ಸಿಡ್ನಿ ಟೆಸ್ಟ್ ಸ್ಥಳಾಂತರವಾದರೆ ಮತ್ತೆ ಕ್ವಾರಂಟೈನ್‌ಗೆ ಒಳಗಾಗಬೇಕಾ ರೋಹಿತ್ ಶರ್ಮಾ?

ರೋಹಿತ್ ಪಾಡೇನು?

ಸಿಡ್ನಿ ಟೆಸ್ಟ್ ಸ್ಥಳಾಂತರವಾಗಿ ಮೆಲ್ಬೋರ್ನ್‌ನಲ್ಲೇ ನಡೆಸುವ ಪರಿಸ್ಥಿತಿ ಬಂದರೆ ಸಿಡ್ನಿಯಲ್ಲಿ ಕ್ವಾರೈಂಟೈನ್‌ನಲ್ಲಿರುವ ರೋಹಿತ್ ಶರ್ಮಾ ಅವರ ಪಾಡೇನು ಎಂಬುದು ಅಭಿಮಾನಿಗಳ ಪ್ರಶ್ನೆಯಾಗಿದೆ. ರೋಹಿತ್ ಶರ್ಮಾ ಮತ್ತೆ ಕ್ವಾರಂಟೈನ್ ಪೂರೈಸಬೇಕಾಗುತ್ತದೆ ಎಂಬ ಅಭಿಪ್ರಾಯಗಳು ವ್ಯಕ್ತವಾಗುತ್ತಿದೆ.

ಪ್ರಯಾಣದ ವಿಕ್ಟೋರಿಯಾದಲ್ಲಿ ನಿರ್ಬಂಧ

ಆಸ್ಟ್ರೇಲಿಯಾದ ನ್ಯೂ ಸೌಥ್‌ವೇಲ್ಸ್‌ ರಾಜ್ಯದಲ್ಲಿ ಕೊರೊನಾ ವೈರಸ್‌ ಪ್ರಕರಣಗಳು ಹೆಚ್ಚಾಗಿ ಕಂಡು ಬರುತ್ತಿದೆ. ಸಿಡ್ನಿ ಇರುವುದು ಇದೇ ರಾಜ್ಯದಲ್ಲಿ ಆಗಿರುವ ಕಾರಣ ಮೆಲ್ಬೋರ್ನ್ ನಗರವಿರುವ ವಿಕ್ಟೋರಿಯಾ ರಾಜ್ಯಕ್ಕೆ ಪ್ರಯಾಣಿಸಿದರೆ ಕಡ್ಡಾಯವಾಗಿ 14 ದಿನಗಳ ಕ್ವಾರಂಟೈನ್ ಪೂರೈಸಬೇಕಿದೆ. ಈ ನಿಯಮ ಈಗ ಅಭಿಮಾನಿಗಳ ಆತಂಕಕ್ಕೆ ಕಾರಣವಾಗಿದೆ.

ಕ್ವಾರಂಟೈನ್ ಅಗತ್ಯವಿಲ್ಲ

ಆದರೆ ಅಭಿಮಾನಿಗಳ ಈ ಅತಂಕ ದೂರಮಾಡುವಂತಾ ವರದಿಯೊಂದನ್ನು ಕ್ರಿಕ್ ಬಜ್ ಪ್ರಕಟಿಸಿದೆ. ರೋಹಿತ್ ಶರ್ಮಾ ಸಿಡ್ನಿಯಲ್ಲಿ 14 ದಿನಗಳ ಕ್ವಾರಂಟೈನ್‌ಗೆ ಒಳಗಾಗಿರುವ ಕಾರಣ ಸಿಡ್ನಿ ಟೆಸ್ಟ್ ಮೆಲ್ಬೋರ್ನ್‌ಗೆ ಸ್ಥಳಾಂತರವಾದರೂ ಮತ್ತೆ ರೋಹಿತ್ ಕ್ವಾರಂಟೈನ್ ಪೂರೈಸುವ ಅಗತ್ಯವಿಲ್ಲ ಎಂದು ವರದಿ ಮಾಡಿದೆ. ಇದು ಅಭಿಮಾನಿಗಳ ಆತಂಕ ದೂರಮಾಡಿದೆ.

ಸಿಡ್ನಿ ಅಪಾರ್ಟ್‌ಮೆಂಟ್‌ನಲ್ಲಿ ರೋಹಿತ್ ಶರ್ಮಾ

ಲಭ್ಯ ಮಾಹಿತಿಯ ಪ್ರಕಾರ ಬಿಸಿಸಿಐ ರೋಹಿತ್ ಶರ್ಮಾಗೆ ಮೆಲ್ಬೋರ್ನ್‌ನಲ್ಲೇ ಇಳಿಯಲು ಕ್ರಿಕೆಟ್ ಆಸ್ಟ್ರೇಲಿಯಾಗೆ ಮನವಿ ಮಾಡಿತ್ತು. ಆದರೆ ವಿಕ್ಟೋರಿಯಾ ಆಡಳಿತ ರೋಹಿತ್ ಶರ್ಮಾಗೆ ಮೆಲ್ಬೋರ್ನ್‌ಲ್ಲೇ ಉಳಿದುಕೊಳ್ಳುವ ವ್ಯವಸ್ಥೆ ಮಾಡಿದೆ ಎಂದು ಬಳಿಕ ಬಿಸಿಸಿಐ ವಿವರಿಸಿದೆ. ಸಿಡ್ನಿಯಲ್ಲಿ ಎರಡು ಕೋಣೆಗಳ ಅಪಾರ್ಟ್‌ಮೆಂಟ್‌ನಲ್ಲಿ ಕ್ವಾರಂಟೈನ್ ಪೂರೈಸುತ್ತಿದ್ದು ಒಳಾಂಗಣ ಅಭ್ಯಾಸ ನಡೆಸಲು ಪೂರಕ ವ್ಯವಸ್ಥೆಯನ್ನು ಅಲ್ಲಿ ನಿರ್ಮಿಸಲಾಗಿದೆ.