ICC World Test Championship: ಫೈನಲ್‌ಗೇರಲು ಭಾರತ, ಇಂಗ್ಲೆಂಡ್, ಆಸೀಸ್ ಮಧ್ಯೆ ಫೈಟ್!

ಅಗ್ರಸ್ಥಾನದಲ್ಲಿ ಟೀಮ್ ಇಂಡಿಯಾ

ಸದ್ಯದ ಐಸಿಸಿ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತ 71.7% ಪಾಯಿಂಟ್ಸ್‌ನೊಂದಿಗೆ ಮೊದಲ ಸ್ಥಾನದಲ್ಲಿದೆ. ದ್ವಿತೀಯ ಸ್ಥಾನದಲ್ಲಿ ನ್ಯೂಜಿಲೆಂಡ್ (70.0%), ತೃತೀಯ ಸ್ಥಾನದಲ್ಲಿ ಆಸ್ಟ್ರೇಲಿಯಾ (69.2%), 4ನೇ ಸ್ಥಾನದಲ್ಲಿ ಇಂಗ್ಲೆಂಡ್ ಇಂಗ್ಲೆಂಡ್ (68.7%) ತಂಡಗಳಿವೆ. ಈಗ ಅಗ್ರಸ್ಥಾನದಲ್ಲಿರುವ ಮಾತ್ರಕೆ ಭಾರತ ತಂಡ ಟೆಸ್ಟ್ ಚಾಂಪಿಯನ್‌ಶಿಪ್‌ ಫೈನಲ್‌ಗೆ ಪ್ರವೇಶಿಸುತ್ತದೆ ಎನ್ನಲಾಗದು.

ಹೀಗಾದರೆ ಭಾರತ ಫೈನಲ್‌ಗೆ

ಫೆಬ್ರವರಿ 5ರಿಂದ ಆರಂಭಗೊಳ್ಳಲಿರುವ ಭಾರತ-ಇಂಗ್ಲೆಂಡ್ ನಡುವಿನ ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿ ಟೆಸ್ಟ್‌ ಚಾಂಪಿಯನ್‌ಶಿಪ್‌ನ ಮತ್ತೊಬ್ಬ ಫೈನಲ್‌ ಸ್ಪರ್ಧಿಯನ್ನು ನಿರ್ಧರಿಸಲಿದೆ. ಭಾರತ ತಂಡ ಫೈನಲ್‌ಗೆ ಪ್ರವೇಶಿಸಬೇಕಾದರೆ ಇಂಗ್ಲೆಂಡ್ ವಿರುದ್ಧ ಕನಿಷ್ಠ 2 ಪಂದ್ಯಗಳನ್ನು ಗೆಲ್ಲಲೇಬೇಕು. ಇಂಗ್ಲೆಂಡ್‌ ಸರಣಿಯನ್ನು ಭಾರತ 2-1ರಿಂದ ಗೆದ್ದರೂ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಕೊಹ್ಲಿ ಪಡೆ ಫೈನಲ್‌ಗೇರಲಿದೆ.
(ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ ಸರಣಿಯನ್ನು ಭಾರತ 4-0 or 3-0 or 3-1 or 2-0 or 2-1ನಿಂದ ಗೆದ್ದರೆ ಮಾತ್ರ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್ ಅವಕಾಶ ಸಿಗಲಿದೆ)

ಇಂಗ್ಲೆಂಡ್‌ನ ಫೈನಲ್‌ ಅವಕಾಶ

ಭಾರತ-ಇಂಗ್ಲೆಂಡ್ ಸರಣಿ ಮೂಲಕ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ ಪ್ರವೇಶ ಪಡೆದುಕೊಳ್ಳಲು ಇಂಗ್ಲೆಂಡ್‌ಗೆ ಅವಕಾಶವಿದೆ. ಜೋ ರೂಟ್ ಪಡೆ ಭಾರತದ ವಿರುದ್ಧ ಕನಿಷ್ಠ 3 ಪಂದ್ಯಗಳನ್ನು ಗೆದ್ದರೆ ಇಂಗ್ಲೆಂಡ್ ತಂಡ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ಗೆ ಪ್ರವೇಶಿಸಲಿದೆ.
(ಇಂಗ್ಲೆಂಡ್ ತಂಡ ಟೆಸ್ಟ್ ಚಾಂಪಿಯನ್‌ಶಿಪ್‌ ಫೈನಲ್‌ಗೆ ಪ್ರವೇಶಿಸಬೇಕಾದರೆ ಭಾರತದ ವಿರುದ್ಧ 4-0 or 3-0 or 3-1ನಿಂದ ಟೆಸ್ಟ್ ಸರಣಿ ಗೆಲ್ಲಬೇಕು)

ಆಸ್ಟ್ರೇಲಿಯಾ ಫೈನಲ್‌ಗೆ

ಮೇಲಿನ ಎರಡೂ ಸಾಧ್ಯತೆಗಳು ನಡೆಯದಿದ್ದರೆ ಮಾತ್ರ ಆಸ್ಟ್ರೇಲಿಯಾ ತಂಡ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ಗೆ ಪ್ರವೇಶ ಗಿಟ್ಟಿಸಿಕೊಳ್ಳಲಿದೆ. ಅಂದರೆ ಭಾರತ-ಇಂಗ್ಲೆಂಡ್ ಸರಣಿ ಡ್ರಾ ಆದರೆ ಆಸ್ಟ್ರೇಲಿಯಾ ಫೈನಲ್‌ಗೆ ಹೋಗಲಿದೆ. ಭಾರತ 2ಕ್ಕೂ ಹೆಚ್ಚು ಪಂದ್ಯ ಸೋತರೆ ಅಥವಾ ಇಂಗ್ಲೆಂಡ್ ಕನಿಷ್ಠ 3 ಪಂದ್ಯಗಳನ್ನು ಗೆಲ್ಲದಿದ್ದರೆ ಕೂಡ ಟಿಮ್ ಪೈನೆ ಪಡೆ ಲಂಡನ್‌ನ ಲಾರ್ಡ್ಸ್‌ನಲ್ಲಿ ನಡೆಯಲಿರುವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸ್ಪರ್ಧಿಸಲಿದೆ.