ಆಸೀಸ್ ಎದುರು ಭಾರತ ಈ ಬಾರಿ ಗೆಲ್ಲದಿದ್ದರೆ ಇನ್ಯಾವತ್ತೂ ಗೆಲ್ಲೋಲ್ಲ: ಜೋನ್ಸ್

ಉತ್ತಮ ಎನ್ನುವ ನಂಬಿಕೆ ಭಾರತದ್ದು

'ಒಂದುವೇಳೆ ಈ ಬಾರಿ ಭಾರತ ಸರಣಿಗಳನ್ನು ಗೆಲ್ಲದಿದ್ದರೆ ಅದು ಇನ್ಯಾವತ್ತೂ ಆಸ್ಟ್ರೇಲಿಯಾದಲ್ಲಿ ಗೆಲ್ಲಲು ಸಾಧ್ಯವಿಲ್ಲ. ಆಸ್ಟ್ರೇಲಿಯಾಕ್ಕೆ ಹೋಲಿಸಿದರೆ ಭಾರತ ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲಿ ಎಷ್ಟೋ ಪಟ್ಟು ಉತ್ತಮವಾಗಿದೆ ಎಂಬ ನಂಬಿಕೆ ಅವರದ್ದು. ಆದರೆ ಭಾರತದ ವೇಗಿಗಳು ಇದನ್ನು ಕಾರ್ಯ ರೂಪಕ್ಕೆ ತರಲಿದ್ದಾರೆಯೇ? ಎಂದು ಜೋನ್ಸ್ 'ಸಿಡ್ನಿ ಮಾರ್ನಿಂಗ್ ಹೆರಾಲ್ಡ್' ನಲ್ಲಿ ಹೇಳಿಕೊಂಡಿದ್ದಾರೆ.

ಸಂಪೂರ್ಣ ನ್ಯಾಯ ಸಮ್ಮತವಲ್ಲ

ಸರಣಿಯನ್ನು ಭಾರತ 2-0ಯಿಂದಲೋ ಅಥವಾ 3-0ಯಿಂದಲೋ ಗೆದ್ದುಕೊಳ್ಳಬಹುದು. ಆಸ್ಟ್ರೇಲಿಯಾ ಒಂದೇ ಒಂದು ಪಂದ್ಯವನ್ನೂ ಗೆಲ್ಲದೆ ಇರಬಹುದು. ಆದರೆ ಈ ಸರಣಿ ಗೆಲುವು ಭಾರತದ ಇತಿಹಾಸದಲ್ಲಿ ಅಷ್ಟೇನೂ ನ್ಯಾಯಸಮ್ಮತ ಗೆಲುವಾಗಿ ಗುರುತಿಸಿಕೊಳ್ಳಲಾರದು' ಎಂದು ಡೀನ್ ಅಭಿಪ್ರಾಯಿಸಿದ್ದಾರೆ.

ಉತ್ತಮ ಪ್ರದರ್ಶನ ನೀಡಿಲ್ಲ

ಇದು ಭಾರತದ್ದೊಂದೇ ಕತೆಯಲ್ಲ. ಬಹುತೇಕ ದೇಶಗಳು ಅಂತಾರಾಷ್ಟ್ರೀಯ ಪ್ರವಾಸದ ವೇಳೆ ಪಾರಮ್ಯ ಮೆರೆಯೋದು ಕಡಿಮೆ. ತವರು ನೆಲದಲ್ಲಿ ನಡೆಯುವ ಪಂದ್ಯಗಳ ವೇಳೆ ಆಯಾ ದೇಶಗಳು ಕೊಂಚ ಹೆಚ್ಚೆ ಆತ್ಮವಿಶ್ವಾಸ ಹೊಂದಿರುತ್ತವೆ. ಭಾರತವೂ ಅಂತಾರಾಷ್ಟ್ರೀಯ ಸರಣಿಗಳಲ್ಲಿ ಪ್ರಾಬಲ್ಯ ಮೆರೆದಿದ್ದು ಕಡಿಮೆಯೆ.

ಹೆಚ್ಚು ರನ್ ಗಳಿಸುತ್ತಿದ್ದವರೇ ಇಲ್ಲ

'ಸಾಮಾನ್ಯವಾಗಿ ತವರಿನಲ್ಲಿ ನಡೆಯುವ ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು ಸೋಲಿಸೋದು ಸುಲಭದ ಮಾತಲ್ಲ. ಆದರೆ ಆಸ್ಟ್ರೇಲಿಯಾ ತಂಡದ ಮೊತ್ತದಲ್ಲಿ ಸುಮಾರು 40 ಶೇ. ರನ್ ಕೊಡುಗೆ ನೀಡುವ ಸ್ಮಿತ್, ವಾರ್ನರ್ ಅವರೇ ಈಗ ತಂಡಲ್ಲಿ ಇಲ್ಲ. ಆಸೀಸ್ ನಲ್ಲೀಗ ಅವರ ಸ್ಥಾನ ತುಂಬುವವರು ಯಾರಿದ್ದಾರೆ?' ಎಂದು ಡೀನ್ ಜೋನ್ಸ್ ಪ್ರಶ್ನಿಸಿದ್ದಾರೆ.