ಐಪಿಎಲ್ : ಟೀಂ ಇಂಡಿಯಾ ಆಟಗಾರರಿಗೆ ಕಪಿಲ್ ದೇವ್ ಯಾಕೆ ಈ ಮಾತನ್ನು ಹೇಳಿದರು?

ಐಪಿಎಲ್ ಸುದೀರ್ಘವಾಗಿ ಸಾಗುವ ಟೂರ್ನಮೆಂಟ್

"ಐಪಿಎಲ್ ಪಂದ್ಯಾವಳಿಯಲ್ಲಿ ಆಡುವ ಬಹುತೇಕ ಎಲ್ಲಾ ಆಟಗಾರರು, ಸದ್ಯ ಅಂತರಾಷ್ಟ್ರೀಯ ಪಂದ್ಯಗಳಲ್ಲೂ ಆಡುತ್ತಿದ್ದಾರೆ. ಐಪಿಎಲ್ ಸುದೀರ್ಘವಾಗಿ ಸಾಗುವ ಟೂರ್ನಮೆಂಟ್. ಹಾಗಾಗಿ, ಇಲ್ಲಿ ಆಟಗಾರರ ಫಿಟ್ನೆಸ್ ಬಹುಮುಖ್ಯವಾಗಿರುತ್ತದೆ. ಇದನ್ನು ಆಟಗಾರರು ಗಮನದಲ್ಲಿ ಇಟ್ಟುಕೊಂಡು, ಐಪಿಎಲ್ ನಲ್ಲಿ ಭಾಗವಹಿಸಬೇಕಿದೆ" ಎಂದು ಕಪಿಲ್ ದೇವ್ ಹೇಳಿದ್ದಾರೆ.

ದಣಿದಿದ್ದರೆ ಐಪಿಎಲ್ ನಿಂದ ದೂರವುಳಿಯಿರಿ

ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದ ಕಪಿಲ್ ದೇವ್, "ಟೀಂ ಇಂಡಿಯಾದ ಖಾಯಂ ಆಟಗಾರರು ಬ್ಯಾಕ್ ಟು ಬ್ಯಾಕ್ ಅಂತರಾಷ್ಟ್ರೀಯ ಪಂದ್ಯದಲ್ಲಿ ಆಡುತ್ತಿದ್ದಾರೆ. ಹಾಗಾಗಿ, ಇವರು ದಣಿದಿದ್ದರೆ, ಐಪಿಎಲ್ ನಿಂದ ದೂರವುಳಿಯುವುದು ಉತ್ತಮ" ಎಂದು ಕಪಿಲ್ ದೇವ ಅಭಿಪ್ರಾಯ ವ್ಯಕ್ತ ಪಡಿಸಿದ್ದಾರೆ.

ಫ್ರಾಂಚೈಸ್ ಅನ್ನು ಪ್ರತಿನಿಧಿಸಿ ಆಡುವುದಕ್ಕೂ ವ್ಯತ್ಯಾಸವಿದೆ

"ದೇಶವನ್ನು ಪ್ರತಿನಿಧಿಸಿ ಆಡುವುದಕ್ಕೂ, ಫ್ರಾಂಚೈಸ್ ಅನ್ನು ಪ್ರತಿನಿಧಿಸಿ ಆಡುವುದಕ್ಕೂ ವ್ಯತ್ಯಾಸವಿದೆ. ದೇಶವನ್ನು ಪ್ರತಿನಿಧಿಸಿ ಆಡುವಾಗ ಆಗುವ ಖುಷಿ, ಅನುಭವವೇ ಬೇರೆ. ಹಾಗಾಗಿ, ಐಪಿಎಲ್ ನಲ್ಲಿ ಆಡುವುದು ಸುಸ್ತು ಎನಿಸಿದರೆ, ಆಟಗಾರರು ವಿಶ್ರಾಂತಿ ತೆಗೆದುಕೊಳ್ಳಬಹುದು" ಎನ್ನುವ ಅಭಿಪ್ರಾಯವನ್ನು ಕಪಿಲ್ ದೇವ್ ವ್ಯಕ್ತಪಡಿಸಿದ್ದಾರೆ.

ನಾಯಕ ವಿರಾಟ್ ಕೊಹ್ಲಿ ಬೇಸರ

"ಐಪಿಎಲ್ ನಲ್ಲಿ ಆಡಬೇಕಾದರೆ, ಬೇರೆಯದೇ ಆದ ಗೇಮ್ ಪ್ಲ್ಯಾನ್ ಮಾಡಿಕೊಳ್ಳಬೇಕಾಗಿದೆ. ನೆಟ್ ಪ್ರಾಕ್ಟೀಸ್ ಮಾಡಬೇಕಾಗಿದೆ, ಸಹ ಆಟಗಾರರು ಯಾವ ವಿಭಾಗದಲ್ಲಿ ಬಲಿಷ್ಠರಾಗಿದ್ದಾರೆ ಎನ್ನುವುದನ್ನು ಅರಿತುಕೊಳ್ಳಬೇಕಾಗುತ್ತದೆ. ಆದರೆ, ಇದ್ಯಾವುದಕ್ಕೂ ಸಮಯವಿಲ್ಲದೇ, ನೇರೆ ಮೈದಾನಕ್ಕೆ ಇಳಿಯುವಂತಾಗಿದೆ" ಎಂದು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಇತ್ತೀಚೆಗೆ ಬೇಸರ ವ್ಯಕ್ತಪಡಿಸಿದ್ದರು.