ICC World Cup 2023: ಹೊಸ ಚೆಂಡಿನಲ್ಲಿ ಶ್ರೀಲಂಕಾ ಪೇಸರ್‌ ಭರ್ಜರಿ ಪ್ರದರ್ಶನ

ಭಾರತದಲ್ಲಿ ವಿಶ್ವಕಪ್‌ ಆರಂಭವಾಗಿದೆ, ಎಲ್ಲಾ ತಂಡಗಳು ಭರ್ಜರಿ ಪ್ರದರ್ಶನ ನೀಡುತ್ತಿವೆ. ಇನ್ನು ಕೆಲವು ತಂಡಗಳು ಗೆಲುವಿನ ಖಾತೆಯನ್ನು ತೆರೆಯಲು ಹೆಣಗಾಟ ನಡೆಸುತ್ತಿವೆ. ಆರಂಭಿಕ ಪಂದ್ಯಗಳನ್ನು ನೋಡಿದರೆ, ಶ್ರೀಲಂಕಾದ ಬೌಲರ್‌ ಪ್ರಭಾವ ಬೀರುತ್ತಿದ್ದಾರೆ ಎಂಬುದು ಸಾಬೀತಾಗುತ್ತಿದೆ.

ಶ್ರೀಲಂಕಾ ತಂಡದ ನಿರೀಕ್ಷೆಯಂತೆ ವಿಶ್ವಕಪ್ ಆರಂಭವಾಗಿಲ್ಲ. ಆದರೆ ಈ ತಂಡದ ವೇಗದ ಬೌಲರ್ ದಿಲ್ಷನ್ ಮಧುಶಂಕ ಸಾಕಷ್ಟು ಪ್ರಭಾವ ಬೀರಿದ್ದಾರೆ. ದಿಲ್ಷನ್ ಮಧುಶಂಕ ಅವರ ಅಂಕಿಅಂಶಗಳು ಅವರು ವಿಶ್ವಕಪ್‌ನಲ್ಲಿ ಹೆಚ್ಚು ಪ್ರಭಾವ ಬೀರಿದ್ದಾರೆ ಎಂದು ಸಾಬೀತು ಪಡೆಸುತ್ತಿದೆ.

ಇಲ್ಲಿಯವರೆಗೆ, ದಿಲ್ಷನ್ ಮಧುಶಂಕ ಈ ವಿಶ್ವಕಪ್‌ನಲ್ಲಿ 24 ಓವರ್‌ಗಳನ್ನು ಬೌಲ್ ಮಾಡಿದ್ದಾರೆ. ಈ 24 ಓವರ್‌ಗಳಲ್ಲಿ ಅವರು 6 ವಿಕೆಟ್ ಮಾಡಿದ್ದಾರೆ. ಆದರೆ ಅವರ ಸರಾಸರಿ 26.67 ಆಗಿದೆ. ಹೊಸ ಚೆಂಡಿನೊಂದಿಗೆ ದಿಲ್ಷನ್ ನಿರಂತರವಾಗಿ ವಿಕೆಟ್ ಕಬಳಿಸುತ್ತಿದ್ದಾರೆ.

ದಕ್ಷಿಣ ಆಫ್ರಿಕಾ ವಿರುದ್ಧ ದಿಲ್ಷನ್ ಮಧುಶಂಕ ಮೊದಲ ಓವರ್‌ನಲ್ಲಿ ತೆಂಬಾ ಬವುಮಾ ಅವರನ್ನು ಔಟ್ ಮಾಡಿದರು. ಆದರೆ ಪಾಕಿಸ್ತಾನದ ವಿರುದ್ಧ, ಇಮಾಮ್ ಉಲ್ ಹಕ್ ಎರಡನೇ ಓವರ್‌ನಲ್ಲಿ ಪೆವಿಲಿಯನ್ ಹಾದಿ ತೋರಿಸಿದರು. ನಾಲ್ಕನೇ ಓವರ್‌ನಲ್ಲಿ ಬಾಬರ್ ಅಜಮ್ ಬಲಿಯಾದರು. ಈಗ ಅವರು ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಓವರ್‌ನಲ್ಲಿ ಡೇವಿಡ್ ವಾರ್ನರ್ ಮತ್ತು ಸ್ಟೀವ್ ಸ್ಮಿತ್ ಅವರನ್ನು ಬಲಿ ಪಡೆದು ಅಬ್ಬರಿಸಿದ್ದಾರೆ.

ಪ್ರಸ್ತುತ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌

ಪ್ರಸ್ತುತ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ ದಿಲ್ಷನ್ ಐದನೇ ಸ್ಥಾನದಲ್ಲಿದ್ದಾರೆ. ಅದರಲ್ಲೂ ಹೊಸ ಚೆಂಡಿನ ಮೂಲಕ ಅಮೋಘ ಬೌಲಿಂಗ್ ಪ್ರದರ್ಶಿಸಿದ್ದಾರೆ. ಅದೇ ಸಮಯದಲ್ಲಿ, ಭಾರತದ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ವಿಶ್ವಕಪ್ 2023 ರಲ್ಲಿ ಇಲ್ಲಿಯವರೆಗೆ ಹೆಚ್ಚು ವಿಕೆಟ್ ಗಳನ್ನು ಪಡೆದಿದ್ದಾರೆ.

ಜಸ್ಪ್ರೀತ್ ಬುಮ್ರಾ 3 ಪಂದ್ಯಗಳಲ್ಲಿ 11.62 ಸರಾಸರಿಯಲ್ಲಿ 8 ವಿಕೆಟ್‌ ಪಡೆದಿದ್ದಾರೆ. ಇದರ ನಂತರ ನ್ಯೂಜಿಲೆಂಡ್ ಸ್ಪಿನ್ನರ್ ಮಿಚೆಲ್ ಸ್ಯಾಂಟ್ನರ್ ಎರಡನೇ ಸ್ಥಾನದಲ್ಲಿದ್ದಾರೆ. ಇದುವರೆಗೆ ಮಿಚೆಲ್ ಸ್ಯಾಂಟ್ನರ್ 3 ಪಂದ್ಯಗಳಲ್ಲಿ 8 ವಿಕೆಟ್ ಪಡೆದಿದ್ದಾರೆ.

ಜಸ್ಪ್ರೀತ್ ಬುಮ್ರಾ ಮತ್ತು ಮಿಚೆಲ್ ಸ್ಯಾಂಟ್ನರ್

ಜಸ್ಪ್ರೀತ್ ಬುಮ್ರಾ ಮತ್ತು ಮಿಚೆಲ್ ಸ್ಯಾಂಟ್ನರ್ ನಂತರ, ಮ್ಯಾಚ್ ಹೆನ್ರಿ ಕಾಣಿಸಿಕೊಳ್ಳುತ್ತಾರೆ. ಇಲ್ಲಿಯವರೆಗೆ, ವಿಶ್ವಕಪ್‌ನಲ್ಲಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ ಮ್ಯಾಟ್ ಹೆನ್ರಿ ಮೂರನೇ ಸ್ಥಾನದಲ್ಲಿದ್ದಾರೆ. ಮ್ಯಾಟ್ ಹೆನ್ರಿ 3 ಪಂದ್ಯಗಳಲ್ಲಿ 8 ವಿಕೆಟ್ ಪಡೆದಿದ್ದಾರೆ. ಆದರೆ ಸರಾಸರಿ 18.25 ಆಗಿದೆ.

ಇದಾದ ನಂತರ ಪಾಕಿಸ್ತಾನದ ಹಸನ್ ಅಲಿ ಇದ್ದಾರೆ. ಹಸನ್ ಅಲಿ 19.71ರ ಸರಾಸರಿಯಲ್ಲಿ 7 ವಿಕೆಟ್ ಪಡೆದಿದ್ದಾರೆ. ಶ್ರೀಲಂಕಾದ ದಿಲ್ಷನ್ ಮಧುಶಂಕ ಇದುವರೆಗಿನ ಯಶಸ್ವಿ ಬೌಲರ್‌ಗಳಲ್ಲಿ ಐದನೇ ಸ್ಥಾನದಲ್ಲಿದ್ದಾರೆ. ರವೀಂದ್ರ ಜಡೇಜಾ 3 ಪಂದ್ಯಗಳಲ್ಲಿ 20.80 ಸರಾಸರಿಯಲ್ಲಿ 5 ವಿಕೆಟ್ ಪಡೆದಿದ್ದಾರೆ.