IND vs AUS: 2024ರ ಟಿ20 ವಿಶ್ವಕಪ್‌ಗೂ ಮುನ್ನ ಭಾರತ ತಂಡಕ್ಕೆ ಬೂಸ್ಟ್ ತಂದುಕೊಟ್ಟ 3 ಆಟಗಾರರಿವರು

ಭಾನುವಾರವಷ್ಟೇ ಮುಕ್ತಾಯಗೊಂಡ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಟಿ20 ಸರಣಿಯಲ್ಲಿ ಸ್ಟಾರ್ ಆಟಗಾರರ ಕೊರತೆಯಿದ್ದರೂ, ದ್ವಿಪಕ್ಷೀಯ ಸರಣಿಯು ಹೆಚ್ಚಿನ ಮೌಲ್ಯವನ್ನು ಹೊಂದಿತ್ತು ಎಂದು ಸಾಬೀತಾಯಿತು.

2023ರ ವಿಶ್ವಕಪ್ ಫೈನಲ್ ಪಂದ್ಯದ ನಂತರ ಭಾರತದ ಸ್ಟಾರ್‌ಗಳಾದ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಜಸ್ಪ್ರೀತ್ ಬುಮ್ರಾ, ಕೆಎಲ್ ರಾಹುಲ್ ಮತ್ತು ಆಸ್ಟ್ರೇಲಿಯಾದ ಸ್ಟಾರ್‌ಗಳಾದ ಮಿಚೆಲ್ ಸ್ಟಾರ್ಕ್, ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್ ಅವರಂತಹ ಹಲವಾರು ಅನುಭವಿಗಳು ಸರಣಿಯನ್ನು ತಪ್ಪಿಸಿಕೊಂಡಿದ್ದರು.

ಮುಂದಿನ ವರ್ಷ ವೆಸ್ಟ್ ಇಂಡೀಸ್ ಮತ್ತು ಯುಎಸ್‌ಎನಲ್ಲಿ ನಡೆಯಲಿರುವ 2024ರ ಐಸಿಸಿ ಟಿ20 ವಿಶ್ವಕಪ್‌ಗಾಗಿ ಆಡಿಷನ್ ಆಗಿ ಕಾರ್ಯನಿರ್ವಹಿಸುತ್ತಿರುವ ಹಲವಾರು ಯುವ ಆಟಗಾರರಿಗೆ ಈ ಸರಣಿ ಪ್ರಮುಖವಾಗಿತ್ತು. ಟಿ20 ವಿಶ್ವಕಪ್‌ಗೂ ಮುನ್ನ ಭಾರತ ತಂಡಕ್ಕೆ ಭರವಸೆ ತಂದುಕೊಟ್ಟ ಮೂವರು ಆಟಗಾರರ ಪಟ್ಟಿ ಇಲ್ಲಿದೆ.

ರವಿ ಬಿಷ್ಣೋಯ್ (ಸ್ಪಿನ್ನರ್)

ಯುವ ಬಲಗೈ ಸ್ಪಿನ್ನರ್ ರವಿ ಬಿಷ್ಣೋಯ್ ವೈಟ್-ಬಾಲ್ ಕ್ರಿಕೆಟ್‌ನಲ್ಲಿ ತನ್ನ ಪ್ರಭಾವಶಾಲಿ ಅಂತಾರಾಷ್ಟ್ರೀಯ ಪ್ರದರ್ಶನವನ್ನು ಮುಂದುವರೆಸಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳಲ್ಲಿ ಒಟ್ಟು ಒಂಬತ್ತು ವಿಕೆಟ್‌ಗಳನ್ನು ಪಡೆದರು. ಕೇವಲ 8.20ರ ಎಕಾನಮಿ ದರದಲ್ಲಿ ಇತರ ಯಾವುದೇ ಬೌಲರ್‌ಗಳಿಗಿಂತ ಮೂರು ಹೆಚ್ಚು ವಿಕೆಟ್‌ಗಳನ್ನು ಪಡೆದರು.

ಪವರ್‌ಪ್ಲೇಯ ಆರಂಭಿಕ ಮೂರು ಓವರ್‌ಗಳಲ್ಲಿ ವೇಗಿಗಳು ದುಬಾರಿಯಾದ ಪಡೆದ ನಂತರ, ರವಿ ಬಿಷ್ಣೋಯ್ ಭಾರತ ತಂಡಕ್ಕೆ ವಿಕೆಟ್ ಕಿತ್ತುಕೊಡುತ್ತಿದ್ದರು ಮತ್ತು ಅವರಿಗೆ ವಿಕೆಟ್‌ಗಳು ಸುಲಭವಾಗಿ ಬೀಳುತ್ತಿದ್ದವು. ಈ ಮೂಲಕ ಅವರ ಉತ್ತಮ ಪ್ರದರ್ಶನವು ಅವರಿಗೆ "ಸರಣಿಶ್ರೇಷ್ಠ ಆಟಗಾರ' ಪ್ರಶಸ್ತಿಯನ್ನು ತಂದುಕೊಟ್ಟಿತು.

ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ರವೀಂದ್ರ ಜಡೇಜಾ ಮತ್ತು ರವಿಚಂದ್ರನ್ ಅಶ್ವಿನ್ ಅವರಂತಹ ಕೆಲವು ಸ್ಪಿನ್ ಬೌಲರ್‌ಗಳೊಂದಿಗೆ ಸ್ಥಾನಕ್ಕಾಗಿ ಹೋರಾಡಬಹುದು.

ಆದರೆ, ರವಿ ಬಿಷ್ಣೋಯ್ ಇಲ್ಲಿಯವರೆಗೆ ಆಡಿದ 21 ಟಿ20 ಪಂದ್ಯಗಳಲ್ಲಿ ತಮ್ಮ ಸಾಮರ್ಥ್ಯವನ್ನು ಪ್ರದರ್ಶಿಸಿದ್ದಾರೆ. 17.38ರ ಸರಾಸರಿಯಲ್ಲಿ ಒಟ್ಟು 34 ವಿಕೆಟ್‌ಗಳನ್ನು ಮತ್ತು 7ಕ್ಕಿಂತ ಹೆಚ್ಚಿನ ಎಕಾನಮಿ ದರವನ್ನು ಕಾಯ್ದುಕೊಂಡಿದ್ದಾರೆ.

ರಿಂಕು ಸಿಂಗ್ (ಬ್ಯಾಟರ್)

ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳ ಸರಣಿಯಲ್ಲಿ ಕೆಳ ಮಧ್ಯಮ ಕ್ರಮಾಂಕದ ಬ್ಯಾಟರ್ ರಿಂಕು ಸಿಂಗ್ ಅವರ 105 ರನ್‌ಗಳು ಮೇಲ್ನೋಟಕ್ಕೆ ಹೆಚ್ಚಿನ ಪರಿಣಾಮ ಬೀರುವುದಿಲ್ಲ, ಆದರೆ ಪಂದ್ಯಗಳನ್ನು ನೋಡುವವರಿಗೆ ಫಿನಿಶರ್ ಆಗಿ ಏರುತ್ತಿರುವ ಎಡಗೈ ಬ್ಯಾಟರ್‌ನ ನಿಜವಾದ ಪರಿಣಾಮ ತಿಳಿದಿದೆ.

ರಿಂಕು ಸಿಂಗ್ ಅವರ ಸ್ಟ್ರೈಕ್ ರೇಟ್ ಪ್ರಭಾವಶಾಲಿ 175 ಆಗಿದ್ದು, ಇದು ಇತರ ಬ್ಯಾಟರ್‌ಗಳಿಗಿಂತ ಹೆಚ್ಚಾಗಿದೆ. ಅಂತಿಮ ಕೆಲವು ಓವರ್‌ಗಳಲ್ಲಿ ಅವರ ಬೌಂಡರಿ ಮತ್ತು ಸಿಕ್ಸರ್‌ಗಳು ಭಾರತ ತಂಡಕ್ಕೆ ಅತ್ಯಂತ ಉಪಯುಕ್ತವೆಂದು ಸಾಬೀತಾಯಿತು ಮತ್ತು ಬಲಿಷ್ಠ ಆಸ್ಟ್ರೇಲಿಯಾ ತಂಡವು ಹೋರಾಟ ನಡೆಸಲು ಅವರಿಗೆ 15-20 ರನ್‌ಗಳನ್ನು ಹೆಚ್ಚುವರಿಯಾಗಿ ನೀಡಿತು.

ಈ ಸರಣಿಯಲ್ಲಿ ರಿಂಕು ಅವರ ಅತ್ಯುತ್ತಮ ಪ್ರದರ್ಶನವೆಂದರೆ ಎರಡನೇ ಪಂದ್ಯದಲ್ಲಿ ಕೇವಲ ಒಂಬತ್ತು ಎಸೆತಗಳಲ್ಲಿ ಅಜೇಯ 31 ರನ್‌ಗಳು ಭಾರತ ತಂಡವು 4 ವಿಕೆಟ್‌ಗೆ 235 ರನ್‌ ಗಳಿಸಲು ಸಾಧ್ಯವಾಯಿತು. ರಿಂಕು ಸಿಂಗ್ ಫಿನಿಶರ್ ಆಗಿ ಭಾರತ ತಂಡಕ್ಕೆ ದೊಡ್ಡ ಅಸ್ತ್ರವಾಗಲಿದ್ದಾರೆ.

ರುತುರಾಜ್ ಗಾಯಕ್ವಾಡ್ (ಬ್ಯಾಟರ್)

ಕ್ರಿಕೆಟ್‌ನ ಚುಟುಕು ಸ್ವರೂಪದಲ್ಲಿ, ಭಾರತ ತಂಡವು ಅಗ್ರ ಕ್ರಮಾಂಕದ ಬ್ಯಾಟಿಂಗ್ ಆಯ್ಕೆಗಳ ಕೊರತೆಯನ್ನು ಹೊಂದಿಲ್ಲ. ಇದೇ ವೇಳೆ ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಆಡಲು ಅವಕಾಶ ನೀಡಿದಾಗ ರುತುರಾಜ್ ಗಾಯಕ್ವಾಡ್ ಯಾವಾಗಲೂ ಪ್ರಭಾವಿ ಪ್ರದರ್ಶನ ನೀಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಬಲಗೈ ಆಟಗಾರ ರುತುರಾಜ್ ಗಾಯಕ್ವಾಡ್ ಟಿ20 ಸರಣಿಯ ಮೂರನೇ ಮುಖಾಮುಖಿಯಲ್ಲಿ ಅಸಾಧಾರಣ ಅಜೇಯ 123 ರನ್ ಕಲೆಹಾಕಿದರು ಮತ್ತು ಒಟ್ಟಾರೆಯಾಗಿ ಐದು ಪಂದ್ಯಗಳ ಸರಣಿಯಲ್ಲಿ ಯಾವುದೇ ಆಟಗಾರನಿಗಿಂತ ಅತಿ ಹೆಚ್ಚು 223 ರನ್‌ಗಳನ್ನು ಬಾರಿಸಿದರು. ಇದು ಆಸ್ಟ್ರೇಲಿಯಾ ವಿರುದ್ಧ ಟಿ20 ಅಂತರಾಷ್ಟ್ರೀಯ ದ್ವಿಪಕ್ಷೀಯ ಸರಣಿಯ ವೇಳೆ ಅವರನ್ನು ಭಾರತದ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನನ್ನಾಗಿ ಮಾಡಿತು.