತ vs ಕ್ವಾಲಿಫೈಯರ್ 2
ನವೆಂಬರ್ 7 - ಆಸ್ಟ್ರೇಲಿಯಾ vs ಅಫ್ಘಾನಿಸ್ತಾನ
15 ನವೆಂಬರ್ - ಸೆಮಿಫೈನಲ್ 1

ಕೋಲ್ಕತ್ತಾ

28 ಅಕ್ಟೋಬರ್ - ಕ್ವಾಲಿಫೈಯರ್ 1 vs ಬಾಂಗ್ಲಾದೇಶ
31 ಅಕ್ಟೋಬರ್ - ಪಾಕಿಸ್ತಾನ vs ಬಾಂಗ್ಲಾದೇಶ
ನವೆಂಬರ್ 5 - ಭಾರತ vs ದಕ್ಷಿಣ ಆಫ್ರಿಕಾ
ನವೆಂಬರ್ 12 - ಇಂಗ್ಲೆಂಡ್ vs ಪಾಕಿಸ್ತಾನ
16 ನವೆಂಬರ್ - ಸೆಮಿಫೈನಲ್ 2