ಕೊಹ್ಲಿ ಬಳಿಕ ಈತನೇ ಭಾರತದ ಬ್ಯಾಟಿಂಗ್ ಅಸ್ತ್ರ ಎಂದ ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್

ಕೊಹ್ಲಿ ಬಳಿಕ ಭಾರತದ ಬ್ಯಾಟಿಂಗ್ ಅಸ್ತ್ರ

ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್ ಟೀಮ್ ಇಂಡಿಯಾದ ಯುವ ಆಟಗಾರ ಶುಬ್ಮನ್ ಗಿಲ್ ಅವರ ಬಗ್ಗೆ ಭಾರೀ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಈ ಸಂದರ್ಭದಲ್ಲಿ ಅವರು ವಿರಾಟ್ ಕೊಹ್ಲಿ ಬಳಿಕ ಭಾರತದ ದೊಡ್ಡ ಬ್ಯಾಟಿಂಗ್ ಅಸ್ತ್ರ ಎಂದಿದ್ದಾರೆ. ಬಾಂಗ್ಲಾದೇಶ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ಎರಡನೇ ಇನ್ನಿಂಗ್ಸ್‌ನಲ್ಲಿ ಗಿಲ್ ತಮ್ಮ ಚೊಚ್ಚಲ ಶತಕ ಸಿಡಿಸಿದರು. ಅನೇಕ ಸಂದರ್ಭಗಳಲ್ಲಿ ಶತಕಗಳಿಸುವ ಅವಕಾಶ ಹೊಂದಿದ್ದರಾದರೂ ಅದನ್ನು ಸಾಧಿಸಲು ಗಿಲ್‌ಗೆ ಸಾಧ್ಯವಾಗಿರಲಿಲ್ಲ. ಇದೀಗ ತಮ್ಮ ಚೊಚ್ಚಲ ಶತಕವನ್ನು ಪೂರ್ಣಗೊಳಿಸಿದ ಸಂತಸದಲ್ಲಿದ್ದಾರೆ ಯುವ ಆಟಗಾರ ಶುಬ್ಮನ್ ಗಿಲ್.

ಗಿಲ್ ಕ್ಲಾಸ್ ಆಟಗಾರ

ಅವರಿಂದ ಶತಕ ಬಂದಿರುವುದು ನಿಜಕ್ಕೂ ಉತ್ತಮವಾದ ಸಂಗತಿ. ಇದಕ್ಕೂ ಮುನ್ನ ಒಂದೆರಡು ಅವಕಾಶಗಳು ಬಂದಿದ್ದರೂ ಅದನ್ನು ಅವರು ಕಳೆದುಕೊಂಡಿದ್ದರು. ಈಗ ಅದನ್ನು ಸಾಧಿಸಲು ಅವರಿಂದ ಸಾಧ್ಯವಾಗಿರುವುದಕ್ಕೆ ನಾನು ಸಂತಸಗೊಂಡಿದ್ದೇನೆ. ಆತನೋರ್ವ ಕ್ಲಾಸ್ ಆಟಗಾರ, ಹೀಗಾಗಿಯೇ ನಾನು ಆತನನ್ನು ವಿರಾಟ್ ಕೊಹ್ಲಿ ಬಳಿಕ ಭಾರತದ ಬ್ಯಾಟಿಂಗ್‌ನ ಪ್ರಮುಖ ಅಸ್ತ್ರ ಎಂದು ಭಾವಿಸುತ್ತೇನೆ" ಎಂದಿದ್ದಾರೆ ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್.

ಮೂರು ಮಾದರಿಯ ಆಟಗಾರ ಶುಬ್ಮನ್ ಗಿಲ್

ಮುಂದುವರಿದು ಮಾತನಾಡಿದ ಅವರು ಶುಬ್ಮನ್ ಗಿಲ್ ಮೂರು ಮಾದರಿಯ ಆಟಗಾರ ಎಂದಿದ್ದಾರೆ. "ಶುಬ್ಮನ್ ಗಿಲ್ ಮೂರು ಮಾದರಿಯ ಆಟಗಾರ. ಅವರಿಂದ ಸಾಕಷ್ಟು ಒಳ್ಳೆಯ ವಿಚಾರಗಳನ್ನು ನೋಡಲು ಬಯಸುತ್ತೇನೆ" ಎಂದಿದ್ದಾರೆ ಜಾಫರ್. ಇನ್ನು ಇದೇ ಸಂದರ್ಭದಲ್ಲಿ ಅವರು ಶಯಬ್ಮನ್ ಗಿಲ್ ಆರಂಭಿಕ ಆಟಗಾರನಿಂತಲೂ ಮಧ್ಯಮ ಕ್ರಮಾಂಖದಲ್ಲಿ ಹೆಚ್ಚು ಪರಿಣಾಮಕಾರಿಯಾಗಬಲ್ಲ ಸಾಮರ್ಥ್ಯವನ್ನು ಹೊಂದಿದ್ದಾರೆ ಎಂದಿದ್ದಾರೆ. ರಾಜ್ಯ ತಂಡದಲ್ಲಿಯೂ ಮಧ್ಯಮ ಕ್ರಮಾಂಖದಲ್ಲಿ ಗಿಲ್ ಆಡುತ್ತಿದ್ದು ಆರಂಭಿಕನಾಗಿ ಹೆಚ್ಚು ಆಡಿದ ಅನುಭವ ಹೊಂದಿಲ್ಲ ಎಂದಿದ್ದಾರೆ. ಭಾರತ ತಂಡದಲ್ಲಿಯೂ ಮದ್ಯಮ ಕ್ರಮಾಂಖದಲ್ಲಿ ಅವಕಾಶ ದೊರೆತರೆ ಖಂಡಿತವಾಗಿಯೂ ಮತ್ತಷ್ಟು ಪರಿಣಾಮಕಾರಿ ಇನ್ನಿಂಗ್ಸ್‌ಗಳನ್ನು ನಿರೀಕ್ಷಿಸಬಹುದು ಎಂದಿದ್ದಾರೆ ಜಾಫರ್.

ಅಮೋಘ ಶತಕ ಬಾರಿಸಿದ ಗಿಲ್

ಇನ್ನು ಶುಬ್ಮನ್ ಗಿಲ್ ಬಾಂಗ್ಲಾದೇಶ ವಿರುದ್ಧದ ಎರಡನೇ ಪಂದ್ಯದಲ್ಲಿ ಅಮೋಗ ಶತಕ ಸಿಡಿಸಿದ್ದಾರೆ. ಮೊದಲ ಇನ್ನಿಂಗ್ಸ್‌ನಲ್ಲ 20 ರನ್‌ಗಳಿಗೆ ಔಟಾಗಿ ನಿರಾಸೆ ಅನುಭವಿಸಿದ್ದ ಅವರು ಎರಡನೇ ಇನ್ನಿಂಗ್ಸ್‌ನಲ್ಲಿ ಸಿಕ್ಕ ಅವಕಾಶವನ್ನು ಭರ್ಜರಿಯಾಗಿ ಬಳಸಿಕೊಂಡರು. 152 ಎಸೆತಗಳನ್ನು ಎದುರಿಸಿದ ಗಿಲ್ 110 ರನ್‌ಗಳನ್ನು ಬಾರಿಸಿದ್ದಾರೆ. ಪೂಜಾರ ಜೊತೆಗೆ ಸೇರಿ ಶತಕದ ಜೊತೆಯಾಟ ನೀಡುವ ಮೂಲಕ ಭಾರತ ತಂಡ ಬಾಂಗ್ಲದೇಶಕ್ಕೆ ಬೃಹತ್ ಮೊತ್ತದ ಗುರಿ ನಿಡಲು ಕಾರಣವಾದರು.